bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
Judges 15
Judges 15
Krio (Krio Fɔs Oli Baybul)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 16 →
1
We i dɔn te lilibit, dat na di tɛm we dɛn bin de avɛst wit, Samsin go fɛn in wɛf; i kɛr wan pikin got go. We i go de, i se in wan go mit in wɛf nain rum. Bɔt in wɛf in papa nɔ gri.
2
In wɛf in papa tɛl am se, fɔ tru, in bin min se Samsin et in gyal pikin bad bad wan, so in bin dɔn gi am to Samsin in kɔmpin. I se, duya, mek Samsin tek in wɛf in lili sista bikɔs in fayn sɛf pas in wɛf.
3
Nain Samsin se nɔbɔdi nɔ go blem am fɔ di bad tin we in go du di Filistin dɛn datɛnde.
4
Samsin go kech tri ɔndrɛd da animal we fiba dɔg we dɛn kɔl fɔks, ɛn fɛn sɔm big palamp dɛn. I tay di animal dɛn bay dɛn tel, tu to wan palamp.
5
I layt di palamp dɛn ɛn mek di animal dɛn go insay di fam usay di Filistin dɛn plant dɛn sid plant; dɛn bɔn di sid plant dɛn we dɛn bin dɔn avɛst, di wan dɛn we dɛn nɔ bin avɛst yet ɛn di fam usay dɛn plant dɛn tik we dɛn kin pul ɔliv ɔyl.
6
We di Filistin dɛn aks udat du dat, dɛn se na Samsin we na Timnayt in sɔnɛnlɔ; dɛn se na bikɔs Timnayt tek in wɛf gi in kɔmpin. Nain di Filistin dɛn kech di gyal ɛn in papa bɔn dɛn.
7
Nain Samsin tɛl di Filistin dɛn se if dɛn gɛt maynd fɔ du dat, in swɛ, in mɔs tɔn am gi dɛn; afta dat in go go.
8
I atak dɛn bad bad wan; kil dɛn bɔku ɛn nɔ luk biɛn. Afta dat, Samsin go tap insay wan kev na wan big ston na Itam.
9
Di Filistin dɛn go mek kamp na Juda ɛn atak Lɛi siti.
10
Di man dɛn na Juda aks dɛn se wetindu dɛn go fo go atak dɛn. Dɛn ansa se, dɛn go de fɔ go kapchɔ Samsin ɛn trit am di sem we, we i bin trit dɛn.
11
So tri tawzin man na Juda go na di kev na di big ston na Itam go aks Samsin se if i nɔ no se na di Filistin dɛn de rul dɛn we i go du tin lɛk dat to dɛn. Nain Samsin tɛl dɛn se, na wetin dɛn du am insɛf du dɛn.
12
Nain dɛn tɛl am se, dɛn go dɔŋ de fɔ go tay am gi di Filistin dɛn. Nain Samsin se lɛ dɛn swɛ se nɔto dɛnsɛf wan kil am.
13
Nain dɛn tɛl am se dɛn nɔ go kil am; dɛn go jɛs tay am nɔmɔ go gi di Filistin dɛn. Dɛn tay am wit tu nyu rop ɛn waka wit am kɔmɔt na di kev.
14
We dɛn rich na Lɛi Tɔŋ, di Filistin dɛn ala go mit am. Wantɛm wantɛm PAPA GƆD in spirit go pan am ebi ebi wan; di rop dɛn we dɛn tek tay in an jɛs kam tan lɛk trɛd we faya dɔn bɔn. Dɛn jɛs kɔt kɔt kɔmɔt nain an.
15
I si wan dɔŋki jabon, nain i tek am. I tek di dɔŋki jabon kil wan tawzin Filistin man.
16
Nain Samsin se, “Na wit dɔŋki jabon, payl pan payl, Na wit dɔŋki jabon a kil wan tawzin man.”
17
We Samsin tɔk dɔn, i trowe di dɔŋki jabon. Nain dɛn gi da ples de nem, Ramat Lɛi.
18
Samsin bin dɔn tɔsti bad. Nain i aks PAPA GƆD se, we in PAPA GƆD dɔn mek in ebul bit di Filistin dɛn; if na tɔsti fɔ kil am naw, mek dɛn unsakɔmsayz Filistin dɛn go kapchɔ am?
19
Nain PAPA GƆD opin wan say we dip lilibit na Lɛi, ɛn wata kɔmɔt de. Samsin drink di wata ɛn i kan to. Dɛn gi da ples de we wata kɔmɔt ɔnda grɔn nem, Akorɛ. Da ples de de Lɛi te tide.
20
Samsin bi lida na Izrɛl fɔ twɛnti ia; dat na di tɛm we na bin di Filistin dɛn bin de rul dɛn.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21