bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
Titus 1
Titus 1
Marwari Bible
Jump to:
Chapter 1
Chapter 2
Chapter 3
Chapter 2 →
1
आ चिठ्ठी पौलुस री तरफ ऊं है, जिकौ परमेसर रा दास अर यीसु मसीह रौ प्रेरित है। परमेसर रै चुणयोड़ा लोगां रौ उणौरै विसवास में मदद करणै रै वास्तै अर म्हौरै भगती री सचाई रौ पूरौ ग्यांन री सिकसा दैणै खातर म्हनै भेज्यौ है।
2
वो सचाई उण लोगां नै अनत जीवन री आसा दैवै है, जिणरी वायदो परमेसर नै, सनातन ऊं की है, जिकौ कदैई कूड़ौ नीं बोल सकै है।
3
पण ठीक वगत माथै अपणै सुभ संदेस नै उण परचार रै दवारा परगट कियो, जिकौ म्हारै उद्धारकर्ता परमेसर री आग्या रै अनुसार म्हनै सूंपयौ गियौ।
4
तीतुस जिकौ विसवास री सहभागिता ऊं म्हारौ साचौ बेटौ है, उणरै वास्तै लिखूं हूं। परमेसर पिता अर म्हारै उद्धारकर्ता मसीह यीसु री तरफ ऊं थनै अनुग्रह अर सानति मिळती रैवै।
5
म्हैं इण वास्तै थनै क्रेते में छोड़नै आयौ हो, की थूं बाकी रयोड़ी बातां नै सुधारै, अर म्हारी आग्या रै अनुसार गांव गांव मांय जांणकार मुखियौ नै लगावै,
6
जिकौ निरदोस अर एक इज लुगाई रौ धणी हो, जिणरा टाबर विसवासी हो, अर उणमे झगड़ालू अर आग्याओं नै नीं मानणैवाळा दोस नीं हो,
7
क्यूंकै कलीसिया रै अगुवे नै परमेसर रौ भण्डारी होणै रै नाते निरदोस होणौ चाहीजै। नीं हठी, नीं क्रोधी, नीं पियकड़, नीं मारपीट करनैवाळौ, अर नीं रूपियौ रौ लोभी हो,
8
पण मेमाणो रौ आदर करनैवाळौ, भलाई चावा वाळौ, खुद नै वस में राखण वाळौ, नेक, पवितर अर अनुसासित हो।
9
अर वो विसवास लायक सिकसा ऊपर मजबुत रैवै, जिकौ सिद्धान्त रै अनुसार हो, अर खरी सिकसा ऊं उपदेस दे सकै, अर विरोधियो रौ मूंडौ भी बंद कर सकै।
10
क्यूंकै घणाकर लोग आग्याओं नै नीं मानणैवाळा, बकवासी अर चालबाज है। खासकर यहूदी विसवासियो मांय ऊं।
11
इणौरौ मूंडौ बंद करणौ चाहीजै। ऐ लोग नीच कमाई रै लियै गळत बातां सिखायनै घर रा घर बिगाड़ दैवै है।
12
क्रेती लोगां मे ऊं एक जन नै, जिकौ उणौ रौ इज भविसयदाता है, कयौ है, “क्रेती लोग हमेसां झूठा, दुस्टी ढ़ौर, अर आळसी पेटु होवै है।”
13
आ बात साची है, इण वास्तै उणौनै कड़ी चेताणी दिया कर की वे विसवास मांय पका हो जावै,
14
अर यहूदियो री कथा कहाणियो अर उण मिनखौ री आग्याओं ऊपर मन नीं लगावै, जिकौ सचाई ऊं भटक जावै है।
15
सुद्ध लोगां रै लियै सगळी चीजों सुद्ध है, पण असुद्ध अर अविसवासियो रै खातर कीं सुद्ध कोनीं, बल्कि उणौरी बुद्धि अर अंतो दोनूं असुद्ध है।
16
वे कैवै है की म्हौ परमेसर नै जांणौ हो, पण आपरै कांमां रै खातर उणरौ इन्कार करै है, क्यूंकै वे लोगां री निजर में भूंडा अर आग्या नीं मानणै वाळा है, अर किणी चौखै कांम रै लायक कोनीं।
Jump to:
Chapter 1
Chapter 2
Chapter 3
Chapter 2 →
All chapters:
1
2
3