1 Samuel 21

Mizo Bible

← Chapter 20 Jump to: Chapter 22 →

1Chutichuan Davida chu Nob khuaah puithiam Ahimeleka hnenah chuan akal a: tin, Ahimeleka chuan khur chungin Davida chu a lo hmuak a, a hnenah "Eng tizia nge i va mal ve, tumah kalpui ineih loh?" a ti a.

2Tin, Davida chuan puithiam Ahimeleka hnenah chuan, "Lalin thil ti turin thu mi pe a, ka hnenah, 'Ka thil tihtir tum reng reng che leh ka thupek che hi tumahin hre suh se,' a ti tlat a; tin, tlangvalhote lo awmna tur hmune chu ka ruat a.

3Chutichuan engte nge i kutah awm le: chhang hlawm nga min pe la, a nih loh leh i neih ang apiang pawh," a ti a.

4Tin, puithiam chuan Davida chu a chhang a, "Chhang naran chu ka nei lo a, chhang thianghlim erawh chu ka nei a; tlangvalte chu hmeichhe laka an inthiar fihlim phawt chuan," a ti a.

5Tin, Davida chuan puithiam chu a chhang a, a hnenah, "Tun ni thum chhung chu hmeichhe lakah reng reng chuan kan inthiar fihlim vek takzet a ni; ka lo chhuah dawn lai pawh khan tlangvalte buungbel chu a thianghlim a ni, khawii lo a kal naran mai tur kan ni nain; vawiin lek phei chuan an bungbel chu a va thianghlim lehzual dawn em!"

6Chutichuan puithiam chuan chhang thianghlim a pe ta a: chutah chuan chhang dah an lak nia chhang luma thlak tura LALPA hma ata an laka chauh lo chu chhang dang a awm si lo a.

7Tin, chu mi ni chuan Saula chhiahhlawh zinga mi pakhat LALPA hmaa hren a awm a; a hming chu Doega ani a, Edom mi, Saula ran vengtu zinga hotu ber ani a.

8Tin, Davida chuan Ahimeleka hnenah chuan, "Fei emaw, khandaih emaw i kawl lo maw? Lal hnaah chuan hmanhmawh a tul avangin ka khandaih leh ka hriamhrei a enga mah ka rawn keng hman lo a ni," a ti a.

9Tin, puithiam chuan, " Philistia mi Goliatha, Ela ruama i thaha khandaih chu ngai teh, puithiam kawr phenah hian puana tuamin a awm reng mai: chu mi chu i lak duh chuan la rawh, chu chauh lo chu a dang a awm lo," at ia. Tin, Davida chuan, "Chu lo liam, min pe rawh khai," a ti a.

10Chutichuan Davida chu a tho a, chu mi ni chuan Saula hlauin a tlan bo a, Gath lal Akisa hnenah akal ta a.

11Tin, Akisa chhiahhlawhte chuan a hnenah, "He mi hi an ram lal Davida ani lawm ni? kha? "Saula'n a sang a sang a that, Davida'n a singa sing," tia lam chungin a chungchang thu hlain an sa dur dur ani lo'm ni?kha?" an ti a.

12Tin, Davida chuan chung thute chu a rilruah apai ta a, Gath lal Akisa chu ahlau ta hle mai a.

13Chutichuan ahmaah chuan a awm dan a tidanglam a, an mithmuhah chuan a a der ta chiam mai a, kawngkharte chu a ham vak vak a, a khabe hmulahte chuan a chil a tiluang duah duah ta mai a.

14Chutichuan Akisa chuan a chhiahhlawhte hnenah chuan, "En teh u, mi a a nih in hre reng si a, engati nge ka hnenah in rawn hruai ni?Mi a ka tlakchham vangin em ni he mi hi a atzia tilang tura ka hmaa in rawn hruai ni? He mi hi ka inah a lo lut tehlul ang maw?" a ti a.

15Mi a ka tlakchham vangin em ni he mi hi a atzia tilang tura ka hmaa in rawn hruai ni? He mi hi ka inah a lo lut tehlul ang maw?" a ti a.

← Chapter 20 Jump to: Chapter 22 →

Recommended Reading

Commentary 1 Samuel Commentaries → Devotional 1 Samuel Devotional Guide → Get This Bible Mizo Bible Study Bible →