Micah 6

Lao Bible (ฉบับอักษรลาว)

← Chapter 5 Jump to: Chapter 7 →

1ອິສະລາເອນ ມ່ຽນ ອ້າ! ໝວັງ ຕສ໊ຽວ ໂກ໋ ເຍີຍ ຫວ່າ. “ເຈ໌ຍ ຕ້າຍ ຕອງ ຈ໊ຽນ ຕົ້ມ ບົງ ກ໊ອງ ເມີ່ຍ ໂກ໋ ເຍີຍ ຫວ່າ, ປຸນ ບົງ-ໄອ໊ ໝວັງ ໄຮ໌ ເມີ່ຍ ເຍີຍ ເຖຈຍ.

2ໂອ ຕສວັ໋ງ ບົງ ເຖສົາ ເດົາ ຢຽດ ລິ໌ວ ວ້ວນ ເຍີຍ ກອນ-ໂດ໊ະ ອ່າ, ອ໋ອຍ ຕສຸ ໝວັງ ຕສ໊ຽວ ໂກ໋ ເຍີຍ ຫວ່າ. ເຫວີ່ຍ ຕສຸ ຕສ໊ຽວ ອ໋ອຍ ໂກ໋ ນິ່ນ ເຍີຍ ແປະ ຝີງ, ອ໋ອຍ ເຖສົາ ອິສະລາເອນ ມ່ຽນ ຫລວນ ເລີ໌ຍ.

3“ໂອ ເຢຍ ເຍີຍ ແປະ ຝີງ ອ່າ, ເຢຍ ໂຕສ໋ວ ຫາຍ ຫຍູ່ງ ປຸນ ເມີ່ຍ ບົວ? ເຢຍ ໂຕສ໋ວ ຫາຍ ຫຍູ່ງ ປຸນ ເມີ່ຍ ບົວ ໂຄ້ວ? ເຕົາ ເຢຍ ມ່າະ!

4ເຢຍ ຕໍ້ ເມີ່ຍ ບົວ ຢຽມ ອີຢິ໊ບ ເຕີ່ຍ-ປູງ ທສວດ ຕ້າຍ, ຢ່າ ຕສົວະ ເມີ່ຍ ບົວ ທສວດ ຕສຸ ໂຕສ໋ວ ໂນ່ວ ເຍີຍ ຕ໋ອງ. ເຢຍ ຢ່າ ພ້າຍ ໂມເຊ, ອາລົນ ເຖສົາ ມິລຽມ ຕໍ້ ເມີ່ຍ ບົວ.

5ໂອ ເຢຍ ເຍີຍ ແປະ ຝີງ ອ້າ! ຈັ໋ງ ຈ໊ຽນ ໂມອັບ ເຍີຍ ຮູ່ງ, ບາລາກ, ຮນ້ຳ ທສວດ ກູ໊ ໄກວ໋ ເຍີຍ ຕສະເອີ໋ຍ, ເຖສົາ ເບໂອ ເຍີຍ ຕອນ, ບາລາອຳ, ຮນັ້ງ ຫາຍ ນໍ ເຕົາ ນິ່ນ. ຈັ໋ງ ຈ໊ຽນ ຢຽມ ຊິດທິມ ເຖົາ ກິນການ ປວັ້ງ ເຍີຍ ສີ່, ເຫວີ່ຍ ປຸນ ເມີ່ຍ ບົວ ຮິ້ວ ຕຸ໊ ຕສ໊ຽວ ໂຕສ໋ວ ເຍີຍ ສີ່ ເຊ ເຫວີ່ຍ ໂອຈ໋ວ ເມີ່ຍ ບົວ.

