bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
Ephesians 6
Ephesians 6
Marwari Bible
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
1
हे टाबरौ, थै परभु रा गाठ जोड़ में हो, इण वास्तै थै थौरे मां बाप रा हुकम मांनो, क्यूंकै ओ सही है।
2
“आपरै मां बाप रौ आदर करौ।” ओ पैलौ हुकम है जिणरै साथै वायदो भी जुड़योड़ो है की,
3
“जद थै थौरे मां बाप रौ कैणौ मांनोला, तो थारौ भलौ होवैला अर थांनै धरती माथै लम्बी उमर मिळेला।”
4
हे टाबरौ रा मां बाप, थै भी थौरे टाबरौ नै रीस मत दिलाओ, पर परभु में सीख देता रैवौ अर उणौनै सई गळत रौ फरक हमजावता उणौनै मोटा करौ।
5
हे दासो, जिकौ धरती माथै थांरा मालिक है, उणरौ कैणौ मांन रै साथै अर हाचा मन ऊं मानो। जिण तरैह ऊं थै मसीह रौ हुकम मानो हो।
6
मिनखौ नै दिखावण वास्तै अर राजी करनै वास्तै सेवा मत करौ। पर मसीह रा दास ज्यूं मन ऊं परमेसर री इछा माथै चालो
7
अर सेवा नै लोगां री सेवा जांण नीं, पर परभु री सेवा जांण नै राजी मन ऊं करौ।
8
क्यूंकै थै जांणौ हो के, जिकौ कोई भी जितौ चौखौ कांम करैला, चाहे वो नौकर हो चाहे आजाद, परभु उण नै उतौ ही चौखौ फळ देवेला।
9
हे मालिको थै भी थांरा नौकरो नै धमकावणो छोड़ दो अर उणौरै साथै भी चौखौ वैवार करौ। क्यूंकै थै जांणौ हो थौरे दोनो रौ मालिक सरग में है अर वे कदैई पकसपात नीं करै।
10
कैवणौ ओहीज है के, परभु रा गाठ जोड़ अर परभु री महान सगति में मजबुत बणौ।
11
परमेसर रा सगळा हथियार बान्ध लौ, ताकी थै सैतान री सगळी चालौ नै रोक सकौ।
12
क्यूंकै, अपांरी आ कुसती मिनखां ऊं कोनीं है, पर आकास में राज करणा वाळी सगतियो री दुस्ट सेना ऊं अर इण धरती री अंधेर सगतियो रा परधानो ऊं अर उणौरा राजा ऊं है।
13
इण वास्तै बुरै दिनां मे इणौरौ सांमनौ करनै वास्तै परमेसर रा सगळा हथियार बांध लौ ताकी सगळी लड़ाई पूरी कर नै टिकियोड़ा रै सकौ।
14
इण वास्तै सचाई ऊं कमर बांधनै अर धारमिकता रौ कवच पैहर नै,
15
सुभ संदेस रा परचार वास्तै पगां मे मेळ मिलाप रा पगरखा पैहर नै तैयार हो जाओ
16
अर उण सगळौ रै साथै, विसवास री ढ़ाल लेन मजबुती ऊं ऊभा रैवौ। जिण ऊं थै उण सैतान रा सगळा बळता तीरो नै बुझा सकौ।
17
उद्धार रौ मुगट पैहर लौ, अर परमेसर रै वचन रूपी आतमा री तरवार उठा लौ।
18
हर एक मौका माथै अर सगळी बातां वास्तै आतमा मे ऊं विणती करता रौ अर इणीज तरैह ऊं परमेसर रा पवितर लोगां रै वास्तै हमेसां विणती करनै जागता रौ।
19
म्हारै वास्तै भी विणती करजौ के, म्हनै बोलता वगत ऐड़ौ जोरदार वचन मिळै, जिण ऊं म्हैं हीमत रै साथै सुभ संदेस रौ भेद बता सकूं।
20
जिणरै वास्तै में हांकळौ ऊं बन्धियोड़ो परमेसर रौ राजदूत हूं अर आ भी विणती करजौ के, परभु रै बारै में जैड़ा परमेसर चावै म्हैं उणनै हीमत ऊं बोलूं।
21
बाकी री बातां थांनै तुखिकुस बतावेला, जिकौ परभु में लाडलौ भाई है अर विसवास जोगो सेवक है, इण ऊं थै जांण जावोला के म्हैं कीकर हूं अर कीकर रैवूं हूं।
22
म्हैं तुखिकुस नै इण वास्तै थौरे खनै मेलूं के, थै म्हारी दसा जांण सकौ अर इण ऊं थांरा मन नै हीमत मिळै।
23
पिता परमेसर अर परभु यीसु मसीह री और ऊं सगळै भाइयो नै सानति अर विसवास रै साथै परैम मिळै।
24
जिकौ अपांरै परभु यीसु मसीह में हाचो परैम राखै, उणौ सगळौ माथै दया होती रैवै।
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
All chapters:
1
2
3
4
5
6