bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
2 Timothy 4
2 Timothy 4
Marwari Bible
← Chapter 3
Jump to:
Chapter 1
Chapter 2
Chapter 3
Chapter 4
1
परमेसर अर मसीह यीसु रौ गवाई करनै, जिकौ जीवतौ अर मरयोड़ौ रौ न्याव करैला, अर उणरै परगट होणै अर राज री सुधि दिलायनै म्हैं थनै आदेस देवूं हूं,
2
की थूं वचन रौ परचार कर, वगत अर बिना वगत तैयार रै, सगळी परकार री धीरज अर सिकसा रै साथै तसली दे अर डांट अर समझा।
3
क्यूंकै ऐड़ौ वगत आवैला जद लोग खरा उपदेस नीं सहन सकै, पण वे आपरी भूंडी इछाओ रै अनुसार आपरै खातर घणा ही उपदेसक भेळा कर दैला,
4
अर आपरा कांन सत्य ऊं फेरनै कथा-कहाणियों ऊपर लगावैला।
5
पण थूं सगळी बातां मे सावचेत रै, दुख उठा, सुभ संदेस परचार रौ कांम कर, अर अपणी सेवा नै पूरी कर।
6
म्हैं परभु री सेवा मे खुद नै बलिदान कियो जाय रियौ हूं। म्हारै मरण रौ वगत आ गियौ है।
7
म्हैं चौखी कुसती लड़ चुकयौ हूं, म्हैं म्हारी दौड़ पूरी कर ली है, म्हैं विसवास री रूखाळी किनी है।
8
भविसय में म्हारै खातर धरम रौ वो मुगट राख्योड़ौ है, जिणनै परभु, जिकौ धरमी अर न्यावी है, म्हनै उण दिन दैला, अर म्हनै इज कोनीं बल्कि उण सगळौ नै भी जिकौ उणरै परगट होणै नै चौखौ जांणै है।
9
म्हारै खनै जल्दी आवण री कोसीस कर।
10
क्यूंकै देमास नै इण संसार रै परैम मे पड़नै म्हनै छोड़ दियौ है अर थिस्सलुनीके तरफ जातौ रियौ। क्रेसकेंस गलातिया नै अर तीतुस दलमतिया री तरफ जातौ रियौ।
11
कैवल लूका म्हारै साथै है। अर जद थूं आवैला मरकुस नै लेयनै आईजे। क्यूंकै सेवा रै खातर वो म्हारै घणौ कांम रौ है।
12
तुखिकुस नै म्हैं इफिसुस नगर भेज्यौ है।
13
जो कुड़तौ म्हैं त्रोआस नगर मे करपुस रै उठै छोड़ आयौ हूं, जद थूं आवै तो उणनै अर किताबो खास करनै चरमपत्रो नै लेन आए।
14
सिकन्दर ठठेरे नै म्हारै ऊं घणी बुराइयां की है। परभु उणनै उणरै कांमां रै वाजिब बदळौ दैला।
15
थूं भी उण ऊं सावचेत रै, क्यूंकै उणै म्हौरी बातां रौ घणौ ही विरोध कियो।
16
जद म्हारै पैलै मुकदमे रौ बचाव कचेड़ी मे करणै लागौ तो उण वगत किणी नै म्हारौ साथ कोनीं दियौ, बल्कि सगळौ म्हनै छोड़ दियौ हो। भलौ हो की इणरौ लेखौ दैणौ नीं पड़ै।
17
पण परभु म्हारौ सहायक रियौ अर म्हनै सामरथ दी, ताकी म्हारै दवारा पूरा पूरा परचार होवै अर सगळा गैर यहूदी सुण ले। म्हैं मौत ऊं बचायो ग्यौ हूं।
18
अर परभु म्हनै हरैक भूंडा कांम ऊं छुड़ावैला, अर आपरै सरगिए राज मे सावचेत पूगावैला। उणरी महिमा जुग जुग होती रैवै। आमीन।
19
प्रिस्का अर अक्किला रौ अर उनेसिफुरूस रै घराणै नै नमस्कार।
20
इरास्तुस कुरिन्थुस नगर में रैय गियौ, अर त्रुफिमुस नै म्हैं मिलेतुस नगर में बिमार छोड़यौ है।
21
सरदी ऊं पैला चालनै आवण री कोसीस कर। यूबूलुस, अर पूदेंस, अर लीनुस अर क्लौदिया, अर सगळै विसवासी भाइयो रौ थांनै नमस्कार।
22
परभु थारै साथै रै। अर थां सगळौ माथै परमेसर री करपा होती रैवै।
← Chapter 3
Jump to:
Chapter 1
Chapter 2
Chapter 3
Chapter 4
All chapters:
1
2
3
4