Titus 2

Lugbara (E’yo Siza Alatararu Munguniri BIBLIA)

← Chapter 1 Jump to: Chapter 3 →

1Te mi’i, mi ’yo e’yo yi sipi imbata alaruri be ’diyi,

2Mi ma imba ’ba ’wara agupiru ’diyi ovuzu mile be yi agei tezu e’yo driasi, inzita i be, asi e’yere be, ovuzu okporu a’itai pi ma alia, leta pie, asi teza pie.

3Mi ma azi oku wara ’diyi ’dinile indi, acita yini ma si i ekile ’ba alaru ’diyinirile, yi ma di ’ba ma aji ku, yi, ma ovu ewa ma ati’baru ku; te yi ma ovu ’ba e’yo onyiru imbapi ’diyiru;

4yi ma imba ani oku o’diru ’diyi, agupi yini lezu avasi anzi yini be,

5yi ma ovu asi e’yere be, alaru, ’ba aku yini ma azi ngapi ’diyi, ovuzu asi onyiru be, agupi yi ma ngulupini ma e’yo inzizu, ’ba kazu e’yo Munguni o’dazu ku.

6Mi ma imba agupi o’diru ’diyi ’dinile indi oyuzu asi e’yere be.

7E’yo dria ma alia mi ma ece mi ngulupi ovuzu eceta ’yeta onyiruniriru, imbata mini alia mi ma ece e’yo lokiri kokoruri pi, e’yo inzitaruri pie,

8e’yo cluza alaru ’bani ecole onzozaru kuri pie, ’dini drinza ma bi ’ba ’ba dri arupiri ani, erini ovule e’yo onzi be ’yozaru ama dria aluni kurisi.

9Mi ma imba ati’ba opi yini inzizu, ayiko fezu yi dri e’yo driasi; yi ma omvi e’yo agatasi ku,

10yi ma ovu drisisi be ku, te yi ma ece asi adaru e’yo driasi, ifezu imbata Mungu ama Papirini i e’dazu ani ndrizaru e’yo dria ma alia.

11Te ’yeta anzutiri e’da i ’bo, pata ejizu ’ba dria dri,

12ama imbazu ama ma ga adriza onzi amani ani Mungu inzizu kuri pi, u nyakuniri be, ama ma ovu wudrikuru curu’dori ma alia asi e’yeresi, e’yo kililiruri pie, adriza amani ani Mungu inzizuri pie;

13ama ma lu e’yo teza drilebaru amaniri vu, eri e’daza diza Mungu lamboru ama Papiri Yesu Kristoni e’dazuri’i,

14eri fe ndra i ngulupi amasi, eri ma onze ama e’yo onzi dria ma alia ani, azini eri ma oji ini ’ba ovuzu suru i ma ngulupiniriru, azi onyiru ’yezu asi driasi.

15Mi ma ’yo e’yo ’diyi; mi ma omi ’ba asi, mi ma ece e’yo kililiru,’ba dri okpo driasi. ’Ba aluni ma ’ba imi aparakaru ku.

← Chapter 1 Jump to: Chapter 3 →