Micah 3

Lao Bible (ฉบับอักษรลาว)

← Chapter 2 Jump to: Chapter 4 →

1ເຢຍ ກ໊ອງ, “ຢາໂຄບ ເຍີຍ ເຕສີ໊ຍ-ຟຸນ ເຍີຍ ເປຢີ໊ຍ ເຕສີ໊ຍ ອ້າ! ເຊ ກຸ໊ນ ອິສະລາເອນ ເຍີຍ ເຕສີ໊ຍ-ຟຸນ ເຍີຍ ເປຢີ໊ຍ ເຕສີ໊ຍ, ໝວັງ ມ່າະ! ເມີ່ຍ ບົວ ຫອບ ຕສຸ ຮິ້ວ ແປ້ງ ຟິມ ເຍີຍ ເຈົ໊າ ໄມ້ ເຕສີ໌ຍ?

2ຕ໋າວ ດສ໋ວນ ເມີ່ຍ ບົວ ດສອງ ໂຕສ໋ວ ຫລົງ ເຍີຍ ເຈົ໊າ, ຮນ້ຳ ເອ໊າະ ເຍີຍ ສີ່. ເມີ່ຍ ບົວ ແມະ ເຢຍ ເຍີຍ ແປະ ຝີງ ເຍີຍ ດົ໊ບ, ຢ່າ ເປ໊ດ ຢຽມ ນິ່ນ ບົວ ເຍີຍ ບູ໊ງ ເຍີຍ ອໍ໊.

3ເມີ່ຍ ບົວ ຫຍັ່ນ ເຢຍ ເຍີຍ ແປະ ຝີງ ເຍີຍ ອໍ໊, ແມະ ນິ່ນ ບົວ ເຍີຍ ດົ໊ບ, ວວດ ນິ່ນ ບົວ ເຍີຍ ບູ໊ງ ເນົ້າ ເປ໋ນ ຢຽດ ອກັ໋ນ ຢຽດ ອກັ໋ນ ເຍີຍ. ເມີ່ຍ ບົວ ຮງະ ເປ໋ນ ຢຽດ ດຸ້ນ ຢຽດ ດຸ້ນ ຮນັ້ງ ຕັ໊ບ ແທສງ ເຍີຍ ອໍ໊, ຮນັ້ງ ຢຽມ ຕົ້ມ ແທສງ ເຍີຍ ອໍ໊ ນໍ.”

4ວົ້ວ ຕສັ່ນ ນິ່ນ ບົວ ຕສ່ຽວ ເຫ່ວ ຈ໊ຽນ ໂທ້ ຕສ໊ຽວ ມປ່າ ນິ່ນ ໄມ້ ເຕົາ ນິ່ນ ບົວ. ວົ້ວ ຕສັ່ນ ນິ່ນ ໄມ້ ຮວິນ ຮມຽນ ໝັ່ງ ນິ່ນ ບົວ, ຫລາຍ ນິ່ນ ບົວ ໂຕສ໋ວ ເຍີຍ ເອ໊າະ ສີ່.

5ຕສ໊ຽວ ຮນັ້ງ ນ້າຍ ນໍ ກ໊ອງ, “ຕໍ້ ເຢຍ ເຍີຍ ແປະ ຝີງ ຕ່ອງ ເຈົ໊າ ວົ້ວ ເຕີ໋ຍ ໂຕ່ວ ຫວ່າ ມ່ຽນ, ຕະຟ່ານ ນິ່ນ ບົວ ຕຸ໊ ຫຮນາງ ຫຍັ່ນ ນິ່ນ ບົວ ກ໊ອງ, ‘ແປ້ງ ອອນ ອ໊ະ ໂອ່.’ ມປ່າ ຫາຍ ເຕົ້າ ໄມ້ ປຸນ ກະນ້າຍ ນິ່ນ ບົວ ຫຍັ່ນ, ນິ່ນ ບົວ ອ໋ອຍ ຫລິ່ວ ເລີ໌ຍ ຕ້າຍ ເບ໊າະ ຈ໋າ.

6ຫຮມວັງ ຕສ່ຽວ ເອຈ່ຍ ຕ້າຍ ອົມ ຈ໊ຽນ ເມີ່ຍ ບົວ, ເມີ່ຍ ບົວ ຕສູ໊ງ ໄມ້ ຕຸ໊ ປວັດ ຫິ່ນ ຢ້າງ ເຍີຍ ສີ່. ຫຮມວັງ ເອຈ່ຍ ຕ້າຍ ວົ້ວ ຕສັ່ນ ເມີ່ຍ ບົວ ໄມ້ ໄຮ່ ກ໊ອງ ຕສິ້ນ ໂຮ໌ ຫວ່າ. ເຫວີ່ຍ ນ້າຍ ເຕີ໋ຍ ໂຕ່ວ ຫວ່າ ມ່ຽນ ບະຮນອຍ ອ໋ອຍ ມວດ, ເຫວີ່ຍ ນິ່ນ ບົວ ລູ່ງ ຮນອຍ ຕສັ່ນ ຕສ່ຽວ ຫຮມວັງ ອ໊ະ.

