Song of Solomon 3

Mongolian (Ариун Библи 2013)

← Chapter 2 Jump to: Chapter 4 →

1Амин голоос хайртай түүнээ шөнөд би орондоо хайнам. Хайлаа гээд түүнийгээ харин би эс олном Хашхирч түүнийг дуудаад ч Хариуг тэр эс өгнөм.

2“Одоо би босож, орон хотоор явсу, Гудам, талбайг гулд хэдчин Голын хайртаа горилж бэдэрсү” Хайлаа гээд би түүнийгээ харин эс олов.

3Харуулынхан хот эргэж яваад харин намайг олов. “Халуун голын хайртыг минь хараагүй биз”.

4Амжиж тэднээс салангуут Амин хайртаа би олов. Ээж минь намайг хэвлийдээ олж тээсэн Энэ өрөөнд ортлоо эс тавьж явуулав.

5—Иерусалимын охид оо, Талын гөрөөс, марал бугаар андгайлъя. Таашаал дурыг, бэлэн болтол нь битгий өдөөж сэрээ.

6Утаан багана гэлтэй утлага мирр тэргүүтэй Арилжааны үнэрт энгэсгийг анхилууланхан Эзгүй цөлөөс ирж яваа энэ ер нь юу вэ?

7Энэ бол Соломоны нүүдлийн тэрэг, харагтун Израилийн хүчирхэг эрсээс жаран хүчирхэг эр түүний Эргэн тойронд нь явна.

8Тулаанд мэргэшсэн тэд бүгдээр илд агсжээ. Ташаандаа бүгд илдтэй, шөнийн аймшгаас хамгаалжээ.

9Соломон хаан өөртөө Ливаны модоор жууз хийжээ.

10Гар дамнуургыг нь мөнгөөр Ар түшлэгийг нь алтаар Дор суудлыг нь нил ягаан бөсөөр хийжээ Доторлохдоо Иерусалимын охид хичээжээ.

11Сионы охид оо, гарцгаа. Сэтгэл зүрхнийх нь баярын өдөр, хуримаар нь Соёрхож ээжийнх нь залсан титэмтэй Соломон хааныг харцгаа.

← Chapter 2 Jump to: Chapter 4 →