bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
Proverbs 12
Proverbs 12
Kalenjin Bible (BUKUIT NE TILIL)
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 13 →
1
Age tugul ne chamei kotigonet kochamei naet: Ago inendet ne esioi keretab kong’ ko u tiondo.
2
Nyoru chamet eng’ Jehovah chito ne mie: Ago igikyin Jehovah chito ne bo chobutik che yaachen.
3
Magimitu chi eng’ yaitio: Amagoi kitut tigitiotab che bo iman.
4
Egu kwondo ne mie konditab manong’otiondennyi: Ago kwondo ne ibu kalilanet ko u nunatet eng’ kowekab chichoto.
5
Bo iman kabwatutikab che bo imanda: Ago ng’alset kiruogutikab kiptengeginik.
6
Sapchin kotumda korotik ng’alekab kiptengeginik: Ago soru ichek kutitab che bo iman.
7
Kigabui kiptengeginik, kot ko ma komi: Ago tononi gotab che bo iman.
8
Kilosu chi ko u kit ne te ng’omnatennyi: Ago kisasei inendet ne tinyei muguleldo ne imaasat.
9
Kaigai inendet ne kesasei, ak kotinyei otwogindet, Kosiir inendet ne ichaugei, ama tinyei amitwogik.
10
Ribei chito ne bo iman sobetab tennyi: Ago kolgolen rirenosiekab bik che yaach.
11
Nyoru amitwogik che chang’ chito ne ibati korennyi: Ago inendet ne isubi tangoita, ko matinyei naet.
12
Machei kiptengekyot mestetab bik che yaach: Ago yiei logoek tigitiotab che bo iman.
13
Mi mestetab chito ne ya bistoetab kutit: Ago mong’une nyalilda chito ne bo iman.
14
Biyonyi chito mieindo eng’ logoekab kutinnyi: Ak kigeerjin chito boisionikab eunekyik.
15
Litit eng’ ne berber orennyi ngo keerei: Ago epchin it kiruoget inendet ne ng’om.
16
Sib konaoksei neregekab ne berber: Ago unyei tewernatet chito ne ng’om.
17
Inendet ne mwaei iman kobortoi imanda, Ago ibortoi ng’alset baoriat ne ma bo iman.
18
Mi ne sartae ng’alek ko u rotwetab chok ne toorsei: Ago chametab ge ng’elyeptab ne ng’om.
19
Kigimiti koigeny kutit ne bo iman; Ago bo sait ne matia ng’elyepta ne mwaei lembech.
20
Mi ng’alset mugulelwekab che chobei yaitiet: Ago tinyei boiboiyet che mwaitoi kalyet.
21
Manyoru yaitiet age tugul chito ne bo iman: Ago nyiiei yaitiet kiptengeginik.
22
Wechei Jehovah kutit ne mwaei lembech: Ago baibai inendet eng’ che boisie iman.
23
Unyei naet chito ne ng’om: Ago mwaitoi mugulelwekab che berber berberindo.
24
Bounisiei eutab ne igiilegei; Ago kibirjin chito ne choriren kobois.
25
Ing’uruksei muguleldab chito amu nyigisindo ne tinyei; Ago iboiboi muguleloto ng’olyot ne mie.
26
Chitab iman ko kandoindetab chitab kokwennyi: Ago ibeeti kiptengeginik orenywa.
27
Mawatani chito ne choriren kit ne kanyor eng’ loget: Ago tinyei chito ne igiilegei tuguk che bo kamanutiet ne o.
28
Mi sobondo oretab imanda; Ama mi meet eng’ orennyi.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31