Titus 3

Lugbara (E’yo Siza Alatararu Munguniri BIBLIA)

← Chapter 2 Jump to:

1Mi ma fe ’ba ma ega ovuzu i inzitasi ’ba opiru ’diyi pi ma palaa ’ba ’ba dri cepi ’diyi be, yi ma e’yo erizu, ovuzu ngonde ’yeta onyiru ’yezu dria,

2yi ma o’da ’ba aluni ku, yi ma le agata gaza ku, ma ovu e’yere, asi e’yere ecezu ’ba dria mvu,

3Te ama’i indi, ama ovu ndra ondua kokoru, bile kokoru, icizaru e’yosi, ovuzu au’baru li ruani pi ma alia ayiko ndu ndu ’diyi be, adrizu asi onzi pi ma alia ma’yala be, ’ba ngu ndra ama onzi, ama ngu ndra ’ba onzi indi.

4Te asi onyiru Mungu lama Papirini, azini leta avasi erini ’ba vuri, ka ndra i e’da ra,

5eri pa ndra ama ’yeta ama ma ngulupini ’yele e’yo kililiruri ma alia ’diyisi ku, ite viki erinisi, ama ojizu osiza pale iririsi azini ama ’bazu o’diru Orindi, Alatararurisi;

6eri osu yiki ’diri, ama dria tre aga ra, geri Yesu Kristo ama Papirinirisi,

7’dini amani ovuiria lazaru kililiru ’yeta anzutiri erinisi lama ma eca ani ovuzu ’ba awita nyapi ’diyiru, amani ani idri ’daniri tezu lasi tezasi,

8E’yo ’yoza ’diri ovu ’adaru. Azini ma le mi ma olu e’yo ’diyii okposi, kini ’ba Mungu a’ipi ’bo ’diyi; ma fe yi asi ’yeta onyiru ’yezu ’dani. E’yo ’diyi ovu onyiru orodri fezu ’ba dri.

9Te mi ma ku zita toko efi kokoru ’diyi pi ja, a’bianzi ma ru olazu ’diyi pie, agata gaza pie, awata awazu e’yo azitanisi ’diyi pie; a’disiku e’yo ’diyi ovu toko orodri kokoru.

10’Ba azini ka i gbu ndu imbata aciaru kuzu ja, mi ka ega eri ma dria pale iri ’bo, mi ga eri si,

11mini niria ’ba awa’dinile ’diri oja i fuzu ’bo, onzi ’yezu’i; eri li e’yo ini ceni.

12Ma ka nga Aritema ti pe mi vu jani Tukiko’i yani, mi ma fe mi asi emuzu ma vu Nikopolia, a’disiku ede e’yo ’bo ovuzu ’dale ewu anguni ovuzu ambizaruria dria.

13Mi fe mi asi Zena ’ba e’yo azitani nipiri pi ma ti pezu Apolo be drile; mi ko yi ma aza yi ma ece ani afa azinisi ku.

14Te ’ba amani ma ni ’yeta onyiru ’yezu ’dani, ’ba ma aza kozu candi yini ma alia, yi ma ovu ani efi ’yaza kokoru ku beni,

15’Ba dria ovupi ma be ’diyi zi mi ci ci. Mi zi ’ba ama lepi a’ita ma alia ’diyi ci ci indi. ’Yeta anzutiri ma ovu emi be dria.

← Chapter 2 Jump to: