2 Thessalonians 3

Marwari Bible

← Chapter 2 Jump to:

1आखरी में, हे भाइयो, म्हौरै वास्तै पराथना किया करौ की परभु रौ वचन ऐड़ौ तगड़ौ फैले अर महिमा पावै, ज्यौ थौरे मांय होयौ।

2अर पराथना करौ की अपां टेडे अर दुस्ट मिनखौ ऊं बचया रौ, क्यूंकै हरैक में विसवास कोनीं।

3पण परभु साचौ है। वो थांनै मजबुत बणाय राखैला अर सैतान ऊं बचायनै राखैला।

4म्हौ नै परभु में थौरे ऊपर भरोसौ है की जे आग्या म्हौ थांनै देवो हो, उणनै थै जांणौ हो, अर मानता भी रैवौला।

5परमेसर रै परैम अर मसीह रै धीरज री अर परभु थौरे मन री अगुवाई करै।

6हे भाइयो, म्हौ थांनै अपणै परभु यीसु मसीह रै नाम ऊं आग्या देवो हो की थै हरैक ऐड़ै भाई ऊं आगा रौ जिकौ आळसी है अर जिकौ सिकसा उणै अपां ऊं पाई उणरै अनुसार नीं करै।

7क्यूंकै थै आप जांणौ हो की कीण रीत ऊं म्हौरी चाल चालनी चाहीजै, क्यूंकै म्हौ थौरे बीच में रैवता होया आळसी नीं हा,

8अर किणी री रोटी फोगट में नीं खाई। पण मेनत अर दुख ऊं रात दिन कांम धंधौ करता हा की थांरै में ऊं किणी माथै भार नीं बणौ।

9ओ नीं की म्हौ नै अधिकार कोनीं, पण इण वास्तै की अपणै आप नै थौरे वास्तै नमूनो ठैराओ, की थै म्हौरी चाल चालौ।

10क्यूंकै जद म्हौ थौरे उठै हा, तो ई आ आग्या थांनै देता हा की, “जे कोई कांम करणौ नीं चावै तो खाणौ भी नीं मिळैला।”

11म्हौ सुणौ हो की कईक लोग थौरे बीच में आळसी है, अर कांम कोनीं करै पण दूजौ रै कांम में हाथ घाले है।

12ऐड़ौ नै म्हौ परभु यीसु मसीह में आग्या देवो अर समझावौ हो की, चुपचाप अपणौ कांम करनै अपणी ही रोटी खाई करै।

13थै, हे भाइयो, भलाई करणै में हीमत नीं हारो।

14जे कोई म्हौरी इण चिठ्ठी री बात नै नीं मांनै तो उण माथै निजर राखौ, अर उणरी संगति नीं करौ, जिण ऊं वो आपरै आचरण ऊं लजित होवै।

15तौभी उणनै बैरी मती समझौ, पण विसवासी भाई जांणनै चेताणी दे दो।

16अबै परभु जिकौ सानति रौ झरनौ है आप इज थांनै हमेसां अर हरैक तरैह ऊं सानति दैवै। परभु थांरै सगळौ रै साथै रैवै।

17म्हैं, पौलुस, अपणै हाथ ऊं नमस्कार लिखूं हूं। हरैक चिठ्ठी मांय म्हारौ ओहीज चिन्ह है। म्हैं इण तरैह ऊं लिखूं हूं।

18म्हौरै परभु यीसु मसीह रौ अनुग्रह थांरै सगळौ माथै होतो रैवै।

← Chapter 2 Jump to: