bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Revelation 11
Revelation 11
Mossi MPBU (WẼNNAAM SEBRE 2014)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 12 →
1
B kõo maam tãnwĩig sẽn wẽnd wa dasaar n yeel maam yaa: Yik n mak Wẽnnaam doogã ne tẽn-kugrã, la neb nins sẽn be beenẽ n pʋʋsdẽ wã.
2
La f bas Wẽnnaam doogã samandã kɛɛng n da mak-a ye, tɩ bala, b kõ-a-la bu-zẽmsã, la bãmb na n taba tẽn-sõngã kiis pis-naas la a yiibu.
3
Mam na n kõo m kaset dãmb a yiibã pĩnd-n-bãngr goam kũuni, tɩ b yeelg bot n togs bãngr goamã rasem tusr la kobs-yi la pis-yopoe.
4
Yaa bãmb la Oliiv tɩɩs a yiibã, la fɩtl-dogends a yiibã sẽn yas tẽngã Zu-soabã taoorã.
5
Ned sã n dat n nams-ba, bugum n yit bãmb noorẽ wã n dɩt b bɛɛbã. N-yẽe, ned sã n dat n nams-ba, yaa tɩlɛ tɩ kũum a woto kʋ-a.
6
Bãmb tara pãn-tõog tɩ pag yĩngri, tɩ saag ka ni dasem nins bãmb sẽn togsd pĩnd‑bãngr goamã wakate, la b tar pãn-tõog n tõe n tek koomã tɩ lebg zɩɩm, la b kɩt tɩ tood buud fãa paam nebã tẽng zugu, wakat ning fãa b sẽn date.
7
Bãmb sã n wa kɩs b kasetã n sɛ, rũng ning sẽn yit bog-zulungẽ wã na n yika zabr ne bãmba, n tõog-ba, n kʋ-ba.
8
La b kũumã na n paa tẽn-kãseng ning b sẽn boond sɩɩg wɛɛngẽ tɩ Sodom la Ezɩptã pʋgẽ, vɩʋʋgẽ, zĩig ning meng b sẽn dag n ka bãmb Zu-soabã da-pɩk zugã.
9
Tẽms toay-toay nebã, la buud toay-toay nebã, la neb sẽn gomd goam buud toor-toore, la soolem toay-toay neb na n yãnda bãmb kũumã rasem a tãab la pʋɩ-sʋka, la b kõn sak tɩ b rɩk-b n tɩ mum ye.
10
Dũni nebã na n maana sũ-noog ne bũmb ning sẽn paam kaset dãmb a yiibã, la b na n kɩdmame. Bãmb na n tʋma kũun n kõ taaba. Bala Wẽnnaam no-rɛɛsdb a yiib kãens da namsa nebã sẽn be tẽngã zugã.
11
La rasem a tãab la pʋɩ-sʋkã zugẽ, vɩɩm sɩɩg sẽn yi Wẽnnaam nengẽ kẽe bãmb pʋsẽ la b yikame n yals b nao zutu. Rabeem kãseng yõka neb nins sẽn yãt bãmbã.
12
No-rɛɛsdb a yiibã wʋma koɛɛg sẽn yi arzãn n yeel-b yaa: Wa-y yĩngr ka! Bãmb kẽe sawadgẽ n zẽk n kẽng arzãna, la b bɛɛbã yãnda bãmba.
13
Wakat-kãng bala, tẽn-digimdg sẽn yaa kãseng zĩndame, la tẽngã pʋɩɩr a yembr piig sʋk sirgame. Tẽn-digimdg‑kãng kʋʋ neb tus a yopoe, la rabeem yõka neb a taabã, la b kõo saasẽ Wẽnnaamã waoogre.
14
Toog a yiib soabã loogame. Ad keta bilf tɩ toog a tãab soabã wa.
15
Malɛɛk a yopoe soabã peeba baorgo. La koe-kãsems zĩnda arzãn n yeel yaa: Dũniyã soolem lebga tõnd Zu-soabã ne bãmb Kirisã n so. Bãmb na n dɩɩ naam zamaan woo zamaana!
16
Kãsem-dãmb pisi la a naasã sẽn dag n zao b gɛyã zut Wẽnnaam taoorã wõgemdame n fõgen b nens tẽng n waoog Wẽnnaam n yeele:
17
Zu-soab a Wẽnnaam Sẽn‑Tõe‑Fãa, sẽn be, la sẽn dag n be wã, tõnd pʋʋsd-y‑la barka, yãmb sẽn deeg y pãn-kãsengã la y sẽn zĩndg y naamã yĩnga.
18
Soolem toay-toayã rãmb ra yika b sũyã, la yãmb sũ-puugrã waame, la wakat taame tɩ y na n kao neb nins sẽn ki wã bʋʋdo, la y keo y no-rɛɛsdbã sẽn yaa yãmb tʋmtʋmdbã ne y nin-tũusdsã la neb nins sẽn zoet yãmb yʋʋrã, nin-tals la nin-kãsemse, la y sãam neb nins sẽn sãamd tẽngã.
19
B paka Wẽnnaam doogã sẽn be arzãnã, la b yãnda Wẽnnaam kãabg koglgã b roogã pʋga. Sa-yãgbo, la koeese, la sa-kelemse, la tẽn-digimdg ne sapɩlem wʋsg zĩndame.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22