bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Daniel 10
Daniel 10
Mossi MPBU (WẼNNAAM SEBRE 2014)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 11 →
1
Pɛrs-rãmbã rĩm a Siruus sẽn deeg naam tɩ yʋʋm tãablẽ, a Dãniyɛll b sẽn pʋd a soab yʋʋr t'a Bɛlsatzaarã paama koɛɛg sẽn yit Wẽnnaam nengẽ, la yaa koɛɛg sẽn yaa sɩda, la a wilgdame tɩ zab-kãseng n na n zĩndi. La a Dãniyɛll sẽn deeg koɛɛgã, a tagsame n bãng a võore.
2
Wakat-kãnga, maam a Dãniyɛll maana sũ-sãang rasem pisi la a yembre.
3
La hal tɩ rasem pisi la yembrã wa pidi, mam ka tol n dɩ rɩ-noogo, la m ka leems neongo, wall m fʋrg reezẽ rãam, la m ka maneg m meng ye.
4
Pipi kiuugã rasem pisi la a naasã daare, mam dag n bee kʋɩl-kãseng ning b sẽn boond tɩ Tɩgrã noore.
5
La mam sẽn zẽk m neng n gese, mam yãnda ned sẽn yer fu-pɛɛlga, n sẽbg a sɛɛg ne sẽbdg sẽn yaa sãnem halaale.
6
Yẽnda yĩngã rag n wẽnda wa kug-neere, t'a nengã pɩnd wa sa-yãgbo, la a ninã yaa wa bug-witim, t'a naoã ne a nusã yaa wa zũud b sẽn duug tɩ pɩnda, la a sã n gomda, a koɛɛgã wẽnda wa neb-kʋʋng n gomde.
7
La neb nins sẽn dag n be ne maamã ka yãnd vẽnegrã ye. Yaa maam a Dãniyɛll bal n yãnd vẽnegrã. La baoosgo, rabeem-kãseng n yõk bãmb tɩ b zoe n tɩ soonde.
8
Dẽ, maam m yembr bal n kell pa n yãnd vẽnegrã. La mam gĩinã maagame, tɩ mam nengã bonge, la mam dag n ka leb n tar pãng baa bilf meng ye.
9
La mam sẽn wʋm nedã koɛɛgã rãamdã, mam sobgame n lʋɩ tɩ m nengã fõgen tẽnga.
10
La gese, ned nug n wa n sɩɩs maam n kɩt tɩ mam yĩgimd m dũmã zugu, tɩ m nusã tik tẽng tɩ m digda.
11
La nedã yeela maam yaa: «Wẽnnaam nin-nongr a Dãniyɛlle, kelg bũmb nins mam sẽn na n togs foomã neere. Yik n yals zĩig ning fo sẽn beẽ wã. Bala, b tʋma maam fo nengẽ.» Nedã sẽn yeel maam woto n sɛ, mam yikame n yas n digda.
12
Nedã yeela maam yaa: «Dãniyɛlle, ra zoe rabeem ye. Bala, sẽn sɩng ne pipi daarã fo sẽn yãk yam n sik f meng fo Wẽnnaamã taoor n dat n bãng yɛlã võorã, b wʋma fo kosgã. La yaa bõn-kãng yĩng la mam sẽn wa wã.
13
Ad yaa sɩɩg ning sẽn yaa Pɛrs-rãmbã soolem gũudã n tek n gɩdg maam dasem pisi la a yembre. La a Mikayɛll sẽn yaa gũudbã nanamb-bɛdã ned a yembrã wa n zab n sõnga maam. Dẽ wã, yaa Pɛrs-rãmbã rĩm-dãmb nengẽ la mam dag n tek n beẽ.
14
Moasã, mam waame n na n wilg foom bũmb ning sẽn na n wa n paam fo nebã yaoolem wakatã. Bala, vẽnegr a yembr n ket wakat-kãng wɛɛngẽ.»
15
La yẽnda sẽn wa n ket n gomd ne maamã, mam sulga m neng tẽnga, n da ka n tõe n gom ye.
16
La gese, mam yãnda bũmb sẽn wẽnd ninsaala, la a sɩɩsa mam no-bɩmsã. La mam yaaga m noor n sɩng goamã. Mam yeela ned ning sẽn yas-a mam taoorã yaa: «M soaala, vẽnegrã kɩtame tɩ mam yamã bondge, la mam ka leb n tar pãng baa bilf ye.
17
M soaala, mam sẽn yaa yãmb tʋmtʋmdã na n yɩ a wãn n tõog n gom ne yãmba? Bala moasã wã, mam ka leb n tar pãng baa bilfu, la mam vʋʋsem yõkdame.
18
La sẽn wẽnd-a ninsaalbã leb n sɩɩsa maam, n leb n kõ maam pãnga.
19
Yẽnda yeela maam yaa: ‹Wẽnnaam nin-nongre, ra zoe rabeem ye. Gãneg f yam! Keng f meng n paam daoodo!› La yẽnda sẽn dag n gomd ne maamã wakate, mam leb n paama pãng n tõog n gom n yeele: M soaala, bɩ y gome! Bala, yãmb leb n kõ-m-la pãnga.»
20
Nedã soka maam yaa: «Fo mii bũmb ning sẽn wa ne maam fo nengẽ wã bɩ? Mam waame n na n togs foom bũmb ning sẽn gʋls sɩdã sebr pʋgẽ wã. La moasã, mam na n lebg n tɩ zaba ne sɩɩg ning sẽn yaa Pɛrs-rãmbã soolem gũudã, la Gɛrs-rãmbã soolem gũudã na n waame. La sã n ka yãmb gũud a Mikayɛll a yembr bala, ned baa a yembr ka na n sõng maam n zab ne-b ye.»
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 11 →
All chapters:
1
2
3
4
5
6
7
8
9
10
11
12