1 Thessalonians 1

Lao Bible (ฉบับอักษรลาว)

Jump to: Chapter 2 →

1ເຢຍ, ເປົາໂລ, ເຖສົາ ຊີລາ ເຖສົາ ທິໂມໄທ ເຟ້ຍ ຝຽນ ປຸນ ເທສະໂລນິກາ ຕສີ້ງ ເຍີຍ ຈິວ-ປາງ, ຕົ້ງ ຕສັ່ງ ເຕ໋ຍ ທິນ-ຮູ່ງ ເຖສົາ ຕສ໊ຽວ ເຢຊູ ກີຕູ່ ເຍີຍ ມ່ຽນ. ໂທ້ ທິນ-ຮູ່ງ ເຖສີຍ ເອນ ເຖສີຍ ແປ້ງ ອອນ ປຸນ ເມີ່ຍ ບົວ.

2ເຢຍ ບົວ ຕສັ່ນໆ ເຫວີ່ຍ ເມີ່ຍ ບົວ ຕສວັ໋ງ ມ່ຽນ ແລ໌ງ ຕສີ້ງ ທິນ-ຮູ່ງ. ຫາຍ ຕສັ່ນ ເຕົ໋າ ເກົ໋າ ຢ່າ ທີ່ ເຖົາ ເມີ່ຍ ບົວ.

3ເຢຍ ບົວ ຢຽມ ເຢຍ ບົວ ເຍີຍ ຕສັ່ງ ເຕ໋ຍ ທິນ-ຮູ່ງ ເຍີຍ ດສະຮມຽນ ຕສັ່ນໆ ຈັ໋ງ ເມີ່ຍ ບົວ ເຫວີ່ຍ ສຽນ ເຢຊູ ໂຕສ໋ວ ເຍີຍ ກົງ. ເມີ່ຍ ບົວ ຮນ້ຳ ນິ່ນ ຕສ່ຽວ ໂຕສ໋ວ ກົງ ໂຄ້ວ, ຢ່າ ເຂົາ ວ້ວນ ບົວ ເຍີຍ ຕສ໊ຽວ ເຢຊູ ກີຕູ່ ມ່າຍ ລ່ຳ ຮນ້ຳ.

4ທິນ-ຮູ່ງ ຮນ້ຳ ເຍີຍ ຕສວັ໋ງ ກໍ໋-ໂຢ໌ວ ອ້າ! ເຢຍ ບົວ ຮິ້ວ ຕຸ໊ ທິນ-ຮູ່ງ ກິ໊ນ ເມີ່ຍ ບົວ,

5ເຫວີ່ຍ ຕສຸ ເຢຍ ບົວ ເຖົາ ເມີ່ຍ ບົວ ໜ່າຍ ຕສຸ້ນ ຄູ້ ຝຽນ, ເຢຍ ບົວ ໄມ້ ຕານ ຫລົ່ງ ຫວ່າ ກ໊ອງ ຮນັ້ງ, ຢ່າ ມ່າຍ ສີງ ລີ່ງ ເຍີຍ ທຈະ ປຸນ ເມີ່ຍ ບົວ ຮິ້ວ ຕີ່ງ ນ້າຍ ຄູ້ ຝຽນ ເຊ ຕສະເກ້ງ ຕສຽນ ເຍີຍ. ເມີ່ຍ ບົວ ກັ້ນ ຮິ້ວ ຕຸ໊, ເຢຍ ບົວ ຢຽມ ເມີ່ຍ ບົວ ບຸດົ໋ງ ວົ້ວ ຕສັ່ນ, ເຢຍ ບົວ ຮນັ້ງ ຫາຍ ນໍ ຢຽມ. ນ້າຍ ເຊ ເຫວີ່ຍ ປຸນ ເມີ່ຍ ບົວ ຕຸ໊ ຫລົງ.

6ເມີ່ຍ ບົວ ຕສວດ ເຢຍ ບົວ ເຍີຍ ຫຍູ່ງ ຢ່າ ຕສວດ ຕສ໊ຽວ ເຍີຍ ຫຍູ່ງ. ໄມ້ ກຸ໊ນ ເມີ່ຍ ບົວ ຕສຸ ສ່ຽວ ໂຄ້ວ ທສ້ຳ, ເມີ່ຍ ບົວ ມ່າຍ ສີງ ລີ່ງ ປຸນ ຕ້າຍ ເຍີຍ ອຈຽນ-ໂຢ້ວ ຕສິ໊ບ ນ້າຍ ຄູ້ ຝຽນ.

7ເຫວີ່ຍ ນ້າຍ ເມີ່ຍ ບົວ ໂຕສ໋ວ ຫຍູ່ງ ເຕສີ໊ຍ ປຸນ ຢຽມ ມາຊີໂດເນຍ ເຖສົາ ອາຄາຢາ ແຊ້ງ ເຍີຍ ສຽນ ເຢຊູ ເຍີຍ ຕສວັ໋ງ ມ່ຽນ ຕສວດ.

8ຕສ໊ຽວ ເຍີຍ ໂຕ໌ ໄມ້ ຕານ ຢຽມ ເມີ່ຍ ບົວ ໜ່າຍ ຕສຸ້ນ ທສວດ ມີ່ງ ກ໋ອມ ມາຊີໂດເນຍ ແຊ້ງ ເຖສົາ ອາຄາຢາ ແຊ້ງ ຮນັ້ງ, ນອມໆ ຕ໋ອງ ເຍີຍ ມ່ຽນ ຢ່າ ໄຮ໌ ກ໊ອງ ເມີ່ຍ ບົວ ສຽນ ຫລົງ ທິນ-ຮູ່ງ, ເຢຍ ບົວ ຕສ່ຽວ ໄມ້ ຕສຸ ແອ໋ງ ກ໊ອງ ຫາຍ ຫຍູ່ງ ອ໊ະ.

9ວົ້ວ ເຕີ໋ຍ ຕສວັ໋ງ ມ່ຽນ ກ໊ອງ ເຢຍ ບົວ ມີ່ງ ເມີ່ຍ ບົວ ໜ່າຍ ເມີ່ຍ ບົວ ຮນັ້ງ ຫາຍ ນໍ ຕສິ໊ບ ເຢຍ ບົວ, ຢ່າ ກ໊ອງ ເມີ່ຍ ບົວ ຮນັ້ງ ຫາຍ ນໍ ກວັ່ງ ລິ໌ວ ໝິ່ວ-ຝັງ ຕ້າຍ ລໍ໌ ທິນ-ຮູ່ງ, ເຫວີ່ຍ ຟູ-ສູ ຕສຢັ້ງ ຈ໊ຽນ ເຍີຍ, ຕສຽນ ເຍີຍ ທິນ-ຮູ່ງ.

10ນິ່ນ ບົວ ກ໊ອງ ເມີ່ຍ ບົວ ຢ່າ ຕສົ໊ວ ທິນ-ຮູ່ງ ເຍີຍ ຕອນ ຢຽມ ທິນ-ຕ້ອງ ເອຈ່ຍ ຕ້າຍ, ຕົ້ງ ໄຕ່ ມີ່ງ, ທິນ-ຮູ່ງ ປຸນ ນັ່ງ ຕ້າຍ ເຍີຍ ເຢຊູ. ນິ່ນ ຢ່າ ໂອຈ໋ວ ບົວ ເລີ່ຍ ດຸ໊ດ, ອກະຮ້າ ຮີ້ງ ໄມ້ ຕສຸ ທິນ-ຮູ່ງ ໂນ໌ວ.

Jump to: Chapter 2 →