bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mewari
/
mewari
/
Galatians 4
Galatians 4
mewari
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 5 →
1
मूँ ओ केवूँ के, मालिक जद्याँ तईं बाळक हे, तो पलई वो हारी चिजाँ को मालिक हे, पछे भी बाळक अन दास में कई ऊँच-नीच ने हे।
2
पण वो आपणाँ बापू का ठेराया तका टेम तईं आपणाँ घरवाळा अन वींका देक-रेक करबावाळा का केबा में रेवे हे।
3
वस्यानीस आपाँ भी जदी बाळक हा, तो दनियाँ का नेमाँ का केबा में रेता हा।
4
पण जदी ते किदो टेम पूरो वेग्यो, तो परमेसर आपणाँ छोरा ने आपणाँ नके खन्दायो, ज्यो एक कूँवारी लुगईऊँ जनम्यो अन मूसा का नेमाँ का केबा में रियो।
5
ताँके जीं मूसा का नेमाँ का क्या में हे वाँने मोल लेन नेमाऊँ छुड़ावे, जणीऊँ आपाँ परमेसर का गोद लिदा तका छोरा-छोरी वेबा को हक मले।
6
अन थाँ ज्यो परमेसर का बेटा-बेटी हो, ईं वाते परमेसर ने आपणाँ पूत की आत्माने थाँका हरदा में खन्दई, वाईस आत्मा “हो बापू, हो पीता” केन परमेसर ने हेलो पाड़े हे।
7
ईं वाते अबे थाँ किकाँई दास कोयने, पण परमेसर का बेटा-बेटी हो अन जद्याँ थाँ वींका बेटा-बेटी हो तो, वींकी बापोती में भी भेळा हो।
8
पेल्याँ जद्याँ थाँ परमेसर ने कोयने जाणता हा, तद्याँ वाँका दास हाँ, जीं हाँची में परमेसर ने हे।
9
पण अबे तो थाँ परमेसर ने जाणग्या हो अन परमेसर थाँने ओळक लिदा हे, तो थाँ दनियाँ की कमजोर अन हूंगळी बाताँ का आड़ी पाच्छा काँ जावो हो? अन थाँ पाच्छा काँ वींका दास बणणा छारिया हो?
10
थाँ कस्या खास दनाँ, मिना अन खास घड़ी अन वरा ने मानबा लागग्या हो।
11
मने थाँका बारा में दरपणी लागे हे के, कटे अस्यान ने वे जावे के, जीं काम मूँ थाँका वाते कररियो हूँ, वीं कटे वल ने जावे।
12
हो भायाँ, मूँ थाँकाऊँ हाता-जोड़ी करूँ हूँ के, थाँ हाराई मारा जस्यान वी जावो, काँके मूँ थाँका जस्यान वेग्यो हूँ, मूँ यो ईं वाते ने केरियो हूँ के, थाँ मारा विरोद में कुई बुरो काम किदो हे।
13
पण थाँ जाणो हो के, में आपणी देह की कमज्योरी का मस थाँने पेली दाण हव हमच्यार हुणायो हो।
14
मारे देह की कमज्योरी का मस मूँ थाँका पे बोज बण्यो तो भी थाँ मारो अपमान ने किदो अन ने मारा पे रिस्याँ बळ्या, पण मने परमेसर को हरग-दुत हमज मारी आवभगत किदी के, जस्यान मूँईस ईसू मसी हूँ।
15
वीं टेम थाँ आपणाँ खुद ने धन्न हमजता हा, पण थाँकी वणी खुसी के अबे कई वेग्यो? मूँ खुद थाँके अणी बात को गवा हूँ के, यद्याँ मूँ थाँकाऊँ केतो तो, थाँ आपणी आक्याँ काड़ीन मने दी देता।
16
तो कई मारे हाँच बोलवाऊँ मूँ थाँको दसमण बणग्यो हूँ?
17
थाँने मूसा का नेमा पे चालबावाळा दोस्त बणाणा छारिया हा, पण वाँका मन में खोट हे, वीं थाँने माराऊँ अलग करणा छारिया हे, ताँके थाँ वाँका दोस्त बण सको।
18
यो हव हे के, हरेक टेम दोस्त बणाया जावे, पण यो भलई का काम का वाते वेणो छावे, यो खाली वणीस दाण ने वेवे, जद्याँ मूँ थाँको वेवूँ।
19
हो लाड़ला बाळकाँ, जद्याँ तई थाँ मसी का रूप में ने बण जावो, वीं टेम तईं मूँ छोरा-छोरी जणवा की टेम वेबावाळी तकलिप का जस्यान दुक सेण करतो रेऊँ हूँ।
20
मारी मरजी तो आ हे के, अबे मूँ थाँका नके आन अलगीस तरियाऊँ बोलूँ, काँके मूँ थाँका बारा में भेंम में हूँ।
21
मूसा का नेमाँ का क्या में रेवणा छारिया हे वाँकाऊँ मूँ पूँछणो छारियो हूँ के, कई थाँ नेमाँ की बाताँ ने हूणी हे?
22
वाँमें ओ लिक्यो तको हे के, अबराम के दो बेटा व्या, एक तो दासीऊँ अन दूज्यो वींकी घरकीऊँ ज्याँ गुलामी में ने ही।
23
पण ज्यो दासीऊँ पेदा व्यो, वो देह का रिति-रिवाजऊँ व्यो अन ज्यो वींकी घरकीऊँ व्यो, वो परमेसर का अबरामऊँ किदा तका वादा को फळ हो।
24
अणा बाताँ को मतलब यो हे के, ईं दुई लुगायाँ ते किदी तकी दो बाताँ ने बतावे हे, एक लुगई हाजिरा हे ज्या ईं बात ने बतावे हे जिंने नरई पेल्याँ परमेसर सीने मंगरा पे दिदी ही। हाजिरा एक दासी ही अन वींका बाळक गुलामी में पेदा व्या।
25
ईं वाते हाजिरा सीने मंगरा ने बतावे हे ज्यो अरब परदेस में हे अन ज्यो यरूसलेम नगर ने बतावे हे। काँके वाँ अन वींका छोरा-छोरी गुलामी में हे।
26
पण दूजी लुगई आपीं विस्वास्याँ की माँ हे, ज्याँ परमेसर का खास नगर ने बतावे हे, ज्यो हरग को यरूसलेम हे अन वो गुलामी में ने हे।
27
काँके सास्तर में लिक्यो हे के “हे बना छोरा-छोरी वाळी लुगई थूँ राजी वे अन खुसी मना काँके थने जापा को दुक ने जेलणो पड़्यो हे। काँके पनी तकी लुगायाऊँ भी छोड़ी तकी लुगई के छोरा-छोरी हेला हे।”
28
ओ भायाँ, ईं वाते आपाँ भी अबराम का बेटा इसाक के जस्यान वादा का छोरा-छोरी हा।
29
पण वीं टेम में देहऊँ जनम्यो तको पुवितर आत्मा का वादाऊँ जनम्याँ तका ने हतातो हो, वस्यानीस अबाणू भी वेवे हे।
30
पण पुवितर सास्तर में लिक्यो तको हे के, “दासी अन वींका छोरा-छोरी ने बारणे काड़ दो, काँके दासी को बेटो, पनी तकी लुगई का बेटा का हाते हकदार ने वेई।”
31
ईं वाते ओ भायाँ, आपाँ भी दासी का ने पण पनी तकी लुगई का छोरा-छोरी हा। ज्याँ गुलामी में ने हे।
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 5 →
All chapters:
1
2
3
4
5
6