bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
James 3
James 3
Marwari Bible
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 4 →
1
हे म्हारै भाइयो, थौरे मे ऊं घणा उपदेसक नीं बणै, क्यूंकै जांणौ हो, की अपां उपदेसक रौ न्याव और भी कठोरता ऊं कियो जावैला।
2
इण वास्तै की अपां सगळा घणी बार चूक जाओ हो। जिकौ कोई बोलनै मे नीं चुके, वोहीज तो सिद्ध मिनख है। अर वोहीज सगळै सरीर माथै भी लगाम लगा सकै है।
3
जद अपां अपणै वस मे करणै रै खातर घोड़ौ रै मूंडै मे लगाम लगावो हो, तो अपां उणरै सगळै सरीर नै भी फेर सकौ हो।
4
समंदर में चालण वाळै जहाज नै देखौ, बल्कि ऐड़ा मोटा होवै है, अर तेज हवा ऊं चलाया जावै है, तौभी एक छोटी सी पतवार रै दवारा मांझी री इछा रै मुजब घुमाई जावै है।
5
व्यौंही जीभ ही एक छोटौ सो अंग है अर मोटी मोटी बातां करै है। सुणौ, थोड़ी सी लाय ऊं कितै मोटे वनवास मांय लाय लाग जावै है।
6
जीभ ही एक लाय है। जिकौ अपांरै अंगो मे अधरम री एक दुनिया है अर सगळै सरीर माथै कलंक लगावै है, अर सगळै जीवन मे लाय लगा दैवै है अर जीभ भी आखरी में नरक री कुंड में जळा दी जावैला।
7
क्यूंकै हरैक तरैह रा वन-पसु, पंखेरू, अर रेंगनेवाळा जीव अर पांणी रा जीव तो मांनखै जाति रै वस मे हो सकै है अर होय भी ग्या है।
8
पण जीभ नै मांनखै मे ऊं कोई वस मे नीं कर सकै। वो एक ऐड़ी बला है जिकौ कदै रूकै इज नीं। वो प्रांण नास जेहर ऊं भरयोड़ी है।
9
इण ऊं अपां परभु अर पिता री बड़ाई करौ हो। अर इण ऊं मिनखौ नै जिकौ परमेसर रै रूप मे जनमियोड़ा है सराप दैवै है।
10
एक इज मूंडै ऊं धन्यवाद अर सराप दोनूं निकळै है।
11
हे म्हारै भाइयो, ऐड़ौ नीं होणौ चाहीजै।
12
कांई बेरा रै एक ही मूंडै ऊं मीठौ अर खारौ पांणी दोनूं निकळै है? हे म्हारै भाइयो, कांई अंजीर रै रूंखड़ै में जैतून, या अंगूर री डाळी मे अंजीर लाग सकै है? व्यौंही इज खारै बेरा ऊं मीठौ पांणी कोनीं निकळ सकै।
13
थौरे मे ग्यांनी अर समझदार कुण है? जिकौ ऐड़ौ होवै वो अपणै कांमां नै बड़िया चाल चलण ऊं उण नरमाई नै परगट करै जिकौ ग्यांन ऊं पैदा होवै है।
14
पण जे थै अपणै अपणै मन मांय कड़वी जळण अर विरोध राखौ हो, तो सचाई रै विरोध मे घंमड नीं करणौ, अर नीं झूठ बोलणौ।
15
ओ ग्यांन वो कोनीं, जिकौ सरग ऊं उतरै है बल्कि सांसारिक, अर सारीरिक, अर सैतानी है।
16
इण खातर जठै जळण अर विरोध होवै है, उठै असांति अर हरैक तरैह री बुराई होवै है।
17
पण जिकौ ग्यांन सरग ऊं आवै है वो पैला तो पवितर होवै है पछै मिलनसार, कोमल अर विनम अर दया, अर चौखै फळौ ऊं लदयोड़ो अर बिना पकसपात अर बिना कपट होवै है।
18
अर मिलाप कराण वाळौ रै लियै धारमिकता रौ फळ मेल-मिलाप रै साथै बोयो जावै है।
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 4 →
All chapters:
1
2
3
4
5