2 Thessalonians 2

Marwari Bible

← Chapter 1 Jump to: Chapter 3 →

1हे भाइयो, अबै म्हौ अपणै परभु यीसु मसीह रै पाछौ आवण, अर उणरै खनै अपणै भेळा होणै रै बारै में थांरै ऊं विनती करौ हो,

2की किणी आतमा, या वचन, या चिठ्ठी रै दवारा, जिकौ की मांनौ म्हौरी तरफ ऊं हो, ओ समझनै की परभु रौ दिन आ पूगो है, थौरो मन अणचेत विचार में नीं पड़ै, अर नीं थै घबराओ।

3किणी रीत ऊं किणी रै धोखे में नीं आवणौ, क्यूंकै वो दिन जद आवैला तद तांई धरम रौ त्याग होवैला, अर वो पाप रौ मिनख जिकौ नास होणौ है, वो भी परगट होवैला।

4वो विरोध करै है, अर हरैक ऊं जिकौ ईस्वर या पूज्य कहीजै है, अपणै आप नै मोटो ठैरावै है, एठै तांई की वो परमेसर रै मिंदर मांय बैठनै अपणै आप नै ईस्वर ठैरावै है।

5कांई थांनै याद कोनीं की जद म्हैं थौरे उठै हो, तो थौरे ऊं ऐ बातां किया करतौ हो?

6थै उणनै जांणौ हो, जिकौ उण अधरमी मिनख नै रोक रियौ है की वो अपणै वगत में परगट हो।

7क्यूंकै अधरम रौ भेद अबार भी कांम करतौ रैवै है, पण अबार एक रोकणेवाळौ है, अर जैड़ी तांई वो आगौ नीं हो जावै वो रोकयो रैवैला।

8तद वो अधरमी मिनख परगट होवैला, जिणनै परभु यीसु आपरै मूंडै री फूंक ऊं मार नोखेला, अर आपरै आगमन तेज ऊं भसम करैला।

9उण अधरमी रौ आवणौ सैतान रै कांम रै मुजब सगळी तरैह री झूठी सामरथ, अर चिन्ह, अर झूठै चमतकार रै कांमां साथै,

10अर नास होणैवाळौ रै खातर अधरम रै सैंग तरैह रै धोखे रै साथै होवैला। क्यूंकै उणौ सत्य ऊं परैम कोनीं कियो जिण ऊं उणौरौ उद्धार होवतो।

11इण कारण परमेसर उणमे एक भटकावण वाळी सामरथ नै भेजेला की वो झूठ रौ विसवास करै,

12ताकी जितरा लोग सत्य रौ विसवास नीं करै, बल्कि अधरम ऊं खुस होवै है, वे सगळा डंड पावै।

13हे भाइयो, अर परभु रै प्यारै लोगां, चाहीजै की म्हौ थौरे बारै में हमेसां परमेसर रौ धन्यवाद करता रैवौ, क्यूंकै परमेसर नै सरूआत ऊं थांनै चुण लिया हा की आतमा रै दवारा पवितर होयनै, अर सत्य रौ विसवास करनै उद्धार पाओ।

14इण खातर उणै थांनै म्हौरै सुभ संदेस रै दवारा बुलाया, की थै म्हौरै परभु यीसु मसीह री महिमा नै ग्रहण करौ।

15इण वास्तै हे भाइयो, मजबुत रौ। अर जे जे बातां थै वचन या चिठ्ठी ऊं म्हौरै ऊं सीखी है, उणनै थामे रौ।

16अपांरौ परभु यीसु मसीह आप ही, अर अपांरौ पिता परमेसर, जिणै अपां ऊं परैम राख्यौ अर अनुग्रह ऊं अनत सानति अर उतम आसा दीनी है,

17थौरे मनो में सानति दे अर थांनै हरैक चौखै कांम अर वचन में मजबुत करै।

← Chapter 1 Jump to: Chapter 3 →