bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
1 Samuel 28
1 Samuel 28
Krio (Krio Fɔs Oli Baybul)
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 29 →
1
Leta ɔn, di Filistin dɛn mek gɛŋ wit dɛn sojaman dɛn fɔ go fɛt Izrɛl. Ekish tɛl Devid se in op se Devid ɛn in man dɛn ɔndastand se dɛn gɛt fɔ jɔyn in sojaman dɛn fɔ fɛt.
2
Devid insɛf tɛl am se i go ebul fɔ si fɔ insɛf wetin in bɔbɔ Devid kin du. Ekish gladi ɛn tɛl am se in go mek am in bɔdigad fɔ layf.
3
Samiɛl bin dɔn day, ɔl Izrɛl dɔn kray fɔ am ɛn dɛn dɔn bɛr am nain siti na Rama. Sɔl bin dɔn drɛb dɛn pipul we de tɔk to dayman ɛn ɔl dɛn mɛrɛsin-man dɛn kɔmɔt na Izrɛl.
4
Di Filistin dɛn gɛda ɛn kamp na Shunɛm ɛn Sɔl in gɛda ɔl di Izrɛlayt dɛn ɛn kamp na Gilboa.
5
Wɛn Sɔl si di Filistin ami, in at kɔt dɔn i bigin fred.
6
I aks PAPA GƆD wetin go bi bɔt PAPA GƆD nɔ ansa am. I nɔ yɛri PAPA GƆD in ansa na drim, we i yuz di Yurim ɛn Thumim ɛn di prɔfɛt dɛnsɛf nɔ se natin to am.
7
Na dat mek Sɔl tɛl di man dɛn we de rawnd am fɔ fɛn wan uman fɔ am we de tɔk to dayman lɛ i go aks am. Dɛn tɛl am se wande na Ɛndɔ.
8
So Sɔl drɛs insɛf wit ɔda klos fɔ mek dɛn nɔ no se nain, dɔn na nɛt, in ɛn tu pan in man dɛn go to di uman. I tɛl di uman se mek i kɔl wan gost kam ɔp fɔ am. I se i go tɛl am udat in gost i fɔ wek.
9
Di uman tɛl am se i wan gi am trɔbul as i no wetin Sɔl dɔn du. Aw i dɔn se ɔl dɛn wan we de tɔk to dayman ɛn dɛn mɛrɛsin-man dɛn fɔ kɔmɔt na di kɔntri. I se wetin mek i wan gi am trɔbul we go mek i day sɛf.
10
Sɔl swɛ to PAPA GƆD se wans PAPA GƆD nɔ day, di uman nɔ go sɔfa fɔ wetin i go du.
11
Nain di uman aks am udat in gost i fɔ wek. Sɔl ansa am se lɛ i wek Samiɛl in gost.
12
Wɛn di uman si Samiɛl, i ala big big wan ɛn aks Sɔl wetin mek i kam mek am ful se in na ɔda pɔsin ɛn biol, biol in na Sɔl.
13
Di kiŋ tɛl am se mek i nɔ fred, bɔt mek i tɛl am wetin i de si. Di uman tɛl Sɔl se in de si wan gost de grap na grɔn.
14
Sɔl aks di uman aw di gost tan. Di uman se na olpa we wɛr lɔŋ klos. Sɔl no wantɛm se na Samiɛl in gost ɛn baw wit in fes na grɔn ɛn lidɔm frɔnt am.
15
Samiɛl aks Sɔl wetindu i gɛt fɔ ambɔg am ɛn mek dɛn wek in gost. Sɔl tɛl am se in at nɔ swit ɛn dat di Filistin dɛn de fɛt am dɔn PAPA GƆD dɔn lɛf am to insɛf ɛn nɔ de ansa am bay drim ɔ bay wɔd frɔm dɛn prɔfɛt dɛn. I se na dat mek i lɛ dɛn wek am mek i go tɛl am wetin fɔ du.
16
Samiɛl aks Sɔl se wetin mek i fɔ wek am naw we PAPA GƆD dɔn lɛf am to insɛf ɛn bi in ɛnimi.
17
I tɛl Sɔl se PAPA GƆD dɔn du wetin i bin dɔn tɛl am se i go du. I mɛmba am se PAPA GƆD dɔn rut di kindɔm nain an ɛn gi am to wan pan in neba dat na to Devid.
18
I tɛl Sɔl se na bikɔs i nɔ bin du wetin PAPA GƆD se ɛn dɔnawe wit di Amalɛkayt dɛn, lɛ PAPA GƆD de du am so naw.
19
I tɛl am se, PAPA GƆD nɔ go tap de, i go an Sɔl ɛn Izrɛl to di Filistin dɛn ɛn di nɛks de Sɔl ɛn in bɔypikin dɛn go jɔyn am usay i de, dat na di grev yad. I se PAPA GƆD go mek di Filistin dɛn tek ova di ami na Izrɛl.
20
Wantɛm nain Sɔl fɔdɔm flat na grɔn wit fred fɔ wetin Samiɛl se. I jɛs wik as i nɔ bin it natin frɔm di de bifo dat.
21
Wɛn di uman kam bak ɛn si di fred pan Sɔl, i mɛmba am se i risk in layf fɔ du wetin Sɔl want, so na obe nɔmɔ i obe am.
22
I beg Sɔl fɔ lisin to wetin i wan se ɛn tɛl Sɔl se i wan mek sɔntin fɔ am fɔ it mek i go fɛn rod fɔ go.
23
Sɔl nɔ gri. I se in nɔ de it. Bɔt di man dɛn we i go wit ɛn di uman kɔntinyu fɔ beg am te i gri. I grap na grɔn, sidɔm na di bed.
24
Di uman bin gɛt wan lili kaw we fat pas ɔl, we i mek dɛn kil wantɛm fɔ Kiŋ Sɔl. I tek sɔm flawa, mol am ɛn bek bred we nɔ gɛt yist.
25
I le tebul fɔ Kiŋ Sɔl ɛn in man dɛn ɛn dɛn it. Da sem nɛt de nain dɛn grap fɔ tɔn bak.
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 29 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31