bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
1 Chronicles 29
1 Chronicles 29
Krio (Krio Fɔs Oli Baybul)
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
1
Devid we na di kiŋ tɛl dɛn ɔl di wan dɛn we gɛda de se, “Sɔlɔmɔn mi bɔypikin, we nain wangren PAPA GƆD dɔn pik, yɔŋ ɛn in nɔ gɛt ɛkspiriɛns, ɛn di wok big; bikɔs di kiŋ os nɔto fɔ mɔtalman, bɔt na fɔ Papa Gɔd we na Gɔd.
2
So a dɔn gɛda ɔltin fɔ mi Gɔd in os, to usay mi an ebul rich; di gold fɔ di gold tin dɛm, di silva fɔ di silva tin dɛm ɛn di bras fɔ di bras tin dɛm, bras fɔ di bras tin dɛm, ayɛn fɔ di ayɛn tin dɛm ɛn bod fɔ di bod tin dɛm, apat frɔm di ɔniks ɛn fayn fayn ston dɛm fɔ dɛkɔret, silva ɛn wayt mɛtal, difrɛn difrɛn kɔla ston dɛm, ɛn ɔl kayn valyuebul ston dɛm, ɛn mabul.
3
Pantap ɔl wetin a dɔn gɛda fɔ di oli os, a gɛt misɛf yon gold ɛn silva tin dɛn we a kip, fɔseka we a gi misɛf fɔ PAPA GƆD in os, a de gi dɛn fɔ mi Gɔd in os:
4
wan ɔndrɛd mɛtrik tɔn piɔ gold, ɛn tu ɔndrɛd ɛn fɔti mɛtrik tɔn silva fɔ dɛkɔret di os in wɔl,
5
ɛn fɔ ɔl di wok we pipul dɛn we de wok wit dɛn an fɔ du, gold fɔ di gold tin dɛn ɛn silva fɔ di silva tin dɛn. Udat go gi in at to PAPA GƆD tide we dɛn nɔ fos am?”
6
So di big wan dɛn na dɛn papa dɛn os dɛn bin dɔn gi wetin dɛnsɛf fil na dɛn at fɔ gi, semweso di wan dɛn we de fɔ di difrɛn fambul fambul dɛn, di kɔmanda dɛn fɔ tawzin tawzin ɛn fɔ ɔndrɛd, ɛn di bigman dɛn na di kiŋ in os.
7
Dɛn gi, wan ɔndrɛd ɛn sɛvinti mɛtrik tɔn gold, tri ɔndrɛd ɛn fɔti mɛtrik tɔn silva, siks ɔndrɛd ɛn twɛnti mɛtrik tɔn bras ɛn tri tawzin fo ɔndrɛd mɛtrik tɔn ayɛn.
8
Ɛn ɛnibɔdi we gɛt dɛn valyuebul ston, go gi na di sto we dɛn de kip di valyuebul tin dɛn na PAPA GƆD in os we na na Jeayɛl we na Gashonayt de inchaj.
9
Di pipul dɛn gladi bikɔs dɛn dɔn gi wit ɔl dɛn at, ɛn na wit ɔl dɛn at dɛn gi fri wan to PAPA GƆD; Devid we na di kiŋ insɛf bin gladi bad bad wan.
10
So Devid blɛs PAPA GƆD bifo dɛn ɔl we gɛda de; ɛn Devid tɔk se, “Yu gɛt blɛsin PAPA GƆD we na Izrɛl dɛn Gɔd, we na wi Papa, sote go ɛn sote go.
11
PAPA GƆD yu gret, yu gɛt pawa, na yu dɛn de kɔle pan, yu de win ɔltɛm, ɛn di ɔna we pas ɔl ɔna, bikɔs ɔl wetin de na ɛvin ɛn dis wɔl na yu yon. Di kindɔm na yu yon, PAPA GƆD, ɛn na yu de pantap ɔltin.
12
Na yu de gi Jɛntri ɛn ɔna, ɛn na yu de rul oba ɔl. Pawa ɛn trɛnk de de na yu an; ɛn yu an na fɔ mek pɔsin pawaful ɛn fɔ gi ɔlman trɛnk.
13
So, wi Gɔd, wi tɛl yu tɛnki ɛn prez yu nem we dɛn de kɔle pan.
14
“Bɔt udat na mi, ɛn udat na mi pipul dɛm we wi fɔ ebul gi wit ɔl wi at? Bikɔs ɔltin kɔmɔt to yu ɛn na pan wetin yu gi wi, we dɔn gi yu so.
