bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
2 Corinthians 1
2 Corinthians 1
Marwari Bible
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 2 →
1
आ चिठ्ठी म्हैं पौलुस री तरफ ऊं जिकौ परमेसर री इछा ऊं मसीह यीसु रौ प्रेरित हूं, अर भाई तीमुथियुस री तरफ ऊं परमेसर री उण कलीसिया रै लियै, जिकौ कुरिन्थुस नगर में है, अर अखया रै सगळै परमेसर रै लोगां रै नाम लिख रियौ हूं।
2
म्हौरै पिता परमेसर अर परभु यीसु मसीह री तरफ ऊं थांनै करपा अर सानति मिळती रैवै।
3
म्हौरै परभु यीसु मसीह रै पिता परमेसर रौ धन्यवाद हो, जिकौ दया रौ पिता अर सगळी तरैह री तसली देवणवाळौ परमेसर है।
4
वो म्हौरै सगळै तकलीफो में तसली दैवै है, ताकी म्हौ उण तसली रै खातर जिकौ परमेसर म्हौ नै दैवै है, म्हौ उणौनै भी तसली दे सकौ, चाहे किणी तरैह री तकलीफ में हो।
5
क्यूंकै ज्यूं मसीह रै घणौ दुखौ में म्हौ सहभागी होया हो, व्यौंही म्हौ घणा तसली में भी मसीह रै द्वारा सहभागी होया हो।
6
जे म्हौ तकलीफ पाओ हो, तो ओ थौरी तसली अर उद्धार रै लियै है अर जे तसली पाओ हो, तो ओ थौरी तसली रै लियै है। जिणनै थै हीमत रै साथै तकलीफो नै सह लेवो हो, जिणनै म्हौ भी सह रिया हो।
7
म्हौरी आसा थौरे बारै में पकी है, क्यूंकै म्हौ जांणौ हो, की थै ज्यौ म्हौरै दुखौ में, व्यौंही तसली में भी सहभागी हो।
8
हे विसवासियो, म्हौ नीं चावौ की थै म्हौरै उण तकलीफ ऊं अजांण रैवौ, जिकौ आसिया परदेस में म्हौरै माथै पड़ी, म्हौ ऐड़ी तकलीफो में पड़ गिया हा, जिकौ म्हौरी ताकत ऊं बाहर हो, एठै तांई की म्हौ जीवन री आस तांई छोड़ दी ही।
9
साचांणी, म्हौ म्हौरै मन में मांन लियौ हो, की म्हौरै माथै मौत री सजा री आग्या हो चुकी है, ताकी म्हौ म्हौरौ भरोसौ नीं राखौ, बल्कि परमेसर रौ जिकौ मरयोड़ौ में ऊं जिलावै है।
10
उणीज म्हौ नै मौत रै ऐड़ै मोटे संकट ऊं बचाया, अर बचावैला। अर उण माथै म्हौरी आ आसा है की वो आगै भी बचातौ रैवैला।
11
अर थै भी मिळनै पराथना रै जरियै म्हौरी मदद करौ हो, की जिकौ वरदान घणै लोगां रै जरियै म्हौ नै मिळियौ, उणरै कारण घणा लोग म्हौरी तरफ ऊं परमेसर नै धन्यवाद करै।
12
क्यूंकै म्हौ अपणै अंते री इण गवाई माथै घंमड करौ हो, की जगत में अर खास करनै थौरे बीच म्हांरौ व्यवहार परमेसर रै लायक ऐड़ौ पवितर अर सचाई रै साथै हो, जिकौ सारीरिक ग्यांन ऊं कोनीं, पण परमेसर री करपा रै साथै हो।
13
म्हौ थांनै और कीं नीं लिखौ, सिरफ वो जिकौ थै पढ़ो अर मांनौ भी हो। अर म्हनै आसा है की ज्यौ अबै थै म्हौ नै पूरी तरैह ऊं समझ नीं सकया,
14
थै म्हौ नै पूरी तरैह ऊं समझ जाओला। ताकी म्हौ थौरे घंमड रौ कारण हो। व्यौंही थै भी परभु यीसु रै आवण रै दिन म्हौरै लियै घंमड रौ कारण ठैरोला।
15
इण भरोसे ऊं म्हैं चावतौ हो की पैला थांरै खनै आऊं, की थांनै एक वळै आसीस मिळै।
16
अर थौरे खनै ऊं होयनै मकिदुनिया जाऊं, अर पाछौ मकिदुनिया ऊं थौरे खनै आऊं अर थै म्हनै यहूदिया री तरफ कईक आगै तांई पूगाओ।
17
इण वास्तै म्हैं जिकौ इछा की ही तो कांई म्हैं फुरती दिखाई? या जिकौ करणौ चावूं हूं कांई सरीर रै अनुसार करणौ चावूं हूं, की म्हैं बात में “हां, हा” भी करूं, अर “ना, ना” भी करूं?
18
परमेसर साचौ गवाई है की म्हौरै उण वचन में जिकौ थौरे ऊं कयौ, “हां” अर “ना” दोनूं कोनीं पाया गिया।
19
क्यूंकै परमेसर रौ बेटौ, यीसु मसीह जिणरौ, म्हौरै द्वारों मतलब म्हारै अर सिलवानुस अर तीमुथियुस रै द्वारों थौरे बीच में परचार होयौ, उणमे “हां” अर “ना” दोनूं कोनीं हा, पण यीसु मसीह में “हां” री “हां” होई।
20
क्यूंकै परमेसर रा जितरा वायदा है, वे सगळा यीसु मसीह में “हां” रै साथै है इण वास्तै उणरै जरियै “आमीन” म्हौ कैवौ हो, की म्हौरै जरियै परमेसर री महिमा हो।
21
वोहीज परमेसर है जिकौ म्हौ नै थौरे साथै मसीह में मजबुत करै है, अर जिणै म्हौ नै अभिसेक किया।
22
वोहीज परमेसर म्हौ ऊपर आपरी मोहर लगाई, अर जमानत रै रूप में म्हौरै काळजै नै पवितर आतमा दीनी है।
23
म्हैं परमेसर नै गवाई करनै कहूं की, दुबारो कुरिन्थुस में इण वास्तै नीं आयौ, की म्हैं थांनै तकलीफ दैणौ नीं चावतौ हो।
24
ओ कोनीं, की म्हौ विसवास रै बारै में थारै ऊपर मालिक हो। पण थौरे आंणंद में सहायक हो क्यूंकै थै विसवास में पका रैवौ हो।
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 2 →
All chapters:
1
2
3
4
5
6
7
8
9
10
11
12
13