Proverbs 30

Kalenjin Bible (BUKUIT NE TILIL)

← Chapter 29 Jump to: Chapter 31 →

1Ng’alekab Agur weritab Jake; maoinatet. Kilenji chito Itiel, ee Itiel ak Ukal:

2A u tiony iman asiir chi tugul, Amatinyei kaguiyet ne bo chi:

3Ak tom anetge ng’omnatet, Amanai Inendet ne Tilil.

4Ng’o ne kitogosta kipsengwet, ak kochorgei? Ng’o ne kigoyum usonet eng’ eunekyik? Ng’o ne kigoratyi beek ngoriennyi? Ng’o ne kiigimit tabanwek tugul che bo ng’ony? Kiguure nee, kiguure nee werinnyi, ngot ingen?

5Tilil ng’olyotab age tugul ne bo Kamuktaindet: Inendet ko long’etab ichek che imang’u inendet.

6Ametesyi ng’olyo ng’alekyik, Si magerin kong’, ak iegu kiplembechwa.

7Kasomin tuguk aeng’; Amat ietena kotom amee:

8Iste kolooegitu eng’ ane, tangoita ak lembechek: Amegona bananda anan magornatosiek; Baena amitwogik che yama:

9Si mabiye ak aesien, ak ale, Ng’o Jehovah? Anan si maegu kibanania, ak achorse, Si mamwa kainetab Kamuktaindennyu eng’ tangoi.

10Ametaam otwogindet eng’ taitab kiptaiyandennyi, Si machubin, ak konamin ng’ogisto.

11Mi ibinda ne chubei kwanisiekwak, Amaiberuri kametisiekwak.

12Mitei ibinda ne iitigei kole tilil, Ago tom kiun eng’ simdanywa.

13Mitei ibinda, Ee, mi katororetab ge ne tia eng’ konyekwak! Sutotin irirenikab konyekwak.

14Mitei ibinda che u kelekwak rotokab chok, ak ko u kelekwak che bo kipkermet, rotok, Si koame kibananok kogesgei eng’ ng’ony, ak koges che matinyei kiy, eng’ bik.

15Tinyei binyinyet arek aeng’, che len, Konech, konech. Mi tuguk somogu che magoi biyo, Ee, mitei tuguk ang’wanu che mamwaei kole, Kayamech:

16Choto ko kererit, ak ne son; Emet ne mabiyonyi beek; Ak mat ne mamwaei kole, Kagoyama.

17Kondab chito ne chotei kwandanyi, Ama chamei kogas it kamet, Kobalu chepkuginik che bo atebwet, kong’ato, Ak koam arekab kipsichinik.

18Mitei tuguk somogu che bo kwong’et ne o eng’ ane, Ee, mi ang’wanu che mangen:

19Ole tirirendoi kipsichit eng’ soet: Ole wetitoi erenet eng’ ruandet; Ole wetitoi melit eng’ nyanjet; Ak ole teptoi mureno ak chepto.

20U ni atebetab kwondo ne tinyei ibetab ge; Amisiei ak kouus kutit, Ak komwa kole, Ma ayai kiy ne ya.

21Botani ng’ony agobo tuguk somok, Ee, tuguk ang’wan che maimuchi komuitochi:

22Choto ko chu: otwogindet ne kaek laitoriat; Ak chito ne abusat ye kagobiyo;

23Ak kwondo ne kiwechei ye kagitun; Ak chepto ne otwogindet ne tun bunjin tugukab kwondo ne bou inendet.

24Mitei tuguk ang’wanu ng’ony che mengechen, Ago ng’omen mising’:

25Tiong’ik che ma kimen birechik, Ago iyumjingei amitwogikwak eng’ kemei;

26Tiong’ik che nyerotin kenerok, Ago teechei gorikwak eng’ ruandosiek;

27Matinyei laitoriat chereng’enyinik, Ago iboktoi tugul eng’ kweanaik;

28Namisie cheringisiet eunekyik, Ago mi gorikab laitorinik.

29Mitei tuguk somogu che bendoti komie eng’ bandanywa, Ee, ang’wan che bendoti komie:

30Choto ko chu: ng’etundo, ne kim kosiir tiong’ik tugul; Ama mwee tiony age tugul;

31Seset ne chepcheb; ak kwesta agine; Ak laitoriat ne magirindoi chi.

32Ngot ko kaitororge eng’ berberindo, Anan ngot ko kaibwat yaitio, Iger kuting’ung’.

33Amu nyonei mwaita ye kisach chego, Bwanei korotik ngiiny serut: Ko u noto ibu neregek che kaging’eet boriet.

← Chapter 29 Jump to: Chapter 31 →