bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
1 Samuel 30
1 Samuel 30
Krio (Krio Fɔs Oli Baybul)
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 31 →
1
Devid ɛn in man dɛn rich Ziklag di de we mek tri. Dɛn mit di Amalɛkayt dɛn dɔn wutuwutu di ples. Dɛn atak Ziklag ɛn bɔn am,
2
ɛn kapchɔ di uman dɛn ɛn ɔl udat de de wɛda dɛn yɔŋ ɔ dɛn ol. Dɛn nɔ kil nɔbɔdi bɔt dɛn tot dɛn go we dɛn de go.
3
Wɛn Devid ɛn in man dɛn rich Ziklag bak, dɛn mit faya dɔn bɔn ɔltin ɛn dɛn dɔn kech dɛn wɛf dɛn, bɔy ɛn gyal pikin dɛn ɛn kɛr dɛn ɔl go.
4
So nɔto kɔmɔn kray Devid ɛn in man dɛn kray. Na so dɛn de ala te dɛn bɛlful ɛn nɔ ebul kray igen
5
Devid in tu wɛf, dat na Ainoam we kɔmɔt Jɛzril ɛn Abigɛl we in man Nebal bin dɔn day ɛn i kɔmɔt Kamɛl sɛf bin de wit di wan dɛn we dɛn kɛr go.
6
Devid in at nɔ bin swit bikɔs in yon man dɛn bin dɔn bigin tɔk bɔt fɔ ston am mek i day; dɛn ɔl bin dɔn vɛks bad as dɛn bin kɛr ɔl dɛn bɔy ɛn gyal pikin dɛn go. Bɔt Devid kɔntinyu fɔ luk ɔp to PAPA GƆD we nain PAPA GƆD.
7
Devid tɛl Abiata we na di man we de mek sakrifays fɔ pipul sin ɛn na Abimɛlɛk in bɔypikin fɔ briŋ di ifɔd. Abiata kɛr am go gi am,
8
ɛn Devid aks PAPA GƆD if i fɔ rɔnata di pipul dɛn we wutuwutu di ples ɛn if i go ebul fɔ kech dɛn. PAPA GƆD ansa am se lɛ i rɔnata dɛn ɛn mek am fɔ no se fɔ tru, i go kech dɛn ɛn ebul fɔ pul di wan dɛn we dɛn kech na dɛn an.
9
Devid wit in siks ɔndrɛd man go te rich wan smɔl watasay na Bɛsɔ, usay sɔm pan dɛn lɛf,
10
as tu ɔndrɛd pan dɛn nɔ bin ebul kɔntinyu sins dɛn bin tu taya. Bɔt Devid ɛn di fo ɔndrɛd go.
11
As di fo ɔndrɛd de go, dɛn mit wan Ijipshian na wan fil we dɛn ol ɛn kɛr go to Devid. Dɛn mek shɔ se dɛn gi am wata fɔ drink ɛn it fɔ it,
12
dat na sɔm pan di kek we dɛn mek wit fig we dɛn kwis fɔ travul ɛn tu ɔda kek we dɛn mek wit kɔrant. We i it am dɔn i luk bɛtɛ as i nɔ bin it natin fɔ tri de ɛn tri nɛt.
13
Devid, aks am udat i bi ɛn usay i kɔmɔt. Di man tɛl Devid se in na Ijipshian we na slev to wan Amalɛkayt. I se in masta lɛf am to insɛf we i sik, tri de bifo da de de.
14
I se na dɛn wutuwutu usay dɛn Kɛrɛthayt dɛn de na di sawtɛn pat na Juda ɛn di ples usay Kelɛb in pipul dɛn de. I se dɛn bɔn Ziklag bak.
15
Devid, naw, aks am if i go kɛr am go usay di ɔda wande. I se if dɛn swɛ to PAPA GƆD se dɛn nɔ go kil am ɔ gi am to in masta bak, i go kɛr am go dɔŋ usay dɛn de.
16
So i kɛr Devid go de. Dɛn mit di man dɛn de, skata ɔlɔbɔt de it ɛn drink, de ɛnjɔy di tin dɛn we dɛn lut to di Filistin dɛn ɛn Juda dɛn land.
17
Devid fɛt dɛn frɔm da ivintɛm de te di ivintɛm di nɛks de, so dɛn nɔ ebul rɔnawe. Na fo ɔndrɛd yɔŋman nɔmɔ kɔmɔt de wit kamɛl dɛn.
18
Devid tek ɔl wetin di Amalɛkayt dɛn bin dɔn tek wit in tu wɛf.
19
Natin nɔ lɔs yɔŋ, ol, bɔbɔ ɛn titi. Ɔl wetin dɛn bin lut, Devid briŋ dɛn ɔl kam bak.
20
Devid tek ɔl di animal dɛn we bin de de, dɔn in man dɛn kɛr dɛn go bifo di ɔda animal dɛn ɛn dɛn se na Devid in pe.
21
Wɛn Devid rich na di watasay na Bɛsɔ usay dɛn tu ɔndrɛd man we nɔ bin ebul go wit am dɛn ɔl wit sɔm ɔda pipul dɛn go mit am. So as Devid de pas, na so i de tɛl dɛn adu.
22
Bɔt di man dɛn we de wit Devid ɛn lɛk kɔnfyushɔn bigin tɔk se sins di tu ɔndrɛd man nɔ fala dɛn go fɛt, dɛn nɔ fɔ gɛt natin pan di tin dɛn we dɛn briŋ bak. Dɛn se di tu ɔndrɛd man fɔ jɛs tek dɛn wɛf ɛn pikin dɛn go.
23
Bɔt Devid kɔl dɛn in brɔda dɛn ɛn tɛl dɛn se nɔto so fɔ du wit wetin PAPA GƆD dɔn gi dɛn. I tɛl dɛn se na PAPA GƆD kɔba dɛn ɛn put di wan dɛn we kam fɔ pwɛl dɛn na dɛn an.
24
I se nɔbɔdi nɔ go lisin to dɛnsɛf. I se, di wan we lɛf na di watasay na Bɛsɔ ɛn di wan we go fɛt go gɛt di sem tin we dɛn de sheb.
25
So Devid mek dat lɔ frɔm da de de te dɛn de tɛl di stori so.
26
Wɛn Devid rich Ziklag, i sɛn sɔm pan di tin dɛn we i kɛr go to di bigman dɛn na Juda as dɛn nain padi. I tɛl dɛn se di tin dɛn na prɛzɛnt pan wetin PAPA GƆD in ɛnimi dɛn bin gɛt.
27
I sɛn sɔm to di pipul dɛn na Bɛthɛl, di wan dɛn we bin de de na di sawtɛn pat na Ramɔt ɛn to di pipul dɛn na Jata.
28
I sɛn go to di wan dɛn na Aroa, Sifmɔt, Ɛshtɛmoa ɛn Rakal;
29
i sɛn to usay di Jɛramilayt ɛn Kɛnayt dɛn de;
30
to dɛn wan na Oma, Borashan, Athach
31
ɛn Ɛbrɔn ɛn to ɔl udat de na dɛn ɔda ples usay Devid ɛn in man dɛn bin dɔn pas.
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 31 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31