6ເຢຍ ອ໋ອຍ ຕສຸ ຕໍ້ ຫາຍ ຫຍູ່ງ ຕ້າຍ ຢຽມ ຕສ໊ຽວ ເຍີຍ ດສະຮມຽນ, ເກວີ່ຍ ເອຈ່ຍ ປ໋າຍ ຢຽມ ຮລັງ ເຈ໋ຍ ເຍີຍ ທິນ-ຮູ່ງ? ເຢຍ ຫອບ ຕສຸ ຕໍ້ ປົ໊ວ ເຕສ່ຍ ເຍີຍ ກະນ້າຍ ຕ້າຍ ຢຽມ ນິ່ນ ເຍີຍ ດສະຮມຽນ ຝົ່ງ ຫໍ່, ເຊ ຕໍ້ ຕ໋ອຍ ຫຮຍັງ ເຍີຍ ງົ່ງ ຕອນ ໄຟ?

7ຕສ໊ຽວ ອະເຮນີ້ຍ ເຢຍ ຝົ່ງ ຫໍ່ ທສິນໆ ປະກີ ຢູ້ງ ໂກ໊ວ ໄຟ? ອ໋ອຍ ຕສຸ ຕໍ້ ຫວ່ານໆ ຕິ້ວ ກະລັ້ນ ໂຢ້ວ ເຍີຍ ໂດ໊ະ? ເຢຍ ຫອບ ຕສຸ ເຫວີ່ຍ ກັ້ນ ເຍີຍ ຕສຸ໌ຍ ຝົ່ງ ຫໍ່ ເຢຍ ເຍີຍ ຕອນ-ໂຮລ ໄຟ? ເຊ ເຫວີ່ຍ ໂຮຍ້ວ ກະຍົ໌ວ ເຍີຍ ຕສຸ໌ຍ ຝົ່ງ ຫໍ່ ກັ້ນ ເຍີຍ ທສຽນ ຕອນ ໄຟ?

8ໂອ ປ້າມ ມ່ຽນ ອ່າ, ຕສ໊ຽວ ຕສູ໊ງ ປຸນ ເມີ່ຍ ຮິ້ວ ຕຸ໊ ຫາຍ ຫຍູ່ງ ເຊ ຫລົງ ເຍີຍ, ນິ່ນ ຢ່າ ອ໋ອຍ ເມີ່ຍ ຮນັ້ງ ຫາຍ ນໍ ໂຕສ໋ວ. ອ໋ອຍ ຕສຸ ແປ້ງ ຟິມ ເຍີຍ ໂຕສ໋ວ, ມ່າຍ ໂຮຍ້ວ ອ໋ອຍ ຄໍ້-ລ່ຽນ ມ່ຽນ, ຫຍ່ຽມ ກັ້ນ ໂຕສ໋ວ ໄຝ, ກັນ ຈ໊ຽນ ເມີ່ຍ ເຍີຍ ທິນ-ຮູ່ງ ມີ່ງ.

9ຕສ໊ຽວ ເຍີຍ ເຖຈຍ ເຫ່ວ ຈ໊ຽນ ຕສຸ້ນ ບົ໋ວ ນ້າຍ ນອມ ຕສີ້ງ. ທສົງ-ເມ່ງ ມ່ຽນ ອ໋ອຍ ຕສຸ ທ່າຍ ເມີ່ຍ ເຍີຍ ເມ່ງ. “ໂອ ຢຽມ ຕສີ້ງ ກັ໊ບ ຕສຸ໊ນ ເຍີຍ ຕສວັ໋ງ ມ່ຽນ ອ້າ! ໝວັງ ມ່າະ!

10ເຢຍ ໄມ້ ໄຮ່ ຫລະຄຸ ຢຽມ ເອ໊າະ ມ່ຽນ ເຍີຍ ເປຢົ໊າ ຫລົ່ງ ໂຮຍ້ວ ໄມ້ ຕສີ໋ງ ຜຽນ ຕ້າຍ ເຍີຍ ກະນ້າຍ. ນິ່ນ ບົວ ຫລົ່ງ ກະນ້າຍ-ຮລາວ ຜຽນ ມ່ຽນ, ເຢຍ ຢ່າ ດສອງ ໄຫ່.

