bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mazanderani
/
Mazanderani GMB (گیله ماز)
/
Luke 24
Luke 24
Mazanderani GMB (گیله ماز)
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
1
یِکشَنبِه روز صُبِ سَر، زِناکان اَدویِجاتی که تهیّه هَکُردهِ بان رِه خودِشانِه هَمرَه بِیتَن و مَقبَرِه یِه سَر بَشَن.
2
وَلی بَدییَن سَنگی که مَقبَرِه یه پیش دَبا ایتا گوشِه غَلت هَدَه هَبا.
3
وَختی مَقَبَرِه یه دِلِه بَشَن، عیسی یه خُداوندِ جَسَدِ پیدا نَکوردَن.
4
اینه وَسین مات و مَبهوت بان که یِدَفِه دُتا نورانی مَردَای اوشانه ور بییَسَن.
5
زِناکان تَرسِ جی خودِشانِه سَرِ جیر بیاردَن، وَلی اون دُتا مَردای اوشانه باگوتَن: «چرا زنده دُمّال مُردِگانِ دِلِه گَردِنین؟
6
اون ایجه دَنیِه، بلکه زنده هَبا! شیمی یاد بیارین موقه ایی که جلیلِ دِلِه دَبا، شِمِره چی باَگوته.
7
باگوته انسانِ ریکا بایسّی گُناهکارانِ دَسِ هَمرَه تَسلیم و مَصلوب هَبو و سِوّمین روز دِلِه زندهِ هَبو.»
8
ایما زِناکان اونه گَبِ یاد بیاردِن.
9
وَختی مَقبَرِه یه جی وَگَرِسَّن، تمام جَریان رِه اون یازدَه رَسول و بَقیِه یِه وَسین تَعریف هَکُردَن.
10
اون زِناکانی که این خَبَرِ رَسولانِ هَدَن، مَریمِ مَجدلیّه، یوآنّا، مریم یَعقوبِ مآر و زِناکانی که اوشانِ هَمرَه دَبان.
11
وَلی رَسولان فِکر هَکُردَن زِناکان خیالاتی هَبان و اوشانه گَبِ باوَر نَکُردِن.
12
وَلی پِطرس ورِسَه و مَقبَرِه یه سَمت دُو هَکُردِه دُلا هَبا و دِلِه رِه بِیشیَه، وَلی جُز کَفَن هیچی نَدییَه. پس اونچه جی که اتّفاق دَکِتِه با مات و مَبهوت با وَ سِرِه وَگرِسِّه.
13
همون روز، دو نَفَر اَز اوشان ایتا آبادی سمت که اونه اِسمِ عِمائوس با شونِه بان، که اورشَلیمِ جی حُدودِ دَه کیلومِتر فاصِلِه داشتِه.
14
اوشان تمام این جَریانِ بارِه که اتّفاق دَکِتِ با، هَمدیگَر هَمرَه گَب زَنه بان.
15
هَمینجور كه گَب بَزَن و بَحث هَکُردَن مَشغول بان، عیسی، خودش، اوشانِ وَرجه بوما و اوشانه هَمرَه، همراه هبا.
16
وَلی اونه نِشناختَن چون اوشانه چِشم دَبِسِّه با.
17
عیسی اوشانه جی بَپُرسیِه: «راه دِلِه، چیه بارِه هَمدیگَرِ هَمرَه گَب زَنین؟» اوشان ناراحَت قیافِه یِه هَمرَه، ساکِت بییَسَن.
18
ایما ایتا از اوشان که اونه اِسم کلِئوپاس با، عیسی یِه جَواب باگوته: «تو تنها غریبِه ایی هیسی که اورشَلیمِ دِلِه اون چیزانِ جی که این روزان اتّفاق دَکِته بی خَبَری؟
19
عیسی بَپُرسیِه: «چه چیزایی؟» باگوتَن: «اونچه که عیسی یه ناصِری سَر بوما. اون ایتا پِیغَمبَر با که خُدایِ ورجه و تمام مَردُم ورجه، هَم عَمل دِلِه و هَم کَلام دِلِه قَوی با.»
20
اَمیِ مَعبَدِ گَتِه کاهِنان و رَئیسان اونه تَسلیم هَکُردَن تا به مَرگ مَحکوم هَبو و اونه مَصلوب هَکُردَن.
21
وَلی اَما اُمید داشتیم اون هَمونی هَبو که بایسّی اِسرائیلِ نِجات هَدِه، از این گُذَشتِه، در واقع اَلآن سِه روزِ این جَریانِ جی گُذَرنِه.
22
بَعضی زِناکان هَم که اَمیِ میَن دَرِن، اَمَرِه مات و مَبهوت هَکُردَن. اوشان اِمروز صُبِ سَر مَقبَرِه یه سَر بَشَن،
23
وَلی اونه جَسَدِ پیدا نَکوردَن. اونوقت بومَن، اَمَرِه باگوتَن فِرِشتگانی رِه رویایِ دِلِه بَدییَن که اوشانه باگُوتَن اون زندهِ هیسه.
24
بَعضی از اوشانیکه اوجِه اَمی هَمرَه دَبان مَقبَرِه یه سَمت بَشَن و اوضاع رِه هَمونجور که زِناکان بَگوته بان، بَدییَن، وَلی اونه نَدییَن.»
