bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
1 Chronicles 28
1 Chronicles 28
Krio (Krio Fɔs Oli Baybul)
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 29 →
1
Devid gɛda ɔl di bigman dɛn na Izrɛl, insay Jerusɛlɛm; di wan dɛm we de fɔ di difrɛn fambul dɛm, di bigman dɛm fɔ di difrɛn sɛkshɔn dɛm we de sav di kiŋ, di kɔmanda dɛm fɔ tawzin, di kɔmanda dɛn fɔ ɔndrɛd, di man dɛm we de tek kia ɔf di kiŋ in prɔpati, in kaw dɛm ɛn i bɔypikin dɛm, wit di pipul dɛn we de wok na di kiŋ in os, di pawaful fɛtman dɛm, ɛn fɛtman dɛn we dɔn fɛt fɔ lɔŋ.
2
Nain Kiŋ Devid tinap ɛn tɔk se, “Mi brɔda ɛn mi pipul dɛn, una lisin wetin a de se. I bin de na mi at fɔ bil os usay PAPA GƆD in Ak ɔf di Kɔvinant go de, ɛn usay wi Gɔd insɛf go tap; ɛn a dɔn rɛdi ɔltin fɔ di bildin.
3
Bɔt PAPA GƆD tɛl mi se, “yu nɔ go bil os fɔ ɔna mi nem bikɔs yu na fɛtman ɛn yu dɔn shɛd blɔd.”
4
Pan ɔl dat, PAPA GƆD we na Izrɛl dɛn Gɔd, pik mi pan ɔl mi papa in pikin dɛn fɔ bi kiŋ na Izrɛl sote go; bikɔs i pik Juda fɔ bi lida, ɛn insay Juda in os we na mi papa in os, ɛn pan ɔl mi papa in bɔypikin dɛn, i gladi fɔ mek mi kiŋ oba di wanol Izrɛl.
5
Ɛn pan ɔl mi bɔypikin dɛm (bikɔs PAPA GƆD dɔn gi mi bɔku bɔypikin dɛm) i dɔn pik Sɔlɔmɔn we na mi bɔypikin fɔ sidɔm na di kiŋ chia na PAPA GƆD kindɔm oba Izrɛl.
6
I tɛl mi se, “Na Sɔlɔmɔn we na yu bɔypikin go bil mi os ɛn mek mi yad, bikɔs a dɔn pik am fɔ bi mi yon bɔypikin ɛn a go bi in Papa.
7
A go mek in kidɔm tinap traŋa wan sote go if i mekɔp in maynd fɔ de du ɔl wetin a bin tɛl dɛn se dɛn fɔ de du, jɛs lɛk aw i de so tide.”
8
Fɔ seka dat, bifo ɔlman na Izrɛl, PAPA GƆD in pipul dɛn we dɔn gɛda na ya, we wi Gɔd sɛf de yɛri, una fɛn ɛn du ɔl wetin PAPA GƆD tɔk traŋa wan se una fɔ de du; so dat una go gɛt dis gud land ɛn day lɛf am fɔ una pikin dɛn, so te go.
9
“Ɛn yu, Sɔlɔmɔn mi bɔypikin, sabi yu Papa in Gɔd, ɛn sav am wit ɔl yu at ɛn sol; bikɔs PAPA GƆD de luk ɔl man at ɛn i no ɔlman plan ɛn wetin i de tink bɔt. If yu luk fɔ am, yu go ebul fɛn am; bɔt if yu tɔn yu bak pan am, i go trowe yu sote go.
10
Tek tɛm o, bikɔs PAPA GƆD dɔn pik yu fɔ bil os we fɔ de wɔship am; tinap lɛk man.
11
Nain Devid gi Sɔlɔmɔn we nain bɔypikin di plan fɔ di men pɔch na di tɛmpul, ɛn fɔ in os dɛm, di vɛstri, di rum dɛm we de ɔp, di insay rum dɛm ɛn di rum we go gɛt di Ak ɔf di Kɔvinant;
12
ɛn ɔl di plan fɔ ɔl wetin bin gɛt nain maynd fɔ di yad dɛm fɔ PAPA GƆD in os, ɛn ɔl di rum dɛm we de rawnd, di sto rum fɔ bi valyuebul tin dɛn, ɛn di rum fɔ kip di tin dɛn we dɛn dɔn gi PAPA GƆD;
13
fɔ di say dɛn we dɛn sheb fɔ di man dɛn we de mek sakrifays fɔ pipul sin ɛn fɔ di Livayt dɛm, ɛn ɔl di difrɛn wok fɔ wok fɔ PAPA GƆD nain os; fɔ ɔl di tin dɛn we dɛn de yuz na PAPA GƆD in os,
14
ɔmɔs gold fɔ ɔl di gold tin dɛn fɔ yuz na PAPA GƆD in os; Ɔmɔs silva fɔ yuz na PAPA GƆD in os,
15
di gold lamp stand dɛn ɛn dɛn gold lamp dɛm wet, di wet fɔ wan gold lamp stand ɛn in gold lamp, di wet fɔ wan silva lamp stand ɛn in silva lamp dɛn, bay aw dɛn de yuz di lamp na PAPA GƆD in os.
16
Ɔmɔs gold fɔ wan tebul fɔ shobred, di silva fɔ di silva tebul dɛm,
17
ɛn piɔ gold fɔ di fɔk dɛm, di besin dɛm ɛn di kɔp dɛm; fɔ di gold bol dɛm ɛn ɔmɔs wan in wet bi, fɔ di silva bol dɛm ɛn ɔmɔs wan in wet go bi;
18
fɔ di ɔlta we na piɔ gold dɛn go tek mek am ɛn in wet, fɔ de bɔn insɛns; ɛn in plan sɛf fɔ di chɛryubim dɛn we de opin dɛn wiŋs ɛn kɔba PAPA GƆD in Ak ɔf di Kɔvinant.
19
I mek ɔl dɛn tin ya klia, bay wetin PAPA GƆD se bɔt dɛn, se dɛn fɔ du ɔl di wok akɔdin to plan.
20
Nain Devid tɛl Sɔlɔmɔn we nain bɔypikin se, “tinap lɛk man, tek kɔrej ɛn du am. Nɔ fred natin ɛn nɔ pwɛl at; bikɔs PAPA GƆD we na mi yon Gɔd de wit yu. I nɔ go fel yu, i nɔ go kɔmɔt biɛn yu, sote ɔl di wok we de fɔ du na PAPA GƆD in os, go dɔn.
21
Luk di difrɛn difrɛn sɛkshɔn dɛm pan di man dɛn we de mek sakrifays na PAPA GƆD in os ɛn di Livayt dɛm, fɔ ɔl di wok na PAPA GƆD in os; ɛn we na yu de bifo pan di wok, ɔlman we sabi difrɛn difrɛn wok go gladi fɔ du ɛni kayn wok na PAPA GƆD in os; ɛn ɔl di bigman dɛn ɛn ɔl di pipul dɛn go du ɛnitin we yu tɛl dɛn.
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 29 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29