Mark 13

Lao Bible (ฉบับอักษรลาว)

← Chapter 12 Jump to: Chapter 14 →

1ເຢຊູ ທສວດ ຕສັ່ງ ທິນ-ຮູ່ງ ເຍີຍ ເປຢົ໊າ ວົ້ວ ຕສັ່ນ, ມ່າຍ ເຕົ້າ ນິ່ນ ເຍີຍ ໄຊ-ກໍ໋ ກ໊ອງ, “ໄຊ-ເຕ໋ຍ ອ້າ! ໝັ່ງ ກ໋າ! ນ້າຍ ເຕີ໋ຍ ຫລະເປຢີ໊ຍ ໂຮລ! ໄຫ່. ເປຢົ໊າ ຢ່າ ເກ້ງ! ເດສວີ່ຍ ໄຫ່.”

2ເຢຊູ ເຕົາ, “ເມີ່ຍ ປວັດ ນ້າຍ ເຕີ໋ຍ ຕົ້ມ ເປຢົ໊າ ເຍີຍ ໄຟ? ມ່າຍ ນອມ ຮນອຍ ຢຽດ ຕສູ໊ງ ອ໋ອຍ ຕສຸ ແທສະ ເດສ່ງ. ໄມ້ ມ່າຍ ຢຽດ ຄວ້າຍ ຫລະເປຢີ໊ຍ ລັບ ຈ໊ຽນ ອ໊ະ.”

3ເຢຊູ ເຕສວີ໌ຍ ຈ໊ຽນ ກະລັ້ນ ບົງ, ຕສັ່ງ ທິນ-ຮູ່ງ ເຍີຍ ເປຢົ໊າ ເຍີຍ ຕ໋ອຍ-ຫງ່ານ ວົ້ວ ຕສັ່ນ, ປີເຕ, ຢາກອບ, ໂຢຮັນ ເຖສົາ ອັນດາລູ ຕ້າຍ ປີ໋ງ ຈ໊ຽນ ໜ່າຍ ນິ່ນ,

4“ໂທ້ ບົ໋ວ ເຢຍ ບົວ ໂອ່. ນ້າຍ ເຕີ໋ຍ ສີ່ ຫາຍ ຕສັ່ນ ອ໋ອຍ ທສວດ? ນ້າຍ ເຕີ໋ຍ ຢຽດ ຕສູ໊ງ ສີ່ ທສວດ ວົ້ວ ຕສັ່ນ, ມ່າຍ ຫາຍ ຫຍູ່ງ ຈັ໋ງ-ໂຫ່ ປຸນ ທສີງ ຕສຢັ້ງ ໂຫ່ ເຖົາ?”

5ເຢຊູ ບົ໋ວ ນິ່ນ ບົວ, “ອ໋ອຍ ຕສຸ ໄຝ ຟິມ. ໄມ້ ຕູ໋ງ ໝວັງ ຫາຍ ເຕົ້າ ດົ໊ວ ເມີ່ຍ ບົວ.

6ມ່າຍ ມ່ຽນ ທສ້ຳ ເຍີຍ ອ໋ອຍ ຫລົ່ງ ເຢຍ ເຍີຍ ບົ໋ວ ຕ້າຍ ກ໊ອງ, ‘ເຢຍ ຕົ້ງ ກີຕູ່ ອ໊ະ.’ ນິ່ນ ບົວ ຕສ່ຽວ ດົ໊ວ ມ່ຽນ ທສ້ຳ.

7ເມີ່ຍ ບົວ ໄຮ໌ ມ່ຽນ ເບ໊າະ ຕົ້ມ ຈ໋າ ຢ່າ ໄຮ໌ ເບ໊າະ ຕົ້ມ ຈ໋າ ເຍີຍ ຝຽນ ວົ້ວ ຕສັ່ນ, ໄມ້ ຕູ໋ງ ກ້ຳ ເດສ໋ຍ. ນ້າຍ ເຕີ໋ຍ ສີ່ ດົ່ງ ຫາຍ ຕສູ໊ງ ອ໋ອຍ ຕສຸ ທສວດ ມປ່າ ເຊດ ເມວີ໌ຍ ເຍີຍ ຕສຢັ້ງ ໂຫ່ ໄມ້ ແກ້ງ ເຖົາ.