25
ایما عیسی اوشانه باَگوته: «اِی بی عَقلان، چرا آنقَدَر شِمِره سَختِ تمام اونچه که پِیغَمبَرِان باگوتَن رِه باوَر هَکُنید!
26
مَگِه نباید مَسیحِ موعود این رَنجانِ بِینِه و ایما به خودشه جَلال بَرِسِه؟»
27
عیسی، موسی و تمام پِیغَمبرِان جی شُروع هَکُردِه و اونچه که تمام نِوِشتِه های مُقَدَّسِ دِلِه اون باره باَگوته بان رِه، اوشانه وَسین توضیح هَدَه.
28
وَختی به اون دِهاتی که خَسَّن اوجه بوشون نَزدیک هَبان، عیسی وانِمود هَکُردِه که خَنِه دورتَر بوشو.
29
اوشان خِیلی اِصرار هَکُردَن و باگوتَن: «اَمیِ هَمرَه بِمان، چون روز دَرِه تمام بونه و شُو نَزیکِ.» پس عیسی دِلِه بَشَه تا اوشانه وَرجه بُمانه.
30
وَختی اوشانه هَمرَه سُفرِه یِه سَر نیشته با، نان بِیته و شُکر هَکُردِه، تیکه هَکُردِه و اوشانه هَدَه.
31
درهمون دَم، اوشانه چِشم واز هَبا و اونه بِشناختَن، وَلی عیسی اوشانه چِشمِ وَر غِیب هَبا.
32
اوشان هَمدیگَرِ باگوتَن: «وَختی راهِ دِلِه اَمیِ هَمرَه گَب زنه با و مُقَدَّسِ نِوِشتِه ها رِه اَمِرِه توضیح دَنِه با، مَگِه اَمیی دِل تَپ تَپ نَزَنِه با؟
33
اوشان وَرِسَن و به اورشلیم وَگَرِسَّن. اوجِه اون یازدَه رَسولِ پیدا هَکُردَن که خودِشانِه رَفیقانِ هَمرَه جَمع بان،
34
گونهِ بان: «راس راسی عیسی یه خُداوند زنده هَبا و خودش رِه شَمعون نشان هَدَه»
35
بعد، اون دُتا باگوتَن راهِ دِلِه چه اِتِّفاقی دَکِته و چطور عیسی رِه وَختی دَبا نان رِه تیکه هَکونِه بِشناختَن.
36
هَلَه دَبان این گَبان رِه زَنه بان که عیسی خودش اوشانه میَن بییَسَه و باَگوته: «سَلام بر شُما!»
37
وَلی همه حِیران و پَریشان هَبان و خیال هَکُردَن روح دینَن.
38
عیسی اوشانه باَگوته: «چِرا آنقَدَر پَریشانید؟ چرا شیمی دِلِ میَن شَک و تَردید راه دَنید؟
39
می دَس و لِنگِ بِیشین؛ این مَنَم. مَرِه لَمس هَکُنید و بَینین؛ روح، گوشت و خاش نِداره، وَلی هَمونجور که دینین مَن دارَم.»
40
اینه باَگوته و خودشه دَس و لِنگِ اوشانه نِشان هَدَه.
41
اوشان خُشحالی و بُهتِ جی نَتَّنِسَّن باوَر هَکُنَن. پس اوشانه باَگوته: «خوردَن وَسین چیزی دارین؟»
42
یه تیکه بَپِتِه ماهی اونه هَدَن.
43
اونِه بَیته و اوشانه چِشمِ وَرجه بُخاردِه.
44
ایما اوشانه باَگوته: «ایشان هَمونِه که وَختی شیمی هَمرَه دَبام، گونِه بام؛ که تمام اونچه که موسایه تورات و پِیغَمبَرانه کِتاب و مَزمورِ دِلِه می بارِه بَنوِشتِه هیسه، بایسّی اَنجام بَرِسِه.»
45
ایما اوشانه فِکرِ واز هَکُردِه تا بِتَّنَن نِوِشتِه های مُقَدَّس بِفَهمِن.
46
اوشانه باَگوته: «بَنویشته هَبا كه مَسیحِ موعود رَنج کَشِنِه و سِوّمین روز مُردِگانِ جی وَرِسِنِه.
47
وَ اینکه اونه نامِ هَمرَه توبِه و آمُرزِشِ گُناهان تمام قومانِ هَدَه بونه که اونه شروع اورشَلیمِ جییه.
48
شُما این چیزانِ شاهِدانید.
49
اَسِه مَن اونچه که می آسمانی پیَر شِمِره وَعدِه هَدَه با رِه شِمِره روانه کانَم. وَلی این شَهرِ دِلِه بِمانید تا موقه ایی که خُداوندِ قُوَّت رِه اَعلی جی شیمی تَن دَکُنین.»
50
ایما عیسی اوشانه تا بیت عَنیایه نَزیکی شَهرِ جی دِرگا بَبِرده و خودشه دَسِ آسِمانِ سَمت بُلَند هَکُردِه و اوشانه بَرکَت هَدَه.
51
درحالی که اوشانه بَركَت دَنِه با، اوشانه جی سیفا هَبا و آسِمانِ سَمت بَبِردِه هَبا
52
اوشان اونه پَرَسِش هَکُردَن و گَتِ خُشحالی یه هَمرَه به اورشَلیم وَگَرِسَّن.
53
اوجِه یِسَرِه مَعبَدِ دِله مانِدِنه بان و خُدا رِه پَرَسِش کانه بان.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24