11ເຊ ກ໊ອງ ມ່ຽນ ຫລົ່ງ ແຫວ່ງ ມ່ຽນ ເຍີຍ ດສຢັ໋ງ ເຖສົາ ເຄວີຍ ມ່ຽນ ເຍີຍ ດສຢັ໋ງ-ຕໍ້, ເຢຍ ໄຮ່ ກວັ່ງ ອກອຍ ປຸນ ນິ່ນ ໄຟ?

12ຢຽມ ຕສີ້ງ ກະຍົ໌ວ ເມີ່ຍ ບົວ ເຍີຍ ປຸ໊ດ-ຕສ້ອຍ ມ່ຽນ ຕສະເກ້ງ! ໂຕະ ໄຫ່, ຢຽມ ຕສີ້ງ ເຍີຍ ມ່ຽນ ຂູງ ກ໊ອງ-ແປະ ດົ໊ວ ມ່ຽນ ຮນັ້ງ.

13ເຫວີ່ຍ ນ້າຍ ເຢຍ ເຈ໌ຍ ກອນ ເບ໊າະ ເມີ່ຍ ບົວ, ອ໋ອຍ ປຸນ ເມີ່ຍ ບົວ ຕສຸ ປ່າຍ ຫວ່າຍ ເດສ່ງ ຫລາຍ ເມີ່ຍ ບົວ ເຍີຍ ຕສຸ໌ຍ.

14ເມີ່ຍ ບົວ ຕຸ໊ ຫຍັ່ນ ມປ່າ ຫຍັ່ນ ໄມ້ ເປ໊ວ, ກະເຊຍ-ບົວະ ຖສໍ່ ຂູງ ເຍີຍ. ເມີ່ຍ ບົວ ຊຽວ ມປ່າ ໂອຈ໋ວ ໄມ້ ຕຸ໊, ຕົ້ງ ເມີ່ຍ ບົວ ຊຽວ ຕ້າຍ ເຍີຍ ເຢຍ ປຸນ ເບ໊າະ ຈ໋າ ເຍີຍ ເຈົ໊າ ໝຽດ ເດສ່ງ.

15ເມີ່ຍ ບົວ ຕຸ໊ ຕສວັ໋ງ ມປ່າ ໄມ້ ຕຸ໊ ຊຽວ. ເມີ່ຍ ບົວ ຕຸ໊ ຕສ໋າ ກະລັ້ນ ປ໊ຽວ ມປ່າ ໄມ້ ຕຸ໊ ຫລົ່ງ ກະລັ້ນ ໂຢ້ວ ດສ໊າດ ກັ້ນ ເຍີຍ ຊິນ. ເມີ່ຍ ບົວ ຕຸ໊ ອະຫງຸ່ນ ປ໊ຽວ ມປ່າ ໄມ້ ຕຸ໊ ຮົບ ອະຫງຸ່ນ ຕິ໊ວ,

16ເມີ່ຍ ບົວ ຕສວດ ອົມລີ ຮູ່ງ ເອ໊າະ ເຍີຍ ເລີ໌ຍ, ເຖສົາ ນິ່ນ ເຍີຍ ຕອນ, ອາຫັບ ຮູ່ງ, ເຍີຍ ເຕສີ໊ຍ-ຟຸນ ໂຕສ໋ວ ເຍີຍ ຢຽດ ຕສູ໊ງ. ເມີ່ຍ ບົວ ເອີຍ ຈ໊ຽນ ນິ່ນ ບົວ ເຍີຍ ຕສະເອີ໋ຍ ໂຕສ໋ວ. ເຫວີ່ຍ ນ້າຍ ເຢຍ ອ໋ອຍ ປຸນ ເມີ່ຍ ບົວ ຕສຸ ປ່າຍ ຮວາງ ເດສ່ງ, ເຢຍ ອ໋ອຍ ປຸນ ເມີ່ຍ ບົວ ຕສຸ ມ່ຽນ ຈັ໊ດ. ເມີ່ຍ ບົວ ອ໋ອຍ ຕສຸ ເຕ໊ຍ ໝ່ານ ຝີງ ມ່ຽນ ຮວວດ ເມີ່ຍ ບົວ.”

← Chapter 5 Jump to: Chapter 7 →