8ນ້າຍ ຝີງ ເຖສົາ ວົ້ວ ຝີງ ອ໋ອຍ ເບ໊າະ ຈ໋າ. ນ້າຍ ນອມ ກົ໊ວະ ເຖສົາ ວົ້ວ ນອມ ກົ໊ວະ ຢ່າ ເບ໊າະ ຕົ້ມ ຈ໋າ. ມ່າຍ ເຕີ໋ຍ ຕ໋ອງ ເດົາ ຕົ໌ງ, ແອ໋ງ ມ່າຍ ຕົ້ມ ຮວາງ ຕົ້ມ ຫງໍ່. ນ້າຍ ເຕີ໋ຍ ສີ່ ທສວດ ຕ້າຍ ປຸນ ທສີງ ເຊດ ເມວີ໌ຍ ເຍີຍ ຮນອຍ-ເຫຍັຍ ເຈ໌ຍ ກອນ ທສວດ.

9“ມປ່າ ເມີ່ຍ ບົວ ກັ້ນ ອ໋ອຍ ຕສຸ ໄຝ ຟິມ. ມ່ຽນ ອ໋ອຍ ເຕສ໊າະ ເມີ່ຍ ບົວ ມີ່ງ ສີ່ ຕ້ອງ. ຢຽມ ຫວຸ່ຍ ຕ້ອງ ນິ່ນ ບົວ ອ໋ອຍ ຫລົ່ງ ປຢ໊າ-ປິນ ເບ໊າະ ເມີ່ຍ ບົວ. ເມີ່ຍ ບົວ ຫລາຍ ເຢຍ ຢ່າ ອ໋ອຍ ຕສຸ ໂຊ້ວ ຈ໊ຽນ ຕສູ໋ງ ເຖສົາ ຮູ່ງ ເຕ໋ຍ ເຍີຍ ດສະຮມຽນ ຕອງ ຈ໊ຽນ ນິ່ນ ບົວ ໂຕສ໋ວ ຕສອງ-ເຕສ໋ງ.

10ຄູ້ ຝຽນ ອ໋ອຍ ຕສຸ ຕສຸ້ນ ປຸນ ຝີງໆ ມ່ຽນ ໝວັງ, ເຊດ ເມວີ໌ຍ ເຍີຍ ຕສຢັ້ງ ໂຫ່ ຖສີງ ຕ້າຍ ເຖົາ.

11ມ່ຽນ ເຕສ໊າະ ເມີ່ຍ ບົວ ຕໍ້ ມີ່ງ ສີ່ ຕ້ອງ ວົ້ວ ຕສັ່ນ, ໄມ້ ຕູ໋ງ ຈາ-ດ່າງ ເດສົ້າ ອ໋ອຍ ຕສຸ ຮນັ້ງ ຫາຍ ນໍ ກ໊ອງ. ເຖົາ ວົ້ວ ຕສັ່ນ, ທິນ-ຮູ່ງ ຮນັ້ງ ຫາຍ ນໍ ປຸນ ເມີ່ຍ ບົວ ກ໊ອງ ຕສ່ຽວ ອ໋ອຍ ຕສຸ ຮນັ້ງ ວົ້ວ ນໍ ກ໊ອງ, ເຫວີ່ຍ ຕສຸ ໄມ້ ເຕສີ໌ຍ ເມີ່ຍ ບົວ ກັ້ນ ຮນ້ຳ ທສວດ ຕ້າຍ ກ໊ອງ, ເຊ ສີງ ລີ່ງ ປຸນ ເມີ່ຍ ບົວ ກ໊ອງ.

12“ມົ໌ວ-ຕ່ອຍ ອ໋ອຍ ເຕສ໊າະ ມົ໌ວ-ຕ່ອຍ ຈິວ ປຸນ ມ່ຽນ ໄຕ໋, ເຕຍ ອ໋ອຍ ເຕສ໊າະ ນິ່ນ ເຍີຍ ຝຸຈ໊ວຍ ຈິວ ປຸນ ມ່ຽນ ໄຕ໋. ຝຸຈ໊ວຍ ເຖສົາ ເຕ໋ຍ ໝ່າ ຢ່າ ເປ໋ນ ວິນ, ຈິວ ປຸນ ມ່ຽນ ໄຕ໋.

13ເຫວີ່ຍ ເຢຍ, ຕສວັ໋ງ ມ່ຽນ ອ໋ອຍ ດສອງ ເມີ່ຍ ບົວ. ມປ່າ, ຫາຍ ເຕົ້າ ເຕ໊ຍ ຕຸ໊ ເຖົາ ຕ້າວ ຕສ່ຽວ ຕຸ໊ ໂອຈ໋ວ ອ໊ະ.

