2 Thessalonians 2

Lugbara (E’yo Siza Alatararu Munguniri BIBLIA)

← Chapter 1 Jump to: Chapter 3 →

1Te adripi, ama azi emi, emuta Opi amani Yesu Kristonisi, azini okuza amani ngazu ama okuzu tualu eri vurisi,

2emi asisile ma ya mbele ya ya ku, emi asi ma oti vini ku, kani orindi ma e’yosi, kani e’yo ’yozasi, kani waraga ’bani egale enga ama vurisi, ka ’yo kini o’du Opiniri eca ’bo.

3’Ba aluni ma ici emi geri azinisi ku; a’disiku o’du nderi ngani ’nga eca ku, de nga ewu ’bani asizu vile a’ita kuzuri ecani nga okorisi raka ku, azini de nga agu e’yo ezapi onzi, dri jaza mviruri, e’dani nga i ku.,

4Agu nderi ipi i uru aga afa dria ’omvele Munguru, kani inzile inzi ’diyi ogazu, kpere eri ma ngulupini rizu hekalu Munguni ma alia i e’dazu ceni, kini i Mungu’i.

5Emi egani e’yo ndra mani adrile ’yole emi be de ma indi ’diyi kuru?

6Te di, emi ni e’yo eri ogapi curu’dori ra, ’dini eri ma ece i ani ewu inisi beni.

7’Dini e’yo vale ku zizaru e’yo onziniri e’do i ’ye ’bo; te ’ba eri ogapiri eri curu’do oga ’dani, cazu kpere yini eri nzeriaria.

8Vutinia agu e’yo ezapi onziri nga i e’da ndo, leri’i Opi Yesuni ngale fule ava efupi i ma tiliarisi, eri dri jazu e’data ini erini emuriarisiri.

9Agu nderi ma emuta ovu ekile Satanini azi ngalerile, ’yeta okporu pisi dria eceta pie, tali inzoru pie dria,

10azini lokiri e’yo onzinirisi dria ’ba yi dri japi ’diyi dri, a’disiku yini leta e’yo adaru lezuri a’ile yini yi pazu ani beni kurisi.

11E’yo ’disi Mungu epe icita ’ba icipi okposiri ma ti yi vu, yi ma a’i e’yo inzoru beni,

12eri ma li di ’ba dria e’yo adaru a’ipi ku, te ovupi ayikosi e’yo onzisi ’diyi ma e’yo, yi ndezu ra beni.

13Te le ama ma fe awa’difo ’Mungu dri emisi etuzu ’dani, adripi Opini lele ’diyi, a’disiku Munguni lemi opele ndra okokele pata isuzu,Orindini emi ’bale alatararu azini lemini e’yo adaruri a’ilerisirisi.

14Eri omve vini emi e’yo ’dirisi e’yo baru amanirisi indi, emi ma isu ani diza Opi amani Yesu Kristoniri beni.

15E’yo ’dirisi, adripi, emi ma so di pa okporu, emi ma bi e’yo idrile emi vu emi imbazu, kani e’yo oluzasi kani waraga amanisi ’diyi ci.

16Te Opi amani Yesu Kristo ma ngulupi, azini Mungu Ata amani, ama lepi, asi omiza ’daniri pi fepi ama dri asi teza onyiru ’yeta anzutirisiri beri

17ma omi emi asi, emi ’bazu okporu e’yo ’yeza onyiru pi ma alia e’yo ’yoza pie dria.

← Chapter 1 Jump to: Chapter 3 →