bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
Judges 2
Judges 2
Krio (Krio Fɔs Oli Baybul)
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 3 →
1
PAPA GƆD in enjɛl bin kɔmɔt Gilgal go Bochim go tɛl di Izrɛlayt dɛn se, nain pul dɛn kɔmɔt Ijipt go put dɛn na di land we in bin dɔn prɔmis dɛn fɔstɛm-papa dɛn se, in go gi dɛn, ɛn in nɔ go ɛva pwɛl di wanwɔd we dɛn gɛt.
2
I se dɛn nɔ fɔ mek wanwɔd wit di pipul dɛn we dɛn mit na di land; bifo dat, dɛn fɔ brok di pipul dɛn ɔlta dɛn. I se bɔt dɛn nɔ du wetin i se. Nain i aks dɛn se uskayn tin dɛn dɔn du so.
3
I se i nɔ go ɛp dɛn fɛt di pipul dɛn kɔmɔt na di land igen; bifo dat di pipul dɛn go tɔn bon na trot pan dɛn, ɛn di Izrɛlayt dɛn go gɛt mɔ trɔbul we dɛn wɔship di pipul dɛn gɔd dɛn.
4
We PAPA GƆD in enjɛl tɛl dɛn wetin i gɛt fɔ tɛl dɛn dɔn, di Izrɛlayt dɛn bigin kray.
5
So dɛn gi da ples de nem Bochim, we min se, dɛn bin kray. Dɛn bin mek sakrifays de to PAPA GƆD.
6
We Jɔshwa tɛl dɛn fɔ go, ɔl di difrɛn fambul dɛn go ɛn go tap na di difrɛn say dɛn we dɛn bin dɔn gi dɛn, na di land.
7
Izrɛl bin de sav PAPA GƆD te Jɔshwa day, ivin te di bigman dɛn we bin si ɔl di wɔnda we PAPA GƆD bin du fɔ Izrɛl, day afta Jɔshwa.
8
Jɔshwa, PAPA GƆD in wokman we na Nɔn in pikin, bin ol wan ɔndrɛd ɛn tɛn ia we i day.
9
Dɛn bin bɛr am nain yon pat na di land; dat na Timnat Sera na Ifrem, we de na di mawnten usay Mawnt Gath de na di Sawt.
10
We da jɛnareshɔn de day, di ɔda Jɛnareshɔn we kam nɔ bin no PAPA GƆD, ɛn dɛn nɔ bin no bɔt di wɔnda dɛn we i bin dɔn wok fɔ Izrɛl.
11
Dat bin mek di Izrɛlayt dɛn du bad bad tin dɛn na PAPA GƆD in yay; dɛn wɔship di Kenanayt dɛn gɔd dɛn ɔl.
12
Dɛn fɔgɛt bɔt PAPA GƆD we na dɛn papa dɛn PAPA GƆD we pul dɛn kɔmɔt Ijipt, ɛn go wɔship di Kenanayt dɛn gɔd dɛn. Dɛn bin de butu to dɛn ɔl we mek PAPA GƆD vɛks.
13
Dɛn fɔsek PAPA GƆD ɛn bigin wɔship dɛn Baalath ɛn Ahstarɔt.
14
Ɔl dat mek PAPA GƆD vɛks pan Izrɛl ɛn mek pipul dɛn bigin atak ɛn tif dɛn. I mek dɛn ɛnimi dɛn we de rawnd dɛn ebul bit dɛn.
15
Ɛnitɛm dɛn go fɔ go fɛt, PAPA GƆD kin mek dɛn bit dɛn, jɛs lɛk wetin i bin dɔn wɔn dɛn ɛn swɛ se, in go du. Di Izrɛlayt dɛn bin de wit bad bad pwɛl at.
16
Nain PAPA GƆD gi dɛn lida dɛn we dɛn kɔl jɔj dɛn, we sev dɛn frɔm di pipul dɛn we bin de atak dɛn ɛn tek dɛn tin dɛn.
17
Pan ɔl dat, di pipul dɛn nɔ gri lisin to di jɔj dɛn; dɛn jɛs de wɔship ɔda gɔd dɛn de butu to dɛn; dɛn nɔ gri waka na di rod we dɛn fɔstɛmpapa dɛn we bin de obe PAPA GƆD, bin de waka.
18
Ɛnitɛm we PAPA GƆD gi dɛn jɔj, PAPA GƆD kin de wit di jɔj; PAPA GƆD mek dɛn ɛnimi dɛn nɔ ebul dɛn ɔl di tɛn we jɔj dɛn bin de de, bikɔs i kin sɔri fɔ dɛn we dɛn kin de kray we dɛn ɛnimi dɛn kin de trit dɛn bad.
19
Ɛnitɛm we ɛni jɔj day, dɛn kin go bak to di bad tin dɛn we dɛn bin de du; dɛn kin du wɔs pas wetin di wan dɛn we bin de bifo dɛn, bin de du; de sav ɛn butu to ɔda gɔd dɛn. Dɛn nɔ chenj atɔl.
20
Dat bin mek PAPA GƆD vɛks pan Izrɛl. So i se, bikɔs di pipul dɛn dɔn pwɛl di Kɔvinant ɛn nɔ rɛspɛkt am we in tɔk, ɛn nɔ gri du wetin i bin tɛl dɛn traŋa wan se dɛn fɔ du,
21
in nɔ go pul di pipul dɛn we Jɔshwa nɔ bin drɛb kɔmɔt na di land bifo i day.
22
I se na dat i go tek tɛst Izrɛl ɛn si if dɛn go obe am di we we dɛn fɔstɛmpapa dɛn obe am.
23
So PAPA GƆD lɛf dɛn neshɔn dɛn de, ɛn nɔ bin drɛb dɛn wantɛm wantɛm. PAPA GƆD nɔ mek Jɔshwa insɛf drɛb dɛn.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21