14“ເມີ່ຍ ບົວ ປວັດ ໂຕສ໋ວ ປຸນ ຫຍູ່ງໆ ຫວ່າຍ ວົ້ວ ເຕົ້າ ຕົ້ມ ເຮ່ຍ ໂຢ໋ວ ຢຽມ ຈ໊ຽນ ໄມ້ ຫອບ ຕສຸ ຢຽມ ເຍີຍ ຕ໋ອງ ວົ້ວ ຕສັ່ນ, (ໂຕະ ໂຊວ ເຍີຍ ມ່ຽນ ອ໋ອຍ ຕສຸ ເມ່ງ ແປະ ນ້າຍ ເຕີ໋ຍ ຫວ່າ.) ຢຽມ ຢູເດຍ ແຊ້ງ ວົ້ວ ເຕີ໋ຍ ອ໋ອຍ ຕສຸ ເປຢົ໋າ ຝາວ ບົງ.

15ຢຽມ ເປຢົ໊າ-ງໍ່ ວົ້ວ ເຕີ໋ຍ ເອຈ່ຍ ຕ້າຍ, ໄມ້ ຕູ໋ງ ເປັຍ ເປຢົ໊າ ເຕສ໊າະ ຫາຍ ຫຍູ່ງ ຕໍ້ ມີ່ງ.

16ຢຽມ ເດີ່ຍ ເຍີຍ ມ່ຽນ, ໄມ້ ຕູ໋ງ ດສ໋ວນ ເປຢົ໊າ ເຕສ໊າະ ກັ້ນ ເຍີຍ ຕົ້ມ ລຸຍ.

17ຢຽມ ວົ້ວ ເຕີ໋ຍ ຮນອຍ-ເຫຍັຍ, ມ່າຍ ຈ໊ຽນ ຊິນ ເຍີຍ, ເຖສົາ ມ່າຍ ກູ້ ງວ໌າ ຮົບ ຫຍໍ ເຍີຍ ມເຊັຍ ຕອນ ຕສະເກ້ງ ປວັ້ງ ຕສຸ ໂຄ້ວ ອ໊ະ.

18ອ໋ອຍ ຕສຸ ເຕົ໋າ ເກົ໋າ ໂທ້ ທິນ-ຮູ່ງ ໄມ້ ຕູ໋ງ ປຸນ ນ້າຍ ເຕີ໋ຍ ສີ່ ທສວດ ຕ໋ອຍ ຕສຸ ຕົງ-ເກນ ຮນອຍ,

19ເຫວີ່ຍ ຕສຸ ເຖົາ ວົ້ວ ເຕີ໋ຍ ຮນອຍ-ເຫຍັຍ ມ່າຍ ຕົ້ມ ເຕສະ ໜ່ານ. ຢຽມ ທິນ-ຮູ່ງ ເຕສີ໋ຍ ລູ່ງ ເຕສີ໋ຍ ເດົາ ເຖົາ ອີ້ ຕສັ່ນ, ໄມ້ ມ່າຍ ເຈ໋ຍ ດົ່ງ ນ້າຍ ດສຸ່ນ ຊຽມ. ເຈ໋ຍ ມີ່ງ ຢຽດ ລິ໌ວ ຢ່າ ໄມ້ ມ່າຍ ອ໊ະ.

20ເຊ ກ໊ອງ ຕສ໊ຽວ ໄມ້ ປຸນ ວົ້ວ ເຕີ໋ຍ ຮນອຍ-ເຫຍັຍ ນັ້ງ, ໄມ້ ມ່າຍ ຫາຍ ເຕົ້າ ໄຮ່ ຕຸ໊ ແໝ່ງ ທສວດ. ເຊ ເຫວີ່ຍ ທິນ-ຮູ່ງ ກິ໊ນ ຕ້າຍ ເຍີຍ ມ່ຽນ ນິ່ນ ຖສີງ ຕ້າຍ ປຸນ ວົ້ວ ເຕີ໋ຍ ຮນອຍ-ເຫຍັຍ ນັ້ງ ໝີ່ ອ໊ະ.

21“ວົ້ວ ຕສັ່ນ, ເຊ ກ໊ອງ ມ່າຍ ຫາຍ ເຕົ້າ ບົ໋ວ ເມີ່ຍ ບົວ, ‘ໝັ່ງ ກ໋າ, ກີຕູ່ ຢຽມ ນ້າຍ!’ ໄຟ ‘ໝັ່ງ ກ໋າ, ນິ່ນ ຢຽມ ວົ້ວ!’ ໄມ້ ຕູ໋ງ ສຽນ.

