Nahum 2

Mizo Bible

← Chapter 1 Jump to: Chapter 3 →

1Tikeh sawmtu chu i hmai hmaah a lo chhuak e: kulhbing chu enkawl la, kawng chu veng rawh; i kawng tikhauh la, i thiltihtheihna chu chak takin siam tha rawh.

2Israelho ropuina ngin Jakobho ropuina chu LALPA chuan a tungding leh si a: tiruaktute chuan anmahni an tiruak zo tawh a, an grep pengte an tichhe tawh si a.

3A mi chakte phaw chu thisen a ni a, mi huaisente chu a senlarin an inthuam a: a inbuatsaihna niah chuan tawlailirte chu kahpathir tlein a tle zawr zawr a, fei te chu rapthlak takin a phe zawk zawk a ni.

4Tawlailirte chu kawtthlerah an tlan bur bur a, lamlian zauvahte chuan an insu sawk sawk a: meichher angin an lang a, kawl phe angin an tlan thuak thuak a ni.

5A miliante chu a ko chhuak a: an kal rual chu a petek a; kulhbang lam pan chuan an hmanhmawh a, thil phen tur an siam a.

6Lui kawngkharte chu hawn a ni a, lalin chu tihralin a awm a.

7Tin, Huzzabi chu an hlip a, an kal bo pui a, a bawihnute chuan an awm chumin thuro hram ang maiin an tah a.

8Hmasang ata Ninevi chu dil ang a ni a, a sah ta hum hum a; Ding rawh u. ding rawh u, tiin an au a; mahse tumah an hawikir lo.

9Tangkaraw sumte chu laksak u la, rangkachak sumte chu laksk rawh u: thil chhek khawm leh bungraw tha zawng zawng ropuizia chuan tawp in tai a nei si lo.

10Tihruahin a awm a, a ruak der a, a ram a ni: thinlung chu a tituiral a, khupte chu a inkhawng a, kawng zawng zawng a na ngawih ngawih a, an zavaia hmel a dang zo vek a ni.

11Tuma tihtit loha an awmna, sakeibakneipa te, sakeibakneipui te sakeibaknei no te an kal velna sakeibaknei bu zawl leh sakeibaknei noten an eina hmun chu khawiah nge?

12Sakeibakneipa chuan a note khamkhawp a pawtsawm a, sakeibakneipuite tan a seh hlum a, a pukte chu sa sehin a tikhat a, a buzawlte chu saruang pawh samin.Sipaihote LALPA chuan, Ngai teh, ka do che a ni, a tawlailirte chu ka hal khu hluah hluah ang a, i sakeibaknei note chu khandaihin a tiboral ang: tin, leia i sa seh hi ka tikin ang a, i palaite aw chu hriat a ni tawh lo ang, a ti a.

13Sipaihote LALPA chuan, Ngai teh, ka do che a ni, a tawlailirte chu ka hal khu hluah hluah ang a, i sakeibaknei note chu khandaihin a tiboral ang: tin, leia i sa seh hi ka tikin ang a, i palaite aw chu hriat a ni tawh lo ang, a ti a.

← Chapter 1 Jump to: Chapter 3 →