1 Chronicles 7

Macedonian 2006 D - (Свето Писмо: Стандардна Библија 2006 (со Девтероканонски Книги))

← Chapter 6 Jump to: Chapter 8 →

1Синови Исахарови беа: Тола, Пуа, Јашув и Шиврон, четворица.

2Синови Толови: Озиј, Рефаја, Јериел, Јахмај, Јивсам и Самоил, началници на домовите во Толовите поколенија, мажи воинствени во своите родови; нивниот број во времето на Давид беше дваесет и две илјади и шестотини.

3Озиев син: Јизрахија; а Јизрахиеви синови: Михаил, Авдија, Јоил и Јишија – петмина. Сите тие беа началници.

4Тие имаа, според родовите свои и поколенијата свои, триесет и шест илјади војска подготвена за борба, зашто имаа многу жени и синови.

5А браќата нивни во сите поколенија Исахарови беа до осумдесет и седум илјади, мажи борбени, запишани во родословните списоци.

6Венијамин имаше синови: Бела, Бехер и Једиаел – тројца.

7Синови на Бела: Ецбон, Озиј, Узиил, Јеремот и Ири – петмина, началници, мажи воинствени. Во родословните списоци запишани дваесет и две илјади триесет и четири.

8Синови Бехерови: Земира, Јоас, Елиезер, Елиоенај, Амвриј, Јеремот, Авија, Анатот и Алемет; сите тие се синови Бехерови.

9Во родословните списоци од нив се запишани, по родовите и по старешинство, мажи борбени – дваесет илјади и двесте.

10Једиаелов син: Билхан; синови Билханови: Јеус, Венијамин, Аод, Кенаана, Зетан, Тарсис, Ахишахар.

11Сите тие синови Једиаелови беа началници на домови, мажи воинствени; кои одеа во војна, беа седумнаесет илјади и двесте.

12Шупим и Хупим беа синови Ирови; Хушим беше син Ахеров.

13А синовите Нефталимови беа: Јахациел, Гуни, Јецер и Селум беа деца од Билха.

14Синови Манасиеви: Азриил, кого го роди прилежницата негова, Арамејка; таа го роди уште Махир, Галаадов татко.

15Махир ја зеде за жена сестрата на Хупим и Шупим, – сестрата нивна се викаше Мааха; вториот син на Манасија се викаше Салпаад. Салпаад имаше само ќерки.

16Мааха, жената Махирова, роди син и го нарече Переш, а брат му се викаше Шереш. Негови синови: Улам и Рекем.

17Уламов син: Бедан. Тоа беа синови на Галаад, син на Махир, син Манасиев.

18Сестра му Молохета ги роди Ишход, Авиезер и Махла.

19Шемидови синови беа: Ахјан, Сихем, Ликхи и Анијам.

20Ефремови синови: Шутелах; и Беред, негов син, Тахат, негов син, Елада, негов син, Тахат, негов син,

21Завад, негов син, Шутелах, негов син, Езер и Елад. Нив ги убија жителите гатски, родени во таа земја, затоа што беа отишле да ги заграбат стадата нивни.

22И татко им Ефрем плачеше по нив многу денови, а браќата негови доаѓаа да го утешуваат.

23Потоа тој влезе при жена си; таа зачна и роди син, и тој го нарече со името Берија, затоа што зло го снајде домот негов.

24Тој имаше и ќерка Шеера. Таа го изгради Долни и Горни Веторон и Узен-Шеера.

25Негов син беше Рефах; негови синови Решеф и Телах; Тахан, негов син,

26Ладан, негов син, Амихуд, негов син, Елишама, негов син,

27Нун, негов син, и Исус, негов син.

28Имотот нивни и живеалиштата нивни беа: Ветил и селата негови: кон исток Нааран, кон запад Гезер и селата нивни; Сихем и нему потчинетите градови сѐ до Газа со селата нејзини,

29Во рацете на синовите Манасиеви: Бет-Шан и селата негови, Танах со селата негови, Мегидо со селата негови, Дор и неговите села. Во нив живееја синовите на Јосиф, Израилев син.

30Синови Асирови: Јимна, Јишва, Јишви, Берија и сестра им Зара.

31Синови Бериеви: Хевер и Малхиил. Тој е татко Бирзаитов.

32Хевер ги роди Јафлет, Шомер, Хотам и сестра им Шуа.

33Синови Јафлетови: Пасах, Бимхал и Ашват. Тоа беа синови Јафлетови.

34Синови Шомерови: Ахи, Рохга, Хуба и Арам.

35Синови на Хелем, негов брат: Цофах, Јимна, Шелеш и Амал.

36Синови Цофахови: Суах, Харнефер, Шуал, Бери и Јимра,

37Бецер, Ход, Шама, Шилша, Јитран и Бера.

38Синови Јетерови: Јефуне, Писпа и Ара.

39Синови на Ула: Арах, Ханиил и Риција.

40Сите тие беа потомци Асирови, началници на домовите, одбрани силни и храбри мажи, началници на началниците. Запишани беа во нивните родословни списоци, за војна, на број дваесет и шест илјади души.

← Chapter 6 Jump to: Chapter 8 →