15
Bikɔs win na trenja dɛn to yu; pipul dɛn we kam tap jɛs lɛk wi fɔstɛm-papa dɛn; wi tɛm na dis wɔl na lɛk shado ɛn nɔbɔdi nɔ go tap ya sote go.
16
PAPA GƆD we na wi Gɔd, ɔl dɛn bɔku bɔku tin ya we wi dɔn gɛda fɔ bil os fɔ yu, fɔ yu oli nem, kɔmɔt na yu an ɛn ɔl na yu yon.
17
Mi Gɔd, a no se yu de tɛst mɔtalman maynd kin gladi wit udat de waka tret; na wit klin at a dɔn gi yu ɔl dɛn tin ya, wit ɔl mi at ɛn wit gladi.
18
PAPA GƆD we na Ebram, Ayzak ɛn Jekɔb we na wi papa dɛn, dɛn Gɔd, bin dɔn mek dɛn pipul ya gri sote go fɔ dɛn kayn tin ya na dɛn at, ɛn mek dɛn at de to yu.
19
Gi Sɔlɔmɔn we na mi bɔypikin di pawa fɔ du ɔl wetin yu tɔk traŋa wan se wi fɔ de du, kip in tɛstimoni ɛn di lɔ dɛn, so dat i go ebul bil di kiŋ os we a dɔn gɛda ɔltin fɔ bil.
20
Nain Devid tɛl dɛn ɔl we gɛda de se, “Blɛs PAPA GƆD we na una Gɔd.” Nain dɛn ɔl we gɛda de blɛs PAPA GƆD we na dɛn papa dɛn Gɔd, ɛn butu dɛn ed na grɔn ɛn wɔship PAPA GƆD, ɛn baw to di kiŋ.
21
Ɛn dɛn mek sakrifays to PAPA GƆD, ɛn di ɔda de dɛn mek bɔn sakrifays to PAPA GƆD, wit wan tawzin man kaw, wan tawzin man ship ɛn wan tawzin ship pikin wit dɛn drink ɔfrin ɛn bɔku bɔku sakrifays dɛm fɔ di wanol Izrɛl;
22
ɛn dɛn itɛn drink da de de bifo PAPA GƆD wit bɔku gladi gladi. Ɛn dɛn mek Sɔlɔmɔn we na Devid in bɔypikin, kiŋ, di sɛkɛn tɛm, ɛn dɛn anɔynt am as di bigman fɔ PAPA GƆD in biznɛs ɛn dɛn anɔynt Zedɔk as di man we de mek sakrifays fɔ pipul sin.
23
So Sɔlɔmɔn sidɔm na PAPA GƆD in kiŋ in chia nain papa Devid in ples, ɛn bɛtɛ fala am ɛn ɔl man na Izrɛl obe am.
24
Ɔl di lida dɛm ɛn di pawaful man dɛm, ɛn sɛf ɔl kiŋ Devid in bɔypikin dɛm, gri fɔ put dɛnsɛf ɔnda Kiŋ Sɔlɔmɔn.
25
So PAPA GƆD gi Sɔlɔmɔn ay ay rɛspɛkt na di wanol Izrɛl dɛn yay, ɛn gi am bi big ɔna we nɔn kiŋ bifo am na Izrɛl nɔ gɛt.
26
Na so Devid we na Jɛsi in bɔypikin bin rul ɔloba Izrɛl.
27
Di tɛm we i rul as kiŋ na Izrɛl na fɔti ia; i rul na Ɛbrɔn fɔ sɛvin ia, ɛn na Jerusɛlɛm fɔ tati tri ia.
28
Afta dat, i day we i bin dɔn ol bad bad, i bin liv lɔŋ, i bin jɛntri ɛn bin gɛt rɛspɛkt; ɛn na Sɔlɔmɔn we nain bɔypikin bin tek in ples as kiŋ.
29
Di tin dɛn we kiŋ Devid du, frɔm fɔs to las, rayt na di buk dɛm we dɛn kɔl Di Kronikul ɔf Samiɛl we de si vishɔn, Di Kronikul ɔf Netan we na prɔfɛt, ɛn Di Kronikul ɔf Gad we insɛf de si vishɔn,
30
ɛn ɔl aw rul, ɛn in pawa, ɛn di tin dɛn we apin in ɛn Izrɛl, ɛn ɔl di ɔda kɔntri dɛn kindɔm dɛm na di ɔda kɔntri dɛn.
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29