bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mewari
/
mewari
/
James 2
James 2
mewari
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 3 →
1
हो मारा भायाँ, थाँ मेमामय परबू ईसू मसी पे विस्वास राकबावाळा हो, ईं वाते थाँका बचमें भेद-भाव ने वेणो छावे।
2
थाँ अस्यान मती करज्यो के, यद्याँ थाँकी मण्डली में कुई मनक होना की वीटी अन मेंगा गाबा पेरन आवे अन कुई मनक फाटा गाबा में अन गरीब दसा में आवे,
3
तद्याँ थाँ वीं मनक ने ज्यो होना की वीटी पेरन आयो हो वींने तो हव जगाँ बेवाड़ो अन वीं गरीबऊँ केवो, थूँ अटेईस ऊबो रे कन मारा पगा का नके बेट जा।
4
तो अस्यान करन थाँ भेद-भाव ने करो कई, अन बुरी मनसाऊँ वेवार ने करो कई?
5
हो लाड़ला भायाँ, ध्यानऊँ हुणो। कई परमेसर वाँने ने चुण्या ज्यो ईं दनियाँ की देकणी में गरीब हे, जणीऊँ वीं विस्वास का धनी वेजावे अन वीं वणी राज का हकदार बणे, जिंने परमेसर आपणाँऊँ परेम करबावाळा ने देबा को वादो किदो हे।
6
पण थाँ तो वणी गरीब मनक को अपमान किदो हो। कई धनी मनक वीं ने हे? जीं थाँका पे जोर जुलम करे अन थाँने थाणा में गड़ीन ने ले जावे?
7
अन कई वीं मसी का उतम नाम की बुरई ने करे? ज्यो थाँने दिदो ग्यो हे।
8
सास्तर में लिक्यो हे के, “थाँ थाँका पड़ोसीऊँ थाँका जस्यानीस परेम करज्यो।” ओ हाराई हुकमाऊँ दरबारी हुकम हे। अन जद्याँ थाँ ईंने मानो हो, तो थाँ यो हव करो हो।
9
पण यद्याँ थाँ भेद-भाव करो हो, तो थाँ पाप करो हो। अणीऊँ नेम थाँने मूसा का नेमा ने तोड़बावाळा गुनेगार ठेरावे हे।
10
काँके जद्याँ कुई हाराई नेमा ने माने हे, पण वो एक बात में भुल करे हे, तो वो हाराई नेमाने ने तोड़बावाळो गुनेगार बण जावे हे।
11
काँके जणी यो क्यो हे के, कुकरम मती करज्यो। वणीइस ओ भी क्यो हे के, हत्या मती करज्यो। ईं वाते यद्याँ थाँ कुकरम तो ने करो, पण हत्या करो हो, तो अस्यान करन थाँ नेमाने तोड़बावाळा बणो हो।
12
थाँ वणा मनकाँ का जस्यान बोलो अन काम करो, ज्याको न्याव आजाद करबावाळा परमेसर का नेमा का जस्यान वेई।
13
अन ज्यो दया ने करे, वींको न्याव भी बना दयाऊँ वेई हे। पण दया पाप का दण्डऊँ बचावे हे।
14
हो मारा भायाँ, जद्याँ कुई केवे के, मने विस्वास हे, पण वो वींके जस्यान करम ने करे, तो वींने कई नफो? कई अस्यान का विस्वासऊँ वींको छुटकारो वे सकी?
15
अन मानो कुई विस्वासी भई-बेन भूका तरिया अन उगाड़ा वे।
16
अन थाँकामूँ कुई वींने केवे के, राजी खुसीऊँ रे अन धाप्यो तको अन ऊनो रे, पण वींकी देह के जरूत की चिजाँ वींने ने देवे, तो कई फायदो?
17
अस्यानीस विस्वास का हाते करम ने हे तो विस्वास अपणेआप में मरियो तको हे।
18
पण कुई के सके के, “थाँरा नके विस्वास हे अन मारा नके करम हे।” अबे थूँ मने थाँरो विस्वास बना करम के बता अन मूँ थने मारो विस्वास मारा करम का जरिये बताऊँ।
19
अन थूँ विस्वास करे हे के, एकीस परमेसर हे, तो ओ हव हे। पण ओ विस्वास तो हुगली आत्मा भी करे, अन वींके आगे धूजे हे।
20
अरे ए मुरक, थूँ ओ जाणणो छावे के करम बना विस्वास बेकार हे?
21
जद्याँ आपणो बापू अबराम आपणाँ बेटा इसाक ने, जद्याँ वेदी पे चड़ायो तो कई वो आपणाँ करमा ऊँइस धरमी कोयने बण्यो हो?
22
थूँ जाणे हे के, वींको विस्वास वींका करमाऊँ मलन काम किदो अन करम ऊइस वींको विस्वास पाको व्यो हो।
23
अन ईं तरियाँ सास्तर में लिक्यो तको बचन पूरो व्यो के, “अबराम परमेसर पे विस्वास किदो, जणीऊँ वो धरमी मान्यो ग्यो,” अन परमेसर को दोस्त केवायो ग्यो।
24
तो थाँ देक लो के, मनक खाली विस्वासईस कोयने, पण करमाऊँ भी धरमी बणे हे।
25
अस्यानीस राहब वेस्या भी आपणाँ करमा ऊइस धरमी बणी, काँके वणी आपणाँ घर में इजराएली भेद्याँ ने सरण दिदी अन वणी वाँने बंचाबा का वाते दूजाँ गेलाऊँ खन्दा दिदा।
26
अन जस्यान देह आत्मा के बना मरी तकी हे, वस्यानीस विस्वास भी करमा के बना मरियो तको हे।
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 3 →
All chapters:
1
2
3
4
5