bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
Ephesians 5
Ephesians 5
Marwari Bible
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 6 →
1
थै परमेसर रा लाडला टाबर हो, इण वास्तै परमेसर रा सभाव में चालो।
2
परैम करौ, ज्यूं यीसु मसीह थौरे ऊं कियो, अर अपांरै वास्तै अपणै आप नै बड़िया सुगंध रै वास्तै परमेसर रै आगै भेट करनै बलिदान हो गिया।
3
थै परमेसर रा पवितर लोग हो, इण वास्तै थांरा में व्यभिचार अर किणी तरैह रा भूंडा कांम या लोभ री बातां नीं होणी चाहीजै।
4
थांरा मूंडा ऊं नीं तो बेसरमी, नीं मुरखता अर नीं कोई गळत मजाक री बातां निकळनी चाहीजै। क्यूंकै ऐ बातां थांनै सौभा कोनीं दैवै। इणरी जगा थांरा मूंडा ऊं परमेसर री बड़ाई निकळनी चाहीजै।
5
क्यूंकै थै जांणौ हो के, व्यभिचारी, भूंडा लोग अर लोभी मिनख मूरतियो नै पुजण वाळा रै बराबर है। इण वास्तै मसीह अर परमेसर रा राज में कोई बापोती कोनीं है।
6
कोई थांनै बेकार री बातां ऊं धोखो नीं दैवै। क्यूंकै ऐड़ा कांमां रै कारण परमेसर री रीस, उणौ रौ हुकम नीं मांनण वाळा माथै भड़के।
7
इण वास्तै थै उणौरै कांमां में भेळा मत रौ।
8
क्यूंकै थै पैला तो अंधारै में हा, पर अबै थै मसीह रा साथै गाठ जोड़ रै कारण परभु रा चांदणा में हो। इण वास्तै अबै चांदणा रा टाबरां ज्यूं जीवो,
9
क्यूंकै चांदणौ भलाई, धरम अर हाच रा फळ लावै।
10
ओ परखो के, परभु नै कांई चौखौ लागै?
11
अंधारै रा निकमे कांमां में भेळा मत रौ, पर उणौनै सांमै लाओ।
12
क्यूंकै उणौरै लुकयोड़ा कांमां री बातां करणी भी सरम री बात है।
13
जद सगळी बातां चांदणा में आवै, तो उणरी असलियत सांमै आ जावै।
14
क्यूंकै चांदणौ ही सगळौ परगट करै है। इण कारण ऊं कैवै है के, “हे सुता रैवण वाळा जाग जाओ, मरयोड़ौ में ऊं जी उठो, तो मसीह रौ चांदणौ थारै माथै चमकैला।”
15
इण वास्तै ध्यांन ऊं देखौ के। थै कीकर चालो, गेला ज्यूं नीं, पर हमजदार ज्यूं चालो।
16
हरैक मौका नै अनमोल हमजो, क्यूंकै दिन खराब है।
17
इण कारण ऊं गेला मत रहीजौ, पर जांणलो के, परभु री इछा कांई है।
18
दारूड़िया मत बणौ। क्यूंकै इण ऊं लुचापणो आवै। पर आतमा में बढ़ता जाईजौ।
19
थै भजन, आतमा रा गीत अर परभु रा गीत एक दूजा वास्तै गाता रौ। आपरा हिरदा ऊं परभु रै वास्तै भजन किरतन करता रैवौ। आप आप रा मन में परभु रै सांमै गाता अर किरतन करता रौ।
20
हमेसां सगळी बातां वास्तै अपांरा परभु यीसु मसीह रै नाम ऊं पिता परमेसर नै धन्यवाद देता रैवौ।
21
थै मसीह नै मानो हो, इण वास्तै एक दूजा रौ कैणौ मानो।
22
हे लुगाइयां, आप आप रा धणी रा कैणै में रैवौ, ज्यूं परभु रा कैणै में रैवौ।
23
क्यूंकै बींद, बींदणी रौ माथो है। ज्यूं यीसु मसीह मंडली रा माथा हा अर आप हीज मंडली नै छुटकारो देवण वाळा है।
24
ज्यूं मंडली मसीह रै कैणै में है, लुगाईयां भी आप आप मन ऊं धणी रै कैणै में रैवौ।
25
हे पतियो आप आप री लुगाईयां ऊं परैम राखौ, जिण तरैह ऊं मसीह मंडली रा परैम में अपणै आप नै, मंडली वास्तै दे दिया।
26
ताकी मसीह मंडली नै परमेसर रा वचन अर पांणी ऊं स्नान करायनै सुद्ध और पवितर करै।
27
अर एक ऐड़ी तेज वाळी मंडली बणान आपरै खनै ऊभी करै, जिण में कोई कलंक, कोई हळ, कोई दूजी गळत चीज नीं रैवै। पर वा पवितर अर निरदोस रैवै।
28
मसीह मंडली ऊं परैम राखै, इण वास्तै ओ जरुरी है के, बींद आपरी बींदणी ऊं इणी तरैह ऊं परैम करै ज्यूं वो खुद ऊं परैम राखै है। क्यूंकै लोग लुगाई एक काया ज्यूं है। जिकौ आपरी लुगाई ऊं परैम राखै, वो खुद ऊं परैम राखै है।
29
क्यूंकै कोई भी आपरा सरीर ऊं बैर कोनीं राखै पर उणनै पाळिया करै, ज्यूं मसीह आपरी मंडली साथै करै।
30
इण वास्तै के अपां उणरी काया रा अंग हो।
31
सास्तर में लिखयोड़ो है के, “आदमी आपरा मां बाप नै छोड़ नै आपरी लुगाई रै साथै एक तन रैवैला।”
32
ओ मोटो भेद है। पर में मसीह अर मंडली रै बारै में कहूं हूं।
33
पर म्हैं एक बार वळै कहूं हूं के, थै हरैक आपरी लुगाई ऊं खुद ज्यूं परैम राखौ अर लुगाई भी बींद रै कैणै में चालै।
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 6 →
All chapters:
1
2
3
4
5
6