bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
Hebrews 4
Hebrews 4
Krio (Krio Fɔs Oli Baybul)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 5 →
1
Gɔd bin dɔn prɔmis wi se, wi go go na di ples we i de, ɛn wi go sidɔm blo. Na dat mek wi fɔ tek tɛm, so dat dɛn nɔ go tɛl ɛni wan pan wi se, i nɔ go go de.
2
Pipul dɔn tɛl wi di Gud Nyuz bɔt Gɔd, lɛkɛ aw dɛn bin dɔn tɛl dɛn lɔntɛm pipul we bin de na di dɛzat; bɔt pan ɔl dat wi si se di Gud Nyuz we dɛn yɛri, nɔ bin ɛp dɛn, bikɔs dɛn nɔ bin biliv am.
3
Bɔt wi we biliv go go na di ples we Gɔd de ɛn wi go sidɔm blo. I de plen wan na Gɔd in Buk se, “A bin vɛks so a prɔmis se, dɛn nɔ go go na di ples we a de ɛn dɛn nɔ go sidɔm blo.” Gɔd tɔk dat pan ɔl we i bin dɔn du ɔl di wok frɔm di tɛm we i mek di wɔl.
4
Dɛn rayt wan ɔda say na Gɔd in Buk bɔt di de we mek sɛvin de, se, “Di de we mek sɛvin de, Gɔd blo, bikɔs i bin dɔn du ɔl in wok dɔn.”
5
Dɛn rayt bɔt di sem tin na ɔda say we Gɔd se, “Dɛn nɔ go go na di ples we a de ɛn sidɔm blo.”
6
Na tru se, sɔm pipul go gɛt chans fɔ go na di ples we Gɔd de, ɛn na tru igen se, dɛn lɔntɛm pipul we bin yɛri di Gud Nyuz, nɔ bin biliv am, so dɛn nɔ bin go na di ples we Gɔd de.
7
Na dat mek, Gɔd dɔn fiks ɔda de, dat na “Tide”. Afta plɛnti ia dɔn pas, Gɔd mek Devid tɔk dɛn wɔd ya we a jɛs tɔk, we se, “If una yɛri Gɔd in vɔys tide, una nɔ traŋayes.”
8
If dɛn lɔntɛm pipul bin rich di say we Jɔshwa bin de lid dɛn go, ɛn di ples we Gɔd de ɛn dɛn bin sidɔm blo, Gɔd nɔ bin fɔ tɔk bɔt ɔda de we nɔ kam yet.
9
Wetin Gɔd tɔk sho wi se, tɛm stil de we Gɔd in pipul dɛn go blo lɛkɛ aw Gɔd blo di de we mek sɛvin.
10
If ɛnibɔdi go na di ples we Gɔd de ɛn sidɔm blo, di pɔsin go lɛf ɔl in wok, lɛkɛ aw Gɔd insɛf lɛf in wok ɛn blo.
11
Na dat mek, wi fɔ tray gud gud wan fɔ go na di ples we Gɔd de ɛn sidɔm blo. Mek wi ɔl na ya go na di ples we Gɔd de rul ɛn sidɔm blo, mek nɔn nɔ lɛf we nɔ go go de bikɔs i nɔ du wetin Gɔd want lɛkɛ aw wi grampapa papa dɛn bin du we mek dɛn nɔ go de.
12
Wi no se Gɔd in wɔd gɛt layf ɛn i gɛt pawa. In wɔd shap pas sɔd we gɛt tu ɛj. I de go insay insay pɔsin sote i rich di say we in at ɛn in spirit dɛn mit togɛda, lɛkɛ aw sɔd de kɔt bon midul. Na so Gɔd in wɔd dɛn de go insay insay pɔsin in at ɛn sho ɔl wetin lib de.
13
Natin nɔ de we Gɔd mek we i nɔ de si; natin nɔ de we ayd, we Gɔd nɔ de si; Gɔd de si ɔltin, ɛn na bifo am wi ɔl gɛt fɔ tinap bambay ɛn tɔk ɔl wetin wi bin du na wɔl.
14
Wi fɔ stil biliv di Gud Nyuz we wi bin dɔn biliv, bikɔs pɔsin de we na di edman we de mek sakrifays fɔ pipul sin, nain dɔn go na di ples we Gɔd de. Na Jizɔs, we na Gɔd in Pikin, na di edman.
15
Di edman we de mek sakrifays fɔ pipul sin na di wan we wi gɛt we ɔndastand ɔltin we traŋa fɔ wi, bikɔs insɛf na bin wan pan wi, ɛn ɔl wetin de mit wi fɔ tray wi bin dɔn mit am. Bɔt i nɔ sin wande.
16
Fɔseka dat, wi nɔ fɔ fred. Lɛ wi kam bifo Gɔd we go sho wi aw i lɛk wi, ɛn we go sɔri fɔ wi, ɛn ɛp wi di rayt tɛm.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 5 →
All chapters:
1
2
3
4
5
6
7
8
9
10
11
12
13