2 Corinthians 9

Lao Bible (ฉบับอักษรลาว)

← Chapter 8 Jump to: Chapter 10 →

1ເຢຍ ໄມ້ ເຕສີ໌ຍ ຖຈຽມ ຕສຸ ເຟ້ຍ ຝຽນ ກ໊ອງ ກັ໊ບ ຍ່ານ ເດສຍ ທິນ-ຮູ່ງ ເຍີຍ ມ່ຽນ,

2ເຫວີ່ຍ ຕສຸ ເຢຍ ຮິ້ວ ຕຸ໊ ເມີ່ຍ ບົວ ຕສູ໊ງ ມ່າຍ ໂຮຍ້ວ ເຖງ. ເຢຍ ຕສ່ຽວ ເທສງ ເມີ່ຍ ບົວ ປຸນ ມາຊີໂດເນຍ ມ່ຽນ ໝວັງ. ເຢຍ ບົ໋ວ ນິ່ນ ບົວ, ອາຄາຢາ ແຊ້ງ ເຍີຍ ມ່ຽນ ປະຫຮຍັງ ເບ່ນ ຕສຢັ໋ງ ເຖງ ອ໊ະ. ເມີ່ຍ ບົວ ຮນັ້ງ ໜ່າຍ ຈອມ ໂຮຍ້ວ ຕສ່ຽວ ຕົ໌ງ ຕສຸ ມ່ຽນ ທສ້ຳ ມ່າຍ ໂຮຍ້ວ ອ໋ອຍ ເຖສົາ ຈ໊ຽນ ໂຕສ໋ວ.

3ມປ່າ ເຢຍ ພ້າຍ ນ້າຍ ເຕີ໋ຍ ກໍ໋-ໂຢ໌ວ ມີ່ງ ເມີ່ຍ ບົວ ໜ່າຍ ດ່າງ ເຫວີ່ຍ ຕສຸ ໄມ້ ອ໋ອຍ ປຸນ ເຢຍ ບົວ ເທສງ ເມີ່ຍ ບົວ ວົ້ວ ເຕີ໋ຍ ຫວ່າ ດ໊ອດ. ອ໋ອຍ ເມີ່ຍ ບົວ ຕສິ໋ວ ເຢຍ ກ໊ອງ ເຍີຍ ຫວ່າ ຫລິ່ວ ເລີ໌ຍ ຕສຢັ໋ງ.

4ໄມ້ ເຕສີຍ ແອ໊ະ, ເຊ ກ໊ອງ ມ່າຍ ເຕີ໋ຍ ມາຊີໂດເນຍ ມ່ຽນ ເຖສົາ ເຢຍ ມີ່ງ ເຖົາ ເມີ່ຍ ບົວ ໜ່າຍ ຢ່າ ປວັດ ເມີ່ຍ ບົວ ໄມ້ ແກ້ງ ຫລິ່ວ ເລີ໌ຍ, ໄມ້ ຕານ ເມີ່ຍ ບົວ ຕສຸ ປ່າຍ ຮມຽນ, ເຢຍ ບົວ ຢ່າ ອ໋ອຍ ຕສຸ ປ່າຍ ຮມຽນ ອ໊ະ, ເຫວີ່ຍ ຕສຸ ເຢຍ ບົວ ປູ໋ງ ໂຮຍ້ວ ເມີ່ຍ ບົວ.

5ເຢຍ ຕສ່ຽວ ຮນ້ຳ ຕ້າຍ ຫອບ ຕສຸ ໂທ້ ນ້າຍ ເຕີ໋ຍ ກໍ໋-ໂຢ໌ວ ມີ່ງ ເມີ່ຍ ບົວ ໜ່າຍ ດ່າງ, ຫລິ່ວ ເລີ໌ຍ ຕສຢັ໋ງ ເມີ່ຍ ບົວ ແລ໌ງ ຝົ່ງ ຫໍ່ ເຍີຍ ຕສີ້ງ ເຫຍີ່ຍ. ຕສົ໊ວ ເຢຍ ເຖົາ ເຍີຍ ຕສຢັ້ງ ໂຫ່ ເມີ່ຍ ບົວ ຕສ່ຽວ ເບ່ນ ດສ້ອຍ ໝີ່ ອ໊ະ, ປຸນ ທສີງ ມ່ຽນ ປວັ໊ງ ໂຮຍ້ວ ປຸນ, ໄມ້ ເຕສີ໌ຍ ມ່ຽນ ອ໊າບ ເມີ່ຍ ບົວ ທສວດ.

6ຈັ໋ງ ຈ໊ຽນ ໂອ່. ຫາຍ ເຕົ້າ ຕສວັ໋ງ ໂຕສະ ຕສ່ຽວ ຊຽວ ຕຸ໊ ໂຕສະ. ຫາຍ ເຕົ້າ ຕສວັ໋ງ ທສ້ຳ ຕສ່ຽວ ຊຽວ ຕຸ໊ ທສ້ຳ.

7ໂມ໌ວ ເຕົ້າ ອ໋ອຍ ຕສຸ ປຸນ ຕສິ໋ວ ກັ້ນ ເຍີຍ ໂຮຍ້ວ ຕີ່ງ ອ໋ອຍ ປຸນ ເຍີຍ. ປຸນ ຢ່າ ອ໋ອຍ ຕສຸ ປວັ໊ງ ໂຮຍ້ວ, ໄມ້ ຕູ໋ງ ຄໍ້-ຟິ, ເຫວີ່ຍ ຕສຸ ທິນ-ຮູ່ງ ຮນ້ຳ ເຍີຍ ເຊ ອກອຍ ເອີ໋ຍ ປຸນ ເຍີຍ ມ່ຽນ.

