bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mewari
/
mewari
/
Galatians 1
Galatians 1
mewari
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 2 →
1
यो कागद पोलुस का आड़ीऊँ जिंने थरप्यो तको चेलो वेबा का वाते चुण्यो ग्यो, वो ने तो मनकाँ का आड़ीऊँ अन ने मनकाऊँ चुण्यो ग्यो, वो तो ईसू मसी अन परम बापू परमेसर की ओरुँ चुण्यो ग्यो, जणा ईसू मसी ने मरिया तकाऊँ जीवता किदा हा।
2
अन मारा अन हाराई भायाँ का आड़ीऊँ जीं मारे लारे हे, यो कागद गलातिया की मण्डली का नाम हे।
3
आपणाँ परम बापू परमेसर अन परबू ईसू मसी का आड़ीऊँ थाँने ने दया अन सान्ती मले।
4
ईसू मसी आपणाँ पापाँ का वाते खुद ने बली वेबा का वाते हूँप दिदो, काँके बापू परमेसर की मरजी ही के, आपाँने अणी दनियाँ का पापाऊँ छेटी राके।
5
परमेसर की मेमा जुग-जुग वेती रेवे। आमीन!
6
मने अचम्बो वेरियो हे के, परमेसर जणा थाँने मसी की दयाऊँ बलाया हे, थाँ अतरा जट वणाऊँ फरन कणी दूजाँ हव हमच्यार ने मानरिया हो।
7
हाँचई कुई दूज्यो हव हमच्यार कोयने हे, पण बात आ हे अस्या थोड़ाक मनक हे, ज्यो थाँने भेंम में नाके हे अन ईसू मसी का हव हमच्यार ने बगाड़णो छारिया हे।
8
पण पलई माकाँ मूँ वे कन पलई कुई हरग-दुत, यद्याँ थाँ माँ ज्यो हव हमच्यार हुणायो हे वींने छोड़न दूजो हमच्यार हुणावे हे तो वो दण्ड को जोगो वेई।
9
जस्यान मूँ पेल्याँई थाँने चेता चुक्या हूँ, वस्यानीस मूँ अबे पाछो केवूँ के, यद्याँ कुई थाँने माँ ज्यो हव हमच्यार हुणाया हे वींने छोड़न दूजो हमच्यार हुणावे हे तो वो दण्ड को जोगो वेई।
10
कई अणीऊँ थाँने अस्यान लागे हे के, मूँ मनकाँ ने मानूँ हूँ कन यो के मूँ परमेसर ने मानूँ हूँ? कई मूँ मनकाँ खुस करणो छावूँ हूँ? यद्याँ मूँ अबाणू तई मनकाँ ने खुस करबा को काम करतो रेतो, तो मूँ मसी को दास ने वाजतो।
11
हो भायाँ, मूँ थाँने बताणो छारियो हूँ, ज्यो हव हमच्यार में थाँने हुणायो हे, वो मनकाँ का आड़ीऊँ कोयने।
12
काँके वो मने मनकाँ की ओरुँ ने मल्यो अन ने मने हिकायो ग्यो, पण ओ हव हमच्यार मने परबू ईसू मसी की पुवितर आत्माऊँ मल्यो हे।
13
यहूदी समाज में ज्यो पेल्या मारो वेवार हो, थाँ वींका बारा में पेल्याँई हुण चुक्या हो के, मूँ परमेसर की मण्डळ्याँ ने हतातो अन नास करबा की कोसीस करतो हो।
14
अन आपणाँ यहूदी जाती भायाँऊँ ज्यो मारा जस्या हाँ वाँकाऊँ मूँ आगे हो, काँके मूँ आपणाँ बड़ाबा का रिति-रिवाज ने घणा मानतो हो।
15
पण परमेसर जणा मने मारी माँ का पेट मूँईस मने चुण्यो अन आपणाँ मेमा में मने बला लिदो,
16
जद्याँ परमेसर की मरजी वीं के, मारा में वींका पूत ने परगट करे अन मूँ ज्यो यहूदी ने हे वणामें वींको हव हमच्यार हूँणऊँ तो वणी दाण में ईं बात पे कणी मनकऊँ सला ने लिदी।
17
अन ने मूँ यरूसलेम नगर में वाँका नके ग्यो, ज्यो माराऊँ भी पेल्याँ परमेसर का थरप्या तका चेला हा, पण मूँ तरत अरब परदेस परोग्यो अन पछे मूँ पाछो दमिसक नगर में आग्यो।
18
पछे तीन वर केड़े मूँ केफाऊँ मलवा का वाते यरूसलेम नगर ग्यो अन वटे मूँ पन्दरा दनाँ तईं रियो।
19
पण मूँ परबू का भई याकूब ने छोड़न कणी दूजाँ थरप्या तका चेलाऊँ ने मल्यो।
20
अन जीं बाताँ मूँ थाँने लिकरियो, देको, वीं परमेसर का होगन खान केवूँ हूँ के, ईं बाताँ जूटी कोयने।
21
ईंका केड़े मूँ यरूसलेमऊँ पछे सिरिया अन किलिकिया का परदेस में आयो।
22
वटे यहूदियाँ परदेस में मसी की मण्डली में जीं विस्वासी हा, वाँकाणी मने कदी ने देक्यो हो।
23
पण वीं मारा बारा में हुण्या करता हाँ के, ज्यो पेल्याँ आपाँने हतातो हो, वो अबे मसी को हव हमच्यार हुणावे हे जिंने पेल्याँ वो नास करणो छारियो हो।
24
वी मण्डली का मनक मारा बारा में जाणन परमेसर की मेमा करता हा।
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 2 →
All chapters:
1
2
3
4
5
6