22ເຫວີ່ຍ ຕສຸ ມ່າຍ ມ່ຽນ ກ໊ອງ ນິ່ນ ບົວ ໂຕສ໋ວ ກີຕູ່ ມປ່າ ຈ໊າ ເຍີຍ, ແອ໋ງ ມ່າຍ ຈ໊າ ໂຕ່ວ ຫວ່າ ມ່ຽນ ອ໋ອຍ ທສວດ ຕ້າຍ ໂຕສ໋ວ ຈັ໋ງ-ໂຫ່ ເຖສົາ ບົວະ ຮ່ອງ ເຍີຍ ສີ່ ດົ໊ວ ມ່ຽນ. ເຊ ກ໊ອງ ໄຮ່ ດົ໊ວ ຕຸ໊ ຕສຸ ນໍ, ນິ່ນ ບົວ ອ໋ອຍ ລ່ຽມ ທິນ-ຮູ່ງ ກິ໊ນ ຕ້າຍ ເຍີຍ ມ່ຽນ ດົ໊ວ.

23ເມີ່ຍ ບົວ ອ໋ອຍ ຕສຸ ໄຝ ຟິມ ໂອ່. ນ້າຍ ເຕີ໋ຍ ສີ່ ໄມ້ ແກ້ງ ທສວດ ເຢຍ ຈາ-ດ່າງ ບົ໋ວ ເມີ່ຍ ບົວ.

24“ເຕສະ ໜ່ານ ເຈ໋ຍ ລິ໌ວ ວົ້ວ ເຕີ໋ຍ ຮນອຍ-ເຫຍັຍ, ‘ບະຮນອຍ ຕສ່ຽວ ເຈັ໊ຍ ມີ່ງ, ຫຮລາ ຢ່າ ໄມ້ ຕສິ໋ວ ອຈັງ ອ໊ະ.

25ຕສວັ໋ງ ເຫຮລີຍ ຢຽມ ວົ້ວ ລູ່ງ ອ໋ອຍ ດ໊ອດ ເອຈ່ຍ ຕ້າຍ, ຢຽມ ລູ່ງ ມ່າຍ ທຈະ ເຍີຍ ກະນ້າຍ ຕສູ໊ງ ຕສຸ ດັ່ນ ຕົ໌ງ.’

26“ມ່ຽນ ຕສ່ຽວ ປວັດ ເຢຍ, ປ້າມ ມ່ຽນ ເຍີຍ ຕອນ, ມ່າຍ ຕົ້ມ ທຈະ ຢ່າ ມ່າຍ ອຈັງ-ຫລ່າງ ຢຽມ ວົ້ວ ບ໋ວນ ເອຈ່ຍ ຕ້າຍ.

27ເຢຍ ຕສ່ຽວ ພ້າຍ ຟິນ-ມ່ຽນ ມີ່ງ ເປຢີຍ ປູງ ດສຢ໋າວ, ຢຽມ ນ້າຍ ປູງ ລູ່ງ ກອນ ມີ່ງ ເຖົາ ວົ້ວ ປູງ ລູ່ງ ກອນ ຊຽວ ຕສຸ໊ນ ເຢຍ ກິ໊ນ ຕ້າຍ ເຍີຍ ມ່ຽນ.

28“ອ໋ອຍ ຕສຸ ຫລົ່ງ ງົ່ງ ຫຍໍ ດຢັ໋ງ ໂຫະ ຢຽດ ຫຍູ່ງ. ປວັດ ດຢັ໋ງ-ອກວ້າ ທສວດ ຖສຸນ, ອກອຍ ນ່ອມ ຫລຸນ, ເມີ່ຍ ບົວ ຕສ່ຽວ ຮິ້ວ ຕຸ໊ ອ໊າ ລ່ຳ ເປັຍ ຫ່າ ເກວີ໋ຍ ອ໊ະ.

29ຟີ່ ຮນັ້ງ ເຍີຍ, ເມີ່ຍ ບົວ ປວັດ ນ້າຍ ເຕີ໋ຍ ຢຽດ ຕສູ໊ງ ສີ່ ທສວດ ວົ້ວ ຕສັ່ນ, ເມີ່ຍ ບົວ ຕສ່ຽວ ຮິ້ວ ຕຸ໊ ເຢຍ, ປ້າມ ມ່ຽນ ເຍີຍ ຕອນ, ເຖົາ ຟັດ, ຕສູ໊ງ ຢຽມ ຈ໊ຽນ ແກ້ງ ດ່າງ ອ໊ະ.

