bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
Leviticus 27
Leviticus 27
Krio (Krio Fɔs Oli Baybul)
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
1
PAPA GƆD tɛl Mozis se,
2
mek i tɛl di Izrɛlayt dɛn se, wɛn pɔsin prɔmis in kɔmpin mɔtalman to PAPA GƆD, na dis i fɔ pe if i wan fri insɛf,
3
man we ol twɛnti ia te siksti ia, fɔ pe fifti silva kɔpɔ, ɛn dat fɔ bi lɛk di wan we dɛn de yuz na di ples we oli pas ɔl.
4
If na uman, na tati silva kɔpɔ.
5
If na man we ol from fayv ia te twɛnti ia na twɛnti silva kɔpɔ bɔt if na uman we ol frɔm fayv ia te twɛnti ia, na tɛn silva kɔpɔ.
6
If na man we na frɔm we i ol wan mɔnt te we i ol fayv ia, na fayv silva kɔpɔ bɔt if na uman we ol wan mɔnt te i ol fayv ia, na tri silva kɔpɔ.
7
If di pɔsin dɔn pas siksti ia, fɔ man i fɔ bi fiftin silva kɔpɔ bɔt fɔ uman na tɛn silva kɔpɔ.
8
If man tu po fɔ pe wetin na di valyu, fɔ kɛr di pɔsin we dɛn bin prɔmis to di man we de mek sakrifays fɔ pipul sin ɛn in naw go gi am valyu we smɔl pas di fɔs wan bay aw di man we de mek sakrifays fɔ pipul sin si se i go ebul pe.
9
If na animal we pɔsin kin tek mek sakrifays i fɔ gi PAPA GƆD, ɛni dɛn kayn de oli.
10
I nɔ fɔ ɛkschenj am ɛn i nɔ fɔ gi gud wan fɔ bad wan ɔ bad wan fɔ gud wan; if di ɛkschenj wan na bɛtɛ wan bɔt na di sem kayn, di wan we bin de de ɛn di wan we i ɛkschenj ɔl oli.
11
If na animal we nɔ klin na PAPA GƆD yay i de briŋ to PAPA GƆD, fɔ kɛr di animal go to di man we de mek sakrifays fɔ pipul sin,
12
dɛn in go put di rayt valyu pan am as i go tink bɔt wetin gud ɔ wetin bad bɔt am; ɔmɔs di man we de mek sakrifays fɔ pipul sin se i fɔ bi nain i go bi.
13
Bɔt if di man wan fɔ bay am bak, i fɔ pe twɛnti pasɛnt pantap.
14
Wɛn man dɔn pre pan in os ɛn se i oli fɔ PAPA GƆD, di man we de mek sakrifays fɔ pipul sin go tink bɔt wetin gud ɔ wetin bad bɔt am ɛn valyu di os; ɛn na ɔmɔs di man we de mek sakrifays fɔ pipul sin se i fɔ bi nain i go bi.
15
If di man we gɛt di os want fɔ bay am bak, i fɔ pe twɛnti pasɛnt mɔ to di os in valyu ɛn i go gɛt di os.
16
If man pre pan ɛn gi PAPA GƆD pat pan di land we in pipul day lɛf fɔ am, dɛn di valyu fɔ bi wetin ɔmɔs sid dɛn go pul de; fayv bushɛl bali fɔ fifti silva kɔpɔ.
17
If na frɔm di ia we fɔ fri di wan we na slev ɛn fɔ gi dɛn land we dɛn bin dɔn tek na dɛn an dɛn bak i bin dɔn pre pan am ɛn gi am to PAPA GƆD, na ɔmɔs di man we de mek sakrifays fɔ pipul sin se i fɔ bi nain i go bi;
18
bɔt if na leta ɔn afta di ia we fɔ fri di wan we na slev ɛn fɔ gi dɛn land we dɛn bin dɔn tek na dɛn an dɛn bak i bin pre pan di os ɛn gi am to PAPA GƆD, dɛn di man we de mek sakrifays fɔ pipul sin fɔ kɔnt ɔmɔs mɔni i go pul te di nɛks tɛm we fɔ fri di wan we na slev ɛn fɔ gi dɛn land we dɛn bin dɔn tek na dɛn an dɛn bak, ɛn maynɔs da mɔni de frɔm di valyu we i bin se.
