bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kurukh
/
Kurukh (पुना गच्छरना NT (BSI))
/
Matthew 10
Matthew 10
Kurukh (पुना गच्छरना NT (BSI))
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 11 →
1
तहाँ येसुस तंग्है बारो चेलारिन मीख़ियस ती आर गे मलदौ बॊलता गुट्ठिन ओथ्र'आ गे अरा उर्मी रकम ही रोगेन दरा पयहा गुट्ठिन कोड़े नन्ना ही आकुस चिच्चस।
2
बारो तइरकर ही नामे एन्ने र'ई: मुन्द ता सिमॊन, नॆ पतरस बारदस अरा आसी भइय्योस अन्द्रेयस अरा जेबदयुसी तंग्दस याकॊब अरा आसी भइय्योस यॊहन
3
अरा फिलिप्पोस अरा बरतोलोमैस अरा मालगुजारी ऊज'ऊ मत्तायोस अरा तॊमस अरा हलफैसी तंग्दस याकॊब अरा तद्दैस
4
अरा यहूदीर ही छछिन्द सैना ता सिमॊन अरा यूदस इसकारियॊत, एकास ख़ॊख़ा येसुसिन धरताचस।
5
येसुस इबड़ा बारो तइरकारिन पॆसस ती तइय्यस, “नन-यहूदीर गुसन अमा कला अरा समारिया ता आलर ही नगरे नू अमके कोर'आ।
6
लिकिन इस्राऎल आलर गुसन कालके एकार एबस्रका भेंडो लेक्खा र'अनर।
7
कानुम कानुम ‘धर्मेस आलर ही उज्जना नू राजी नन्ना बेड़ा हेद्दे अड़सा ख़च्चिकी र'ई’ एन्ने दौ कत्थन मेन्त'आ कुद्दा।
8
अरा रोगियारिन उजग'आ अरा केचकारिन उज्जत'आ अरा खसरा रोगियारिन कोड़े नना अरा आलर ती नाद गुट्ठिन ओथ्र'आ। नीम एंग्है ती इबड़ा सवंगन सिथिया ख़क्खकादर, नीम हूँ आलारिन सिथियम ती संगरा नना।
9
नीम गोच्छा नू सोना महले चाँदी महले रुपा ही ढिबा अमके हो'आ।
10
अरा झोला महले ऎंड़ किचरी महले जुता गुट्ठी महले सोट्टा अमके हो'आ। इदगे का बनीहार गे तंग्है ओन्ना-मॊख़ना ख़क्ख्रना र'ई।
11
एकअम नगरे महले पद्दा नू कोर'ओर, होले अइय्या जॊगे आलासिन बेद्द ऎरा, अरा निम्है उरखना गूटी आसी एड़पानुम र'अके।
12
एड़पा कोर'ओ बारी आ एड़पा गे बरकत चि'अके।
13
अरा आ एड़पा जॊगे र'ओ होले निम्है बरकत अदही मइय्याँ मनो। लिकिन आ एड़पा जॊगे मल र'ओ होले निम्है बरकत निम्है गुसन किर्रो क'ओ।
14
अरा एकअम ओर्तर निमन मल परघ'ओर महले निम्है कत्थन मल मेनोर होले नीम आ एड़पा महले आ नगरे ती उरखो बारिम निम्है ख़ेड्डे ता रीड़ोन ख़ेत्तके चि'अके।
15
ऎन निमन मानिमन ब'अदन, ‘रायबड़ी उल्ला नू सोदोम अरा गोमोरा नगरे ता आलर ख़क्खना दंडे ती ई नगरे ता आलर ही ख़क्खना दंडे बग्गे मलदौ मनो।’
16
ऎरा! कला, ऎन निमन भेंडो लेक्खा भुसुड़ गुट्ठी ही मझी नू तइय्दन। औंगे नेर्रे गुट्ठी लेक्खा लूरगर अरा पेरवाँ गुट्ठी लेक्खा लुदऊ मना।
17
लिकिन आलर ती चिहुंक र'अके। नीम एंग्है गने चॊख़र'उर र'अना चड्डे आर निमन कोहाँ सभा गुट्ठी नू चि'ओर अरा तम्है गोड़हा एड़पा नू कोर्रा ती ल'ओर।
18
अरा नीम राजीखापुर अरा बॆलर ही मुन्दहारे इजतार'ओर। लिकिन ईद आर गे अरा नन-यहूदीर गे एंग्है पत्त नू तेंगा गे निमा मोका हवे।
19
इकला निमन हें'ओर नीम अमके घोख'आ का ऎम एकासे तेंगोम महले एन्देर ब'ओम। लिकिन निमन एन्देर ब'अना र'ई अदिन आ बारिम तेंगतार'ओ कालो।
20
एन्देरगेका ईद ब'ऊ नीम मलदर, निम्है बंगासी बॊलतस निम्है ती ब'ओस।
21
आलर तम्है भइय्योर अरा बहिनोरिन नट'ओर अरा पिटर'ओर, अरा अयंग-बंग तम्है ख़द्द-ख़र्रारिन एन्नेम ननोर। अरा ख़द्द-ख़र्रर तम्है अयंग-बंगर ही बिड़दो चो'अरकी पिटत'ओर।
22
