Micah 4

Lugbara (E’yo Siza Alatararu Munguniri BIBLIA)

← Chapter 3 Jump to: Chapter 5 →

1Te eri nga eca ’dini ewu vilerisi kini, oni jo Yehova vilerinini nga pa so okporu, oni azini ’diyi ma dria dria, eri nga ovu ’bazaru uru oni were ’diyi ma dria indi; te suru yi nga ra eri vu ra.

2Te suru ambo ambo kakau yi nga mu ’yo kini: Emi emu, ama ma tu uru oni Yehovaniria, ama ma mu Mungu Yakoboniri ma joa; eri nga ama imba geri ini ’diyi ma e’yosi, te ama nga aci geri erini ma alia. A’disiku Zioni ma alia azitani nga efuni, azini engazu Yerusalemua e’yo Yehovani nga efuni.

3Eri nga e’yo li suru kakau ma eselia, eri nga ega suru okporu ovupi ziri ’diyi ma dria; yi nga di sei yini di e’buru, yi nga aju yini di nguleru; te suru ngani sei enga suru azini ma ruaa aluni ku, ngani di omba ma e’yo oni dika ku indi.

4Te ’ba dria alu alu nga ri va zabibu pati ini ma etia elio pati ini be, te ’ba aluni yo ngapi uri mipi yi ma asiari; a’disiku Yehova Opi asikari ongulumuruni ma ti ’yo e’yo ’dirini.

5Te ’ba dria alu alu yi aci adrou yiniri ma rusi, te amaniruni ama nga aci Yehova Mungu amaniri ma rusi ’dani ’dani. Israelini onzezu ati’boasiri

6O’du ’darisi, Yehova ’yo ra, ma nga ’ba acozaru sopi so ’diyi oku nguluru, ma nga ’ba odrole amve ’diyi oku, ’ba mani inzale ’diyi pie dria;

7te ma nga ’ba acozaru sopi so ’diyi ’ba ovuzu ’ba acepi jolokoru’diyiru; ’ba ndra ’bele amve ’diyi ma nga yi ’ba ovuzu suru okporu turiru; azini Yehovani nga opi nya yi drilia oni Zionia engazu curu’do kpere ’dani ’dani.

8Azini mi’i, mi’i ovupi jo izuru kabilo o’biru ’diyini, mi oni Zioni ziniri la! e’yo nderi nga eca mi vu, ada, opi nyaza okori nga ecani, opi nyaza Yerusalemu ziniri’i.

9Curu’dorisi mi otre o’duko urusi a’disi ya? Opiruni emi eseliani yo? ’Ba mini e’yo amapiri ja dri ra, rua suzani mi fuzu ani ekile oku mvaazoni e’dulerile ’dini ya?

10’Yeke, mi ma ovu di rua suza be, mi zo mva, mi osi beni, Zioni zi la! mi si ekile trotro oku mvaazoni e’dulerile; a’disiku curu’dorisi mi nga di efu aku ma aliarisi ra, mi nga la nyamukoa; mi nga ca kpere Babulonia indio ’Darisi mi nga di mi para,’darisi vini Yehovani nga mi ooze ari’ba mini me driarisi ra.

11Te curu’do suru kakau ’diyi yi oso pa a’di ’dizu mi be, yi kini, Eri ma ovu onzivuru, ama ma so mile Zioni ma ruaa okposi.

12Te yi nini asisile Yehovani droleri ku, kani vani e’yo amaza eriniri ku indi, a’disiku erini yi okule tualu anya ombezale akuma driarisi.

13Mi ma enga anya dizu, Zioni zi la a’disiku ma nga fe o’yu miniri ma mba ekile ayale, azini ma nga mi paonyofi ede ekile molale; mi nga suru karakarau oco ani nyirinyiri, mi nga orodri yini ’ba pila Yehovani, azini mi nga afa dria yini ovuzu yi be ’diyi ’ba pila Opi wudrikuru drianiri dri indi.

← Chapter 3 Jump to: Chapter 5 →