30ເຢຍ ກ໊ອງ ຕສຽນ ບົ໋ວ ເມີ່ຍ ບົວ, ນ້າຍ ຕ່ອຍ ມ່ຽນ ເກວີຍ ເສີຍ ໄມ້ ແກ້ງ ເດສ່ງ, ນ້າຍ ເຕີ໋ຍ ຢຽດ ຕສູ໊ງ ສີ່ ຕສ່ຽວ ທສວດ ຕ້າຍ ອ໊ະ.

31ລູ່ງ ເດົາ ອ໋ອຍ ເຈ໋ຍ ເດສ່ງ, ມປ່າ ເຢຍ ເຍີຍ ຫວ່າ ຢຽດ ລິ໌ວ ໄມ້ ເຈ໋ຍ.

32“ວົ້ວ ນອມ ຮນອຍ, ວົ້ວ ນອມ ຕສຢັ້ງ ໂຫ່, ຫາຍ ຕສັ່ນ ອ໋ອຍ ເຖົາ, ໄມ້ ມ່າຍ ຫາຍ ເຕົ້າ ຮິ້ວ. ລ່ຽມ ທິນ-ຕ້ອງ ເຍີຍ ຟິນ-ມ່ຽນ ໄມ້ ຮິ້ວ, ຕອນ ຢ່າ ໄມ້ ຮິ້ວ. ຂູງ ຕສັ່ງ ເຕ໋ຍ ກັ້ນ ຮິ້ວ ຮນັ້ງ.

33ເມີ່ຍ ບົວ ອ໋ອຍ ຕສຸ ໄຝ ຟິມ, ກີງ ຈ໊ຽນ ໂຮຍ້ວ, ເຫວີ່ຍ ຕສຸ ເມີ່ຍ ບົວ ໄມ້ ຮິ້ວ ຕຸ໊ ວົ້ວ ນອມ ຕສຢັ້ງ ໂຫ່ ຫາຍ ຕສັ່ນ ເຖົາ.

34“ເຊ ຮນັ້ງ ລ່ານ ມ່ຽນ ອ໋ອຍ ທສວດ ເຈົ໊າ ມີ່ງ ໂກ ເຍີຍ, ຕສ່ຽວ ເຕສ໊າະ ນິ່ນ ເຍີຍ ຈາ-ຕີ້ງ ປຸນ ນິ່ນ ເຍີຍ ໂປວ ບົວ ໂກ໋ວ, ປຸນ ເກ໊າະ-ມ່ຽນ ມ່າຍ ເກ໊າະ-ມ່ຽນ ເຍີຍ ກົງ ໂຕສ໋ວ. ບົ໋ວ ຕສົ໊ວ ແກ້ງ ມ່ຽນ ຫລົງໆ ຕສົ໊ວ ຈ໊ຽນ ແກ້ງ, ນິ່ນ ຕສ່ຽວ ມີ່ງ ໝີ່ ອ໊ະ.

35ຮນັ້ງ ໜ່າຍ, ເມີ່ຍ ບົວ ອ໋ອຍ ຕສຸ ກີງ ໂຮຍ້ວ ຕສົ໊ວ ຈ໊ຽນ, ເຫວີ່ຍ ຕສຸ ເມີ່ຍ ບົວ ໄມ້ ຮິ້ວ ຕຸ໊ ເປຢົ໊າ-ຕສ໊ຽວ ຫາຍ ນອມ ຕສຢັ້ງ ໂຫ່ ດສ໋ວນ, ລູ່ງ ມ໌ານ-ຫຮມວັງ, ໄຟ ດ໊າມ ມ໌ວນ, ໄຟ ໄຈ ອກ໋າຍ ຕ້າວ, ໄຟ ລູ່ງ ອຈັງ.

36ເດສ໋ຍ ນິ່ນ ລ່ຽມ ເຕສີ້ຍ ດສ໋ວນ ຕ້າຍ ຢ່າ ປວັດ ເມີ່ຍ ບົວ ມອຈ້ອມ ເດສ່ງ ໝີ່ ອ໊ະ.

37ນ້າຍ ໂຈ໋ວ ຫວ່າ ເຢຍ ບົ໋ວ ເມີ່ຍ ບົວ, ເຢຍ ຢ່າ ບົ໋ວ ຕສວັ໋ງ ມ່ຽນ, ອ໋ອຍ ຕສຸ ກີງ ໂຮຍ້ວ ຕສົ໊ວ ຈ໊ຽນ ໂອ່.”

← Chapter 12 Jump to: Chapter 14 →