Titus 2

Marwari Bible

← Chapter 1 Jump to: Chapter 3 →

1पण थूं ऐड़ी बातां सिखाया कर जिकौ खरै उपदेस रै लायक है।

2मतलब बूढ़ा मिनख गम्भीर, समझदार अर खुद नै वस में राखणवाळौ हो, अर उणौ रौ विसवास, परैम अर धीरज पको हो।

3इणी तरैह बूढ़ी लुगाईयां रौ चाल-चलण पवितर लोगां जैड़ौ होवै। वे दोसण लगानवाळी अर पियकड़ नीं, पण चौखी बातां सिखाण वाळी हो,

4ताकी वे जवान लुगाईयां नै चेताणी देती रैवै की आपरै घरधणीयां अर टाबरौ ऊं परैम राखै।

5इण वास्तै खुद नै वस में राखणवाळी, पतिव्रता, घर रौ कांमकाज करणवाळी, भली, अर आपरै-आपरै धणी रै अधीन रैवणवाळी हो, ताकी परमेसर रै वचन री निंदा नीं होवै।

6यूं ही जवान मिनखौ नै ई समझाया कर की खुद नै वस में राखणवाळा हो।

7सगळी बातां मांय अपणै आप नै भलै कांमां रौ नमूनो बणा। थारै उपदेस ऊं चौखी, गम्भीरता

8अर ऐड़ी खराई पाई जावै की कोई उणै भूंडा नीं के सकै, जिण ऊं विरोधी अपां माथै कोई दोसण लगाणै रौ मौकौ नीं पान लजित होवै।

9दासो नै समझा की अपणै-अपणै मालिको रै अधीन रैवै, अर सगळी बातां में राजी राखै, अर उलटो जबाब नीं दे।

10चोरी चालाकी नीं करै, पण सगळी तरैह ऊं विसवासी निकळै की वे सगळी बातां में अपांरै उद्धारकर्ता परमेसर रै उपदेस री सौभा बढ़ावै।

11क्यूंकै परमेसर रौ वो अनुग्रह परगट है, जिकौ सगळै मिनखौ रै उद्धार रौ कारण है।

12अर अपांनै चेताणी दैवै है की अपां बिना भगती अर सांसारिक अभिलासाओं ऊं मन फेर नै इण जुग में खुद नै वस में राखै अर नेकी अर भगती ऊं जीवन बिताओ,

13जैड़ी तांई उण धन्य आसा रौ मतलब अपांरै उद्धारकर्ता महान परमेसर यीसु मसीह री महिमा रै परगट होणै री बाट जोहता रैवौ,

14जिणै अपणै आप नै अपांरै खातर दे दियौ, की अपांनै हरैक तरैह रै अधरम ऊं छुड़ा ले, अर सुद्ध करनै अपणै खातर एक ऐड़ी जाति बणा ले जिकौ भलै-भलै कांमां में जोस हो।

15पूरै अधिकार रै साथै ऐ बातां कैह, अर समझा अर सिखातौ रै। कोई थनै तुच्छ नीं जांणै।

← Chapter 1 Jump to: Chapter 3 →