8ທິນ-ຮູ່ງ ໄຮ່ ເຖສີຍ ຫຍູ່ງໆ ເອນ ທສ້ຳໆ ເຍີຍ ປຸນ ເມີ່ຍ ບົວ. ເມີ່ຍ ບົວ ຕສ່ຽວ ຕສັ່ນໆ ມ່າຍ ເກົ໋າ, ຕສູ໊ງ ມ່າຍ ທສ້ຳ ເຫວີ່ຍ ໂຕສ໋ວ ຫຍູ່ງໆ ຄູ້ ສີ່.

9ຮນັ້ງ ກີງ-ໂຊວ ກ໊ອງ ນໍ, “ນິ່ນ ໂຕສ໋ວ ໂຮຍ້ວ ຈັ໊ງ ເດສຍ ມ່ຽນ ຈົ່ມ ມ່ຽນ. ນິ່ນ ໂຕສ໋ວ ຫລົງ ເຍີຍ ເຈົ໊າ ຢຽດ ລິ໌ວ ຢຽມ.”

10ທິນ-ຮູ່ງ ເຖສີຍ ຍິມ ປຸນ ຕສວັ໋ງ ເຍີຍ ມ່ຽນ ຢ່າ ເຖສີຍ ຫຮນາງ ປຸນ ມ່ຽນ ຫຍັ່ນ. ນິ່ນ ອ໋ອຍ ປຸນ ເມີ່ຍ ບົວ ມ່າຍ ດສ້ອຍ ເມີ່ຍ ບົວ ຖຈຽມ ຫລົ່ງ ເຍີຍ ຍິມ, ຢ່າ ປຸນ ຍິມ ໂຮລ ຕ້າຍ. ເມີ່ຍ ບົວ ໂຕສ໋ວ ຫລົງ ເຍີຍ ສີ່ ຕສ່ຽວ ຮນັ້ງ ທສຸນ-ແກງ ນໍ, ປູ໋ງ-ຕສົວະ.

11ນິ່ນ ອ໋ອຍ ປຸນ ເມີ່ຍ ບົວ ຫຍູ່ງໆ ມ່າຍ ຕຸ໊ ດສ້ອຍ, ຕສັ່ນໆ ໂຕສ໋ວ ຕຸ໊ ໂຮຍ້ວ ຈັ໊ງ. ຮນັ້ງ ໜ່າຍ, ມ່ຽນ ທສ້ຳ ອ໋ອຍ ເຫວີ່ຍ ເມີ່ຍ ບົວ ຈິວ ປຸນ ເຢຍ ບົວ ຕໍ້ ເຍີຍ ຕສີ້ງ ເຫຍີ່ຍ ແລ໌ງ ຕສີ້ງ ທິນ-ຮູ່ງ.

12ເຫວີ່ຍ ຕສຸ ເມີ່ຍ ບົວ ກັ໊ບ ຍ່ານ ເດສຍ ທິນ-ຮູ່ງ ເຍີຍ ມ່ຽນ ໄມ້ ຕານ ເຖງ ນິ່ນ ບົວ ຕຸ໊ ຖຈຽມ ຫລົ່ງ ເຍີຍ ກະນ້າຍ ຮນັ້ງ, ມປ່າ ປຸນ ມ່ຽນ ທສ້ຳ ແລ໌ງ ຕສີ້ງ ທິນ-ຮູ່ງ.

13ເມີ່ຍ ບົວ ຮນັ້ງ ນ້າຍ ນໍ ກັ໊ບ ຍ່ານ ເດສຍ ມ່ຽນ, ມ່ຽນ ທສ້ຳ ຕສ່ຽວ ອ໋ອຍ ເທສງ ທິນ-ຮູ່ງ, ເຫວີ່ຍ ຕສຸ ເມີ່ຍ ບົວ ໂຕສ໋ວ ໂຮຍ້ວ ຈັ໊ງ ເຖງ ນິ່ນ ບົວ ຢ່າ ເຖງ ຕສວັ໋ງ ມ່ຽນ, ຕສ່ຽວ ປຸນ ທສີງ ເມີ່ຍ ບົວ ຫຍ່ຽມ ກີຕູ່ ຢ່າ ກັນ ຫລົງ ກີຕູ່ ເຍີຍ ຄູ້ ຝຽນ.

14ນິ່ນ ບົວ ເກ້ງ! ອ໋ອຍ ຈັ໋ງ ໄຫ່ ເມີ່ຍ ບົວ, ຕສ່ຽວ ເຖງ ເມີ່ຍ ບົວ ເຕົ໋າ ເກົ໋າ ເຫວີ່ຍ ຕສຸ ທິນ-ຮູ່ງ ເຖສີຍ ນິ່ນ ເຍີຍ ຕົ້ມ ເອນ ປຸນ ເມີ່ຍ ບົວ.

15ບົວ ອ໋ອຍ ຕສຸ ແລ໌ງ ຕສີ້ງ ທິນ-ຮູ່ງ ເຫວີ່ຍ ນິ່ນ ປຸນ ຕົ້ງ ລ່ຽມ ໄມ້ ມ່າຍ ຫວ່າ ກ໊ອງ ຕຸ໊ ເຖົາ ເຍີຍ ຕສີ້ງ ເຫຍີ່ຍ.

← Chapter 8 Jump to: Chapter 10 →