7ໂຕ່ວ ຫວ່າ ມ່ຽນ ຕສ່ຽວ ຕສຸ ໄຍ້, ກ໊ອງ ຕສິ້ນ ໂຮ໌ ຫວ່າ ເຍີຍ ມ່ຽນ ຕສຸ ປ່າຍ ຮມຽນ. ນິ່ນ ບົວ ຢຽດ ຕສູ໊ງ ອ໋ອຍ ປວັງ ຈ໊ຽນ ດສຸ້ຍ, ເຫວີ່ຍ ຕສຸ ທິນ-ຮູ່ງ ໄມ້ ເຕົາ ນິ່ນ ບົວ.

8ມປ່າ ເຢຍ ກັ້ນ ແອ໊ະ, ມ່າຍ ທຈະ ປວັ໊ງ, ມ່າຍ ຕສ໊ຽວ ເຍີຍ ສີງ ລີ່ງ, ຢ່າ ມ່າຍ ແປ້ງ ຟິມ, ມ່າຍ ປັ້ນ ເຕສີ່ຍ ເຫວີ່ຍ ຕ໋ອຍ ຢາໂຄບ ເຍີຍ ເຕສີ໊ຍ-ຟຸນ ກ໊ອງ ນິ່ນ ບົວ ປ໌າມ ເຍີຍ ຕສຸ໌ຍ, ກ໊ອງ ອິສະລາເອນ ມ່ຽນ ໂຕສ໋ວ ຕ່ອງ ເຍີຍ ຕສຸ໌ຍ.

9ເມີ່ຍ ບົວ ຢາໂຄບ ໂຕ້ວ ຕສົງ ເຍີຍ ເປຢີ໊ຍ ເຕສີ໊ຍ ອ້າ! ເມີ່ຍ ບົວ ກຸ໊ນ ອິສະລາເອນ ເຍີຍ ໂຕ້ວ ຕສົງ ເຍີຍ ມ່ຽນ ອ້າ! ໝວັງ ເຢຍ ເຍີຍ ຫວ່າ ມ່າະ! ເມີ່ຍ ບົວ ໝັ່ງ ເຜຍ ແປ້ງ ຟິມ ເຍີຍ ເຈົ໊າ, ເຕສ໊າະ ຫອບ ເຍີຍ ເຈົ໊າ ທິ້ວ ເປ໋ນ ຫວ່າຍ ເຍີຍ ເຈົ໊າ.

10ເມີ່ຍ ບົວ ຫລົ່ງ ໄຕ໋ ມ່ຽນ ເຍີຍ ດສຢ໊າມ ຫລຽບ ສິໂອນ, ຫລົ່ງ ໂຕສ໋ວ ຕ່ອງ ເຍີຍ ສີ່ ຫລຽບ ເຢລູຊາເລມ.

11ຕສີ້ງ ເຍີຍ ເປຢີ໊ຍ-ເຕສີ໊ຍ ຫຍັ່ນ ຍ່ານ ຫຮມວັງ ຊ້ຽມ ຕສຸ໌ຍ. ນິ່ນ ເຍີຍ ໄຊ ມ່ຽນ ອຈ໋າວ ເຫວີ່ຍ ໂຕ້ວ ຕຸ໊ ຍ່ານ, ໂຕ່ວ ຫວ່າ ມ່ຽນ ກ໊ອງ ຕສິ້ນ ໂຮ໌ ເຫວີ່ຍ ຕຸ໊ ຕສິ້ນ ຍ່ານ. ໄມ້ ກຸ໊ນ ຮນັ້ງ ນ້າຍ, ນິ່ນ ບົວ ປັ່ງ ຕສ໊ຽວ ຢ່າ ກ໊ອງ, “ ຕສ໊ຽວ ຢຽມ ບົວ ບຸດົ໋ງ ໄມ້ ເຕສີ໌ຍ? ໄມ້ ມ່າຍ ຫາຍ ຫຍູ່ງ ເຕສະ ໜ່ານ ໄຮ່ ຕສຸ ເຢຍ ບົວ.”

12ເຊ ຫລາຍ ເມີ່ຍ ບົວ ສິໂອນ ຕສູ໊ງ ອ໋ອຍ ຕສຸ ໄລ່ ຮນັ້ງ ໄລ່ ລີ່ງ ນໍ. ເຢລູຊາເລມ ອ໋ອຍ ເປ໋ນ ກະນ້າຍ-ດຸຍ, ຕສັ່ງ ທິນ-ຮູ່ງ ເຍີຍ ເປຢົ໊າ ເຍີຍ ບົງ ອ໋ອຍ ເປ໋ນ ລ່ຳ ຮລັງ ດຢັ໋ງ-ຫລົ່ມ.

← Chapter 2 Jump to: Chapter 4 →