Ecclesiastes 11

Lao Bible (ฉบับอักษรลาว)

← Chapter 10 Jump to: Chapter 12 →

1ເຕສ໊າະ ເມີ່ຍ ເຍີຍ ລ່າງ ຕສິ ຮ໌າ ເອຈ່ຍ ວວມ-ໝິ່ນ, ເຫວີ່ຍ ຕສຸ ອກະຮ້າ ເຕສ໋ຍ ຮນອຍ ເມີ່ຍ ຕສ່ຽວ ແອ໋ງ ລໍ໌ ປວັດ ຕ້າຍ.

2ເຕສ໊າະ ປ່ວນ ປຸນ ເສ່ຍ ເຕົ້າ ມ່ຽນ, ຕສູ໊ງ ປຸນ ເຖົາ ຫຮຢຽດ ເຕົ້າ, ເຫວີ່ຍ ຕສຸ ເມີ່ຍ ໄມ້ ຮິ້ວ ຕຸ໊ ຢຽມ ນ້າຍ ລູ່ງ ເດ໊ຍ ອ໋ອຍ ມ່າຍ ຫາຍ ຫຍູ່ງ ເຕສະ ໜ່ານ.

3ເຊ ກ໊ອງ ບ໋ວນ ມ່າຍ ວວມ ປວັ໊ງ, ນິ່ນ ຕສ່ຽວ ໂຕ໋ ເອຈ່ຍ ເດົາ-ເປີ້ຍ ອ໊ະ. ໄມ້ ກຸ໊ນ ດຢັ໋ງ ເນົ້າ ມີ່ງ ນ່າມ ປູງ ໄຟ ປ໊ະ ປູງ, ເນົ້າ ເອຈ່ຍ ຫາຍ ນອມ ຕ໋ອງ ຕສ່ຽວ ຢຽມ ວົ້ວ ອ໊ະ.

4ຫາຍ ເຕົ້າ ໝັ່ງ ດສຢ໋າວ ຕສ່ຽວ ໄມ້ ຮ໌າ ຍິມ, ຫາຍ ເຕົ້າ ໝັ່ງ ບ໋ວນ ໄມ້ ຕຸ໊ ກ໊າດ ເບຢົ້າ.

5ຮນັ້ງ ເມີ່ຍ ໄມ້ ຮິ້ວ ຕຸ໊ ດສຢ໋າວ ຢຽມ ຫາຍ ຕິ່ວ ເຈົ໊າ ຕ້າຍ, ໄຟ ຢຽມ ມາ ເຍີຍ ກະເຊຍ, ກູ້ ງວ໌າ ເຍີຍ ບູ໊ງ ຮນັ້ງ ຫາຍ ນໍ ໄຮ່ ເປ໋ນ ຕ້າຍ, ຟີ່ ຮນັ້ງ ເຍີຍ ເມີ່ຍ ໄມ້ ໄຮ່ ເມ່ງ ແປະ ທິນ-ຮູ່ງ, ຕົ້ງ ເຕສີ໋ຍ ໝ່ານ ໝວດ ວົ້ວ ເຕົ້າ, ໂຕສ໋ວ ເຍີຍ ກົງ.

6ລູ່ງ ດອມ ເມີ່ຍ ອ໋ອຍ ຕສຸ ຮ໌າ ເມີ່ຍ ເຍີຍ ຍິມ, ລູ່ງ ມ໌ານ-ຫຮມວັງ ຢ່າ ໄມ້ ຕູ໋ງ ປຸນ ເມີ່ຍ ເຍີຍ ປົ໌ວ ຕີ້ງ, ເຫວີ່ຍ ຕສຸ ເມີ່ຍ ໄມ້ ຮິ້ວ ຕຸ໊ ຫາຍ ຫຍູ່ງ ທສວດ ຕ້າຍ ຫລົງ, ລູ່ງ ດອມ ຮ໌າ ເຍີຍ ໄຟ ລູ່ງ ມ໌ວນ ຮ໌າ ເຍີຍ, ໄຟ ອີ ຫຍູ່ງ ຕສູ໊ງ ຟີ່ ຮນັ້ງ ຫລົງ ເຍີຍ.

7ອຈັງ ມຕ້າຍ ຫລົງ ເຍີຍ, ມຕສີງ ປວັດ ບະຮນອຍ ຕສ່ຽວ ໄຮ໌ ອະເຮນີ້ຍ ເຍີຍ.

8ເຊ ກ໊ອງ ມ່ຽນ ຕສຢັ້ງ ຕຸ໊ ທສ້ຳ-ຫຮຍັງ, ກຸ໊ນ ປຸນ ມ່ຽນ ອະເຮນີ້ຍ ນ້າຍ ເຕີ໋ຍ ຢຽດ ຕສູ໊ງ ຫຮຍັງ-ຕ້າວ, ມປ່າ ປຸນ ນິ່ນ ຈັ໋ງ ເຖົາ ຫຮມວັງ ເຍີຍ ຮນອຍ-ເຫຍັຍ ເຫວີ່ຍ ຕສຸ ນ້າຍ ເຕີ໋ຍ ຮນອຍ-ເຫຍັຍ ຕສູ໊ງ ມ່າຍ ທສ້ຳ. ຫຍູ່ງໆ ທສວດ ຕ້າຍ ເຍີຍ ສີ່ ເຊ ຂູງ-ມ່ອງ.

9ມ່ຽນ ຫລຸນ ມ່ຽນ ອ່າ, ຢຽມ ເມີ່ຍ ຫຮຍັງ-ເຈີ໊ຍ ຫລຸນ ເຍີຍ ຕສຢັ້ງ ໂຫ່ ກຸ໊ນ ອອນ-ເຫລາະ. ຢຽມ ເມີ່ຍ ຫລຸນ ເຍີຍ ຮນອຍ-ເຫຍັຍ ກຸ໊ນ ປຸນ ເມີ່ຍ ເຍີຍ ໂຮຍ້ວ ອຈຽນ-ໂຢ້ວ. ເມີ່ຍ ເຍີຍ ໂຮຍ້ວ ອ໋ອຍ ໂຕສ໋ວ ເຍີຍ ກຸ໊ນ ໂຕສ໋ວ, ເມີ່ຍ ເຍີຍ ມຕສີງ ປວັດ ຫາຍ ຫຍູ່ງ ກຸ໊ນ ໝັ່ງ ອ໊ະ. ມປ່າ ອ໋ອຍ ຕສຸ ຮິ້ວ ຕຸ໊ ຕສິ໋ວ ເມີ່ຍ ໂຕສ໋ວ ເຍີຍ ນ້າຍ ເຕີ໋ຍ ຢຽດ ຕສູ໊ງ ສີ່, ທິນ-ຮູ່ງ ອ໋ອຍ ຊ້ຽມ.

10ຮນັ້ງ ໜ່າຍ, ອ໋ອຍ ຕສຸ ຢຽມ ໂຮຍ້ວ ເຕສ໊າະ ທສວດ ເດສົ້າ ຟ່ານ ເຍີຍ ສີ່, ຢ່າ ຊິ້ມ ອກອຍ ຫາຍ ຫຍູ່ງ ຫ່ອຍ ເມີ່ຍ ເຍີຍ ຊິນ ຕສຸ ໂຄ້ວ, ເຫວີ່ຍ ຕສຸ ນິນ ຕອງ ຕສຽບ ເປ໊ດ ເຍີຍ ຕສຢັ້ງ ໂຫ່ ເຊ ຂູງ-ມ່ອງ ເຍີຍ ສີ່.

← Chapter 10 Jump to: Chapter 12 →