19
Ɛn if di man we gɛt di land want fɔ bay am bak, i fɔ pe twɛnti pasɛnt mɔ to di mɔni we dɛn bin valyu am ɛn i go gɛt di land.
20
Bɔt if i nɔ want fɔ bay di land bak, ɔ if i dɔn sɛl am to ɔda pɔsin, nɔ fɔ bay am igen;
21
bɔt wɛn dɛn go fri di land di tɛm we na fɔ fri di wan we na slev ɛn fɔ gi dɛn land we dɛn bin dɔn tek na dɛn an dɛn bak, na PAPA GƆD gɛt am da tɛm de; i oli to am ɛn na di man dɛn we de man sakrifays fɔ pipul sin dɛn go kɔntrol am.
22
If pɔsin pre pan ɛn gi PAPA GƆD land we na bay i bay am, we nɔto wan we dɛn day lɛf fɔ am,
23
dɛn di man we de mek sakrifays fɔ pipul sin go valyu am te rich di tɛm we fɔ fri di wan we na slev ɛn fɔ gi dɛn land we dɛn bin dɔn tek na dɛn an dɛn bak, ɛn na da sem de de i fɔ pe fɔ am bikɔs na tin we oli, na PAPA GƆD gɛt am.
24
Di ia we na fɔ fri di wan we na slev ɛn fɔ gi dɛn land we dɛn bin dɔn tek na dɛn an dɛn bak, di man we bin bay di land fɔ gi am bak to di pɔsin we dɛn bin day lɛf am fɔ.
25
Ɛn in valyu fɔ tan lɛk di shɛkɛl silva in wet we dɛn de yuz na di sankchwari. Na twɛnti gira mek wan sankchwari shɛkɛl.
26
I se na PAPA GƆD gɛt ɛni animal we nain fɔs dɛn bɔn, nid nɔ de fɔ pre pan am ɛn gi PAPA GƆD igen; wɛda na man kaw ɔ na ship, na PAPA GƆD yon.
27
Ɛn if i de pan dɛn animal we nɔ klin na PAPA GƆD yay, da tɛm de di wan we bin gɛt am fɔ bay am bak na di prayz we dɛn valyu am, ɛn ad twɛnti pasɛnt pantap; ɔ, if i nɔ bay am bak, fɔ sɛl am.
28
I se ɔl wetin mɔtalman gɛt, wɛda nain layf ɔ na animal, wans i dɔn se na PAPA GƆD yon, nɔ fɔ sɛl am ɔ bay am bak; i oli, na PAPA GƆD nɔmɔ gɛt am.
29
If mɔtalman we dɔn bi PAPA GƆD yon fɔ day, nɔbɔdi nɔ go ebul bay in layf bak.
30
I se ɔl wetin na tayth na di land, wɛda na plant we de gro insay di grɔn ɔ na frut, wans i kɔmɔt na di land, na PAPA GƆD yon; i oli to PAPA GƆD.
31
If pɔsin want, i kin bay in tayth bak bɔt i fɔ pe twɛnti pasɛnt pantap.
32
We dɛn de kɔnt dɛn animal dɛn, di wan we mek nɔmba tɛn we dɛn kɔnt, na tayth; i oli to PAPA GƆD.
33
Di pɔsin we gɛt di animal nɔ fɔ tink wɛda na gud wan ɔ na bad wan bikɔs i go wan ɛkschenj am; if di ɛkschenj wan na bɛtɛ wan bɔt na di sem kayn, di wan we bin de de ɛn di wan we i ɛkschenj ɔl oli; i nɔ go gɛt fɔ bay am bak.
34
Na di lɔ dɛn dis we PAPA GƆD gi Mozis fɔ gi di Izrɛlayt dɛn na Mawnt Saynay.
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27