नगदे आलर निमन बिड़दो ननोर एन्देरगेका नीम एंग्है गने चॊंख़्रकर। लिकिन नॆ तम्है उज्जना ही मुंज्रना गूटी सह'ओर, आरिम जनमजुग ही दंडे ती बछर'ओर।
23
निमन ओन्टा पद्दा नू खिलपत नन्नर होले नन्ना पद्दा बोंके कालके। ऎन निमन मानिमन ब'अदन, ऎन मनवा ख़द्दासी बरना गूटी इस्राऎल राजी नू दौ कत्था तेंगा कुद्दना मल मुंज्रकी र'ओ।
24
चेलस तंग्है गुरुस ती कोहाँ मलदस अरा जॊंख़स तंग्है उर्बस ती कोहाँ मलदस।
25
चेलस गे तंग्है गुरुस लेक्खा अरा जॊंख़स तंग्है उर्बस लेक्खा मन्ना दिम कोड़हे र'ई। आर एड़पा उर्बस एंगन बॆलजेबूल बाचकानर होले, आसी एड़पातारिन एन्देर मल ब'ओर।
26
औंगे नीम आर गे आमा एल्चा। एन्देरगेका एन्ने एन्द्रा हूँ मल्ला कुलुरका का मल चलख़तार'ओ अरा एन्ने एन्द्रा हूँ मल्ला नूख़्रका का मल ऎरतार'ओ।
27
ऎन अक्कुन ऊख़ा नू एकदन बाचका र'अदन अदन नीम बिल्ली नू तेंके, अरा नीम एकदन कुड़िया गुट्ठी ही भितरी कलेकसे मेंजकादर अदिन ओर्मर ही ऎरना नू चिच्चियारनुम मेन्ताके।
28
अरा कयन पिटनर अरा जियन गा पिटा पोल्नर आर ती अमा एल्चा, लिकिन एकास कयन दरा जियन नरक नू पिटा ओंग्दस आसिन एल्चा।
29
एन्देर ऎनोटा ढिबा ती ऎंड़ गोटंग चोरो मल बीसर'ई का? अन्नु हूँ निम्है बंगासी बिगर मने ही ओन्टा हूँ ख़ॆख़ेल नू मल खत्र'ई।
30
निम्है कुक्कुन ता चुट्टी हूँ उर्मी गनरकी र'ई।
31
औंगे अमा एल्चा, धर्मेस निमन मल मॊधर'ओस, नीम ढ़ॆर चोरो ती बग्गे मूल्ली ही र'अदर।
32
औंगे नॆ एंगन आलर ही मुन्दहारे अख़दन ब'अदस, आसिन ऎन हूँ मेर्ख़ा नू र'ऊ एंग्है बंगासी मुन्दहारे आस एंग्है आलस ब'ओन।
33
लिकिन नॆ एंगन आलर ही मुन्दहारे बलदन ब'अदस, आसिन ऎन हूँ मेर्ख़ा नू र'ऊ एंग्है बंगासी मुन्दहारे आस एंग्है आलस मलदस ब'ओन।
34
नीम अमके सोच'आ का ऎन ख़ॆख़ेल नू कोड़े ओन्द्रकन ती बरचकादन। ऎन कोड़े मला लिकिन बगड़'आ गे बरचकादन।
35
ऎन आलासिन तम्बस ती अरा तंग्दन तंग्यो ती अरा सेड़ोन तंग्सास ती हिगड़'आ गे बरचकन।
36
ओर्त आलासी बैरिर तंग्है कुटुमर दिम मनोर।
37
नॆ अयंग मलता बंगासिन एंग्है ती कोड़हे चोन्हा नन्दस आस एंग्है जॊगे मल्दस। अरा एकास तंग्दासिन मलता तंग्दन एंग्है ती कोड़हे चोन्हा नन्दस आस एंग्है जॊगे मल्दस।
38
अरा एकअम ओर्तस तंग्है क्रुसन चेड़'अरकी एंग्हा चड्डे सस्ती सार'आ गे मने मल नन्दस आस एंग्है मना गे जॊगे मल्दस।
39
एकास तंग्है उज्जनन तंग्गा गे उज्जा बेद्ददस आस धर्मेस गने जनमजुग ही उज्जनन एबस'ओस, लिकिन एकास एंग्है चड्डे तंग्है उज्जनन चि'अदस आस धर्मेस गने जनमजुग ही उज्जनन ख़क्खोस।
40
एकास निमन इंझ्रदस आस एंगन इंझ्रदस अरा एंगन इंझ्र'उस एंग्है तइय्युस एंग्है बंगासिन इंझ्रदस।
41
एकास धर्मेसी कत्था तिंगुसिन धर्मेसी कत्था तिंगुस ब'अरकी आसिन इंझ्रदस, आस धर्मेसी कत्था तिंगुर ही लेक्खा मूल्लीन ख़क्खोस। अरा एकास उजगो आलासिन उजगो आलस ब'अरकी आसिन इंझ्रदस आस उजगो आलस लेक्खा मूल्लीन ख़क्खोस।
42
नीकईम इबड़ा सन्नी मधेर ती नॆख'आनिम आस चेलस ब'अरकी ओन डुबहा कीरना अम्मु हूँ ओन्त'ओस होले, मानिम ऎन निमन ब'अदन आस एकन्ने नू हूँ तंग्है मूल्लीन मल एबस'ओस।”
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
Recommended Reading
Commentary
Matthew Commentaries
→
Devotional
Matthew Devotional Guide
→
Get This Bible
BSI Study Bible
→