Micah 1

Lugbara (E’yo Siza Alatararu Munguniri BIBLIA)

Jump to: Chapter 2 →

1’Diri e’yo Yehovani ecapi Mika ’ba Morasini vu, o’du Yotamu pini opi nyazu Yudaarisi, Ahazi pie, Hezekia pie, erini ndrele e’yo Samaria pinisi Yerusalemu beri’i.

2Emi ma eri, emi ’ba suru driani ’diyi; mi ma eri, wudrikuru la, afa gapi tre alenia ’diyi be; Opi Yehova ma me e’yo eti emi dria, eri Opi’i, engazu hekalu erini alatararuria.

3Te emi ne, Yehovani efu pari iniasi, eri nga esi va pari wudrikuruni mbili mbili ’diyi otuzu.

4Oni ’diyi nga aka eri pa etia, e’bu yi nga ovu asizaru, ekile oderini akale acisirile, ekile yi kuruni rale angu eluzaruriarile.

5E’yo ’diyi dria efu ani ezata Yakobonisi, azi onzi suru Israelinisi indio Ezata Yakoboniri ngoni ya? Ovuni Samaria’i ku ya? Pari Yudani uruleru ’diyi ngoni ya? Ovuni Yerusalemu’i ku ya?

6E’yo ’disi ma nga Samariani fe ovuzu amuru amvu alia, ekile pari afa sazu amvu zabibuniarile; ma nga ani oni erini ’diyi ogu e’bu alia, ma vini nga etini fe e’da mgboru.

7Eri ma wura opale opa ’diyi dria nga ovu ogbazaru nyiri nyiri, orodri erini dria nga ovu vezaru acisi, ma nga wura erini inzile inzi ’diyi fe ovuzu andruru; a’disiku erini yi okule ali dri awuounisirisi, yi nga mvi orodri awuouniru ani.

8E’yo ’disi ma nga awu wu lulu gaza be; ma nga aci bongo kokoru rua be pililiru; ma nga owu obalakole, dri cizu candisi okondole.

9Ebi erinini jale tirisi; erini ecale kpere Yudaa indirisi; eri ca ’ba mani ’diyi ma kalitilea, ada, kpere Yerusalemua.

10Emi ma olu e’yo ’diri Garua ku, emi ma owu aluni ku; Beti-le-afiraa ’daa ma oli ma ngulupi irifura alia ’bo.

11Emi ma aga, emi ’ba Safiria ’diyi la emi aga rua be pililiru azini drinza be; ’ba ovupi Zaanania ’diyi efuni nga amve ku; awu wuza Beti-ezelini nga mile ’baza mini nze ra.

12Te ’ba ovupi Marotia ’diyi eri e’yo onyini te asi otiza be, a’disiku onzini esile va ibizu Yehova vu cazu kpere Yerusalemu ma kalitilearisi.

13Emi ombe akanya ovupi ongu beri gari ombaniri ma ruaa, mi ovupi Lakisiari la! Eri ndra e’yo onzi Zioni ziniri ma e’dozani, yini ezata Israelini isule mi aliarisi.

14Ka’dini mi nga Moreseti-gatu dri feta awa’diforu mini dri kozuri fe; jo Akizibuni, ’diyi nga ofu afa ’ba icipiriru opi ’ba Israelini ’diyi dri.

15Mi ’ba adripi Maresaari la, ma nga ki mi dri ’ba ngapi ovupi mi driliari eji be; diza Israeliniri nga ca kpere Adulamua.

16Mi ’ba mi dri tuaru, mi fa mi dribi va, anzi ayiko fepi mi dri ’diyi ma e’yosi; mi fa mi dri tuaru ekile rokole, yini mule mi vu ati’boa re ’borisi.

Jump to: Chapter 2 →