bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
1 Corinthians 2
1 Corinthians 2
Mossi MPBU (WẼNNAAM SEBRE 2014)
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 3 →
1
M ba-biisi, sã n yaa ne maam, mam sẽn wa n wa yãmb nengẽ wã, ka ne gom-minim wall yam yɩɩdem la mam wa n na n moon koɛɛg n kɩs Wẽnnaam kaset ye.
2
Bala, mam ka tags tɩ yaa sõama tɩ mam bãng bũmb a to yãmb sʋkã tɩ sã n ka a Zeezi Kirisi, soab ning b sẽn ka da-pɩk zugã ye.
3
Mam sẽn dag n be yãmb nengẽ wã, mam mengã dag n bee pãn-komsem pʋgẽ tɩ dabeem la rigb wʋsg dag n tar maam.
4
Mam goamã ne m koe-moonegã ka yɩ ne yam goam sẽn na kɩt tɩ ned tẽ ye, la yɩɩ ne Sɩɩgã tʋʋma la a pãnga.
5
Tɩ yãmb tẽebã da wa n yẽbg ninsaalb yam zug ye, la yɩ Wẽnnaam pãngã zugu.
6
Yaool n yaa yam la tõnd moond neb nins sẽn zems zãngã sʋka. Ka dũni‑kãngã yam, wall dũni‑kãngã nanambs yam ye. Wẽnnaam na n kɩtame tɩ bõn-kãens fãa ka zĩnd pãng ye.
7
Tõnd moonda Wẽnnaam yam sẽn yaa yel-solemde la sẽn solge, tɩ Wẽnnaam pĩnd n segl hal sẽn deng zamaan sɩngre, tõnd waoogr yĩnga.
8
Dũni‑kãngã naab baa a yembr ka bãng yam‑kãng ye, bala, b sã n dag n bãngẽ-yã-a, b rag n kõn ka tõnd Zu-soab sẽn so ziirã da-pɩk zug ye.
9
La yaa wa b sẽn gʋlsã: Bũmb ned nif sẽn nan ka yã ye, bũmb ned tʋbr sẽn nan ka wʋm ye. La bũmb sẽn nan ka wa ninsaal tagsgẽ ye, bũmb ning fãa Wẽnnaam sẽn segl neb nins sẽn nong bãmbã yĩnga.
10
Wẽnnaam vẽnega yam‑kãng ne tõndo, Sɩɩg-sõng maasem yĩnga. Bala, Sɩɩgã feesda bũmb fãa, baa ne bũmb nins sẽn solg hal Wẽnnaam pʋgẽ.
11
Dẽ wã, ãnda n be ninsaalb sʋk n mi ninsaal yelle, tɩ ka ninsaal sɩɩg sẽn be a pʋgẽ wã? Woto me, ned baa a yembr ka mi Wẽnnaam yelle, sã n ka Wẽnnaam Sɩɩgã ye.
12
Tõnd yaool n ka reeg dũni sɩɩg ye, la yaa Sɩɩg sẽn yit Wẽnnaam nengẽ, tɩ tõnd tõe n bãng bũmb nins Wẽnnaam sẽn kõ tõndo, b nimbãan-zoeerã yĩnga.
13
Tõnd sẽn gomd bõn-kãens yellã, ka ne goam sẽn yit ninsaal yam pʋgẽ ye, la yaa ne goam Wẽnnaam Sɩɩgã sẽn kõta, n dɩkd yɛl sẽn yaa sɩɩg yɛl n bilgd neb sẽn tagsd sɩɩg yɛlã yelle.
14
La ninsaal sẽn yaa yĩng neongã ka tõe n deeg bũmb nins sẽn yit Wẽnnaam Sɩɩgã nengẽ wã ye. Bala, b yaa yalemd ne yẽnda. La a ka tõe n bãng-b ye. Bala, yaa ne Sɩɩg-sõngã la ned tagsd-b yelle.
15
Sẽn tar‑a sɩɩgã mii bũmb fãa bʋʋd kaoobo, la ned yaool n ka be be n kaood yẽnda bʋʋd ye.
16
Sɩd me, ãnda soab n bãng Zu-soabã tagsg n na n sagl-ba? La ne tõndo, tõnd tara Kiris tagsgo.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 3 →
All chapters:
1
2
3
4
5
6
7
8
9
10
11
12
13
14
15
16