Genesis 5

Kalenjin Bible (BUKUIT NE TILIL)

← Chapter 4 Jump to: Chapter 6 →

1Ni ko bukuit ne bo oretab lagokab Adam. Eng’ betut ne kitoi Kamuktaindet koyai chito, kiyai Kamuktaindet ichek eng’ kergeindanyi:

2kitoi koyai muren ak tie; ak koberur, ak kotochi ichek kainet koguure Adam, eng’ betunoto ne kigitau keyai.

3Ak kitar Adam kenyisiek bogol ak sosom, kosich werit eng’ kergeindanyi eng’ itondanyi; ak kiguure kainennyi Set:

4ak betusiekab Adam ko ki kenyisiek bogol sisit ye kingo kagosich Set: ak kisich werik ak tibik.

5Ak betusiek tugul che kitar Adam ko ki kenyisiek bogol sogol ak sosom; si komee.

6Ak kitar Set kenyisiek bogol ak mut, kosich Enos;

7ak kitar Set kenyisiek bogol sisit ak tisab ye kingo kagosich Enos, ak kisich werik ak tibik:

8ak betusiek tugul che bo Set ko ki kenyisiek bogol sogol ak taman ak aeng’; si komee.

9Kitar Enos kenyisiek tamanwogik sogol, kosich Kenan:

10ak kitar Enos kenyisiek bogol sisiit ak taman ak mut ye kingo kagosich Kenan, ak kisich werik ak tibik:

11ak betusiek tugul che bo Enos ko ki kenyisiek bogol sogol ak mut; si komee.

12Kitar Kenan kenyisiek tamanwogik tisab, kosich Maalalel:

13ak kitar Kenan kenyisiek bogol sisiit ak artam, ye kingo kagosich Maalalel, ak kisich werik ak tibik:

14ak betusiek tugul che bo Kenan ko ki kenyisiek bogol sogol ak taman; si komee.

15Kitar Maalalel kenyisiek tamanwogik lo ak mut, kosich Jaret:

16ak kitar Maalalel kenyisiek bogol sisiit ak sosom ye kingo kagosich Jaret, ak kisich werik ak tibik:

17ak betusiek tugul che bo Maalalel ko ki kenyisiek bogol sisiit ak tamanwogik sogol ak mut; si komee.

18Kitar Jaret kenyisiek bogol ak tamanwogik lo ak aeng’, kosich Enok:

19ak kitar Jaret kenyisiek bogol sisiit ye kingo kagosich Enok, ak kisich werik ak tibik:

20ak betusiek tugul che bo Jaret ko ki kenyisiek bogol sogol ak tamanwogik lo ak aeng’; si komee.

21Kitar Enok kenyisiek tamanwogik lo ak mut, kosich Metusela:

22ak kibendat Enok ak Kamuktaindet eng’ kenyisiek bogol somok ye kingo kagosich Metusela, ak kisich werik ak tibik:

23ak betusiek tugul che bo Enok ko ki kenyisiek bogol somok ak tamanwogik lo ak mut:

24ak kibendoti Enok ak Kamuktaindet; ak kimata kotook, amu kiimut Kamuktaindet.

25Kitar Metusela kenyisiek bogol ak tamanwogik sisiit ak tisab, kosich Lamek:

26ak kitar Metusela kenyisiek bogol tisab ak tamanwogik sisiit ak aeng’ ye kingo kagosich Lamek, ak kisich werik ak tibik:

27ak betusiek tugul che bo Metusela ko ki kenyisiek bogol sogol ak tamanwogik lo ak sogol; si komee.

28Kitar Lamek kenyisiek bogol ak tamanwogik sisiit ak aeng’, kosich werit.

29Ak kiguure kainennyi Noa, kole, Inendet ne igoigoech eng’ boisionikyok ak nyalilwogik che bo eunekyok, amu ng’ony ne kigochub Jehovah.

30Ak kitar Lamek kenyisiek bogol mut ak tamanwogik sogol ak mut ye kingo kagosich Noa, ak kisich werik ak tibik:

31ak betusiek tugul che bo Lamek ko ki kenyisiek bogol tisab ak tamanwogik tisab ak tisab; si komee.

32Ak ye kingo kagotar Noa kenyisiek bogol mut, kosich Sem, Ham ak Japet.

← Chapter 4 Jump to: Chapter 6 →

Recommended Reading

Commentary Genesis Commentaries → Devotional Genesis Devotional Guide → Get This Bible Kalenjin Bible (BUKUIT NE TILIL) Study Bible →