bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
James 2
James 2
Marwari Bible
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 3 →
1
हे म्हारै भाइयो, थै महिमा पुरण परभु यीसु मसीह रौ विसवास करणवाळा हो। इण वास्तै थौरे में पकसपात नीं होणौ चाहीजै।
2
क्यूंकै जे एक मिनख सोने रा छल्ला अर बड़िया गाभा पैरयोड़ो थौरी सभा में आवै अर एक गरीब ही मैला कुचला गाभा पैरयोड़ो आवै।
3
अर थै उण बड़िया गाभा वाळै रौ मूंडौ देखनै कैवौ, “थूं उठै बड़िया जगा बैठ,” अर उण गरीब नै कैवौ, “थूं एठै ऊभौ रै,” या “म्हारै पगां खनै बैठ।”
4
तो कांई थै आपस मांय भेद भाव कोनीं करयौ अर खराब विचार ऊं न्याव करण वाळा नीं ठैरया?
5
हे म्हारै प्यारौ भाइयो, सुणौ। कांई परमेसर नै इण जगत रै गरीबो नै कोनीं चुणया की विसवास मांय धनवान, अर उण राज रा अधिकारी होवै, जिणनै वायदो उणनै उण ऊं की है जिकौ उण ऊं परैम राखै है?
6
पण थै उण गरीब री बेजती किनी। कांई अमीर लोग थौरे ऊपर अत्याचार कोनीं करै अर कांई वे ही थांनै कचेड़ीयां में घसीट घसीट नै कोनीं ले जावै?
7
कांई वे उण उतम नाम यीसु मसीह री निंदा कोनीं करै जिणरा थै कहीजौ हो?
8
तौभी जे थै पवितर सास्तर रै इण वचन रै अनुसार की “थूं अपणै पड़ोसी ऊं अपणै समान परैम राख,” साचांणी उण राज कायदे नै पूरौ करौ हो, तो बड़िया करौ हो।
9
पण जे थै पकसपात करौ हो, तो पाप करौ हो। अर मूसा रा कायदो थांनै गुनेगार ठैरावै है।
10
क्यूंकै जे कोई मूसा रै सगळै कायदे रौ पालण करै है पण एक इज बात मांय चूक जावै तो वो सगळी बातां मांय दोसी ठैरयो।
11
इण वास्तै की जिणै ओ कयौ, “थूं व्यभिचार नीं करणौ,” उणै ओ भी कयौ, “थूं हत्या नीं करणी।” इण खातर जे थै व्यभिचार तो नीं कियो पण हत्या करी तौभी थूं मूसा रै कायदे नै तोड़नै वाळौ ठैरयो।
12
थै उण लोगां रै ज्यूं वचन बोलो, अर कांम भी करौ, जिणरौ परमेसर रै कायदे रै अनुसार न्याव होणै वाळौ है जिण ऊं आजादी मिळै है।
13
क्यूंकै जिणै दया नीं करी, उणरौ न्याव बिना दया रै होवैला। बल्कि दया अपांनै पाप रै डंड ऊं बचावैला।
14
हे म्हारै भाइयो, जे कोई कैवै की म्हनै विसवास है पण वो विसवास जैड़ौ करम नीं करतौ होवै, तो उण ऊं कांई फायदो? कांई ऐड़ौ विसवास कदैई उणरौ उद्धार कर सकै है?
15
जे कोई भाई या बेन उघाड़ा हो, अर उणौनै हमेसां रोटी री कमी हो,
16
अर थौरे में ऊं कोई उणौ ऊं कैवै, “खुसी ऊं जाओ, थै गरम रैवौ अर भर पेट खाईजौ,” पण जिकौ चीजों सरीर रै खातर जरुरी है वो उणौनै नीं दे, तो कांई फायदो?
17
व्यौंही विसवास ही, जे करम साथै नीं होवै तो आपरै स्वभाव मे मरयोड़ौ है।
18
बल्कि कोई कैह सकै की, “थनै विसवास है अर म्हैं करम करूं हूं।” थूं थारौ विसवास म्हनै करम बिना तो दिखा, अर म्हैं म्हारौ विसवास अपणै करमो रै अनुसार थनै दिखाऊंला।
19
थनै विसवास है की एक इज परमेसर है। थूं बड़िया करै है। पण दुस्ट आतमा भी विसवास राखै, अर थरथरावै है।
20
पण हे निकमे मिनख, कांई थूं ओ भी नीं जांणै की करम बिना विसवास फालतू है?
21
जद अपांरै पिता अबराहम नै आपरै बेटे इसहाक नै वेदी माथै चढ़ायौ, तो कांई वो करमो ऊं धारमिक नीं ठैरयो हो?
22
सो थै देख लिया की विसवास नै उणरै करमो रै साथै मिलनै कांम करयौ है अर करमो ऊं विसवास सिद्ध होयौ।
23
अर पवितर सास्तर रौ ओ वचन पूरौ होयौ, “अबराहम नै परमेसर माथै विसवास करयौ, अर ओ उणरै खातर धरमी मान्यौ,” अर वो परमेसर रौ बेली कैलायौ।
24
इण परकार थै देख लियौ की मिनख कैवल विसवास ऊं ही कोनीं, बल्कि करमो ऊं भी धरमी ठैरै है।
25
व्यौंही राहाब वेसया भी जद उणै दूतो नै आपरै घर में उतारया, अर दूजै मारग ऊं रवाना करया, तो कांई करमो ऊं धारमिक नीं ठैरी?
26
अतस ज्यूं सरीर आतमा बिना मरयोड़ी है व्यौंही विसवास भी करम बिना मरयोड़ौ है।
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 3 →
All chapters:
1
2
3
4
5