bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nuer
/
Nuer Bible © Bible Society in South Sudan 1998,2012
/
1 Kings 16
1 Kings 16
Nuer Bible © Bible Society in South Sudan 1998,2012
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 17 →
1
Kä cu ruac Kuɔth Nhial ben kä Yeɣu gat Ɣä-na-ni kɛ kui̱ Bɛ̈ca wëë i̱,
2
“Ɣän cä ji̱ kap nhial ni rɛy tupä kä cä ji̱ jak kä bo̱o̱th nɛɛnikä ni ji̱ I-thɛ-rɛl, kä ci guɔ̱ɔ̱r ni duɔ̱ɔ̱p Ya-rɔ-baam, kä ci nɛɛkä jak kä dui̱r, kä ci ɣä jak kä gak kɛ dueerkiɛn.
3
Kä nɛnɛ, ɣän bä Bɛ̈ca däk kɛnɛ dhɔrɛ, kä bä dhɔru jak kä ce̱tkɛ dhɔr Ya-rɔ-baam gat Nɛ-bat.
4
Kä bi jio̱o̱k duŋ Bɛ̈ca mɔ bi li̱w rɛy wec ɔ cam. Kä bi diit nhial min bi li̱w rɛy dɔaar cam.”
5
Kä cua duɔth lätni Bɛ̈ca diaal gɔ̱a̱r rɛy buɔk kuɛ̈ɛ̈ni kua̱ri I-thɛ-rɛl.
6
Kä cuɛ li̱w, kä cua jɛ kony kä Ti̱r-dha. Kä cu gatdɛ ni Elaa ruëc kɛ gua̱a̱thdɛ.
7
Kä cu ruac Kuɔth lɛni ben kä Yeɣu gat Ɣä-na-ni kɛ kui̱ Bɛ̈ca kɛnɛ dhɔrɛ, kɛ kui̱ lätnikɛ tin jiäk waaŋ Kuɔth Nhial kä cɛ jɛ jak kä gak, kɛ ɣöö ce̱t lätkɛ kɛ lät dhɔaar Ya-rɔ-baam, kɛnɛ ɣöö cɛ dhɔr Ya-rɔ-baam däk.
8
Kɛ ruɔ̱n jiɛn da̱ŋ rɛw wi̱cdɛ bäkɛl ruëc Atha kuäär Juda, cu Elaa gat Bɛ̈ca a kuäär I-thɛ-rɛl kä Ti̱r-dha, kä cuɛ ruëc kɛ run rɛw.
9
Duundɛ ɣöö cu raan kɔaarɛ ni Dhim-ri bo̱o̱th tha̱a̱ŋ thurbiɛɛlikɛ jɛ ca̱p mi jiääk, mëë tëë kä Ti̱r-dha. Yɔŋ ni jɛn kɛ kɔaŋ dhɔr Ar-dha, ti̱i̱t duëël kuäärä kä Ti̱r-dha.
10
Kä cu Dhim-ri jɛ ben näk kɛ run ruëc Atha kuäär Juda ti jiɛn da̱ŋ rɛw wi̱cdɛ bärɔw. Kä cu Dhim-ri ruëc kɛ gua̱a̱thdɛ.
11
Kä min cɛ ɛ kuäär ka̱n, cuɛ ji̱ dhɔaar Bɛ̈ca näk kɛn diaal. Cuɛ thil ram kɛl kä ji̱ maarädɛ mi cuɛ päl a tëk amäni mäthnikɛ.
12
Inɔ cu Dhim-ri dhɔr Bɛ̈ca däk kɛɛliw, cua ni ruac Kuɔth Nhial ëë cɛ lat kɛ kui̱ Bɛ̈ca kɛ thok go̱kä ni Yeɣu.
13
Kɛ kui̱ dueeri Bɛ̈ca diaal kɛnɛ dueer Elaa gatdɛ tëë ci kɛn kɛ dui̱r, kɛnɛ tëë jakɛ I-thɛ-rɛl kä dui̱r, kä jakɛ Kuoth Nhial kä gak kɛ kuth I-thɛ-rɛl.
14
Kä cua duɔth lätni Elaa gɔ̱a̱r rɛy buɔk kuɛ̈ɛ̈ni kua̱ri I-thɛ-rɛl.
15
Kɛ run ruëc Atha kuäär Juda ti jiɛn da̱ŋ rɛw wi̱cdɛ bärɔw, cu Dhim-ri ruëc kɛ ni̱n bärɔw kä Ti̱r-dha. Kä täämɛ ci rɛm pua̱t lotdä Gi-bɛ-thon, wec ji̱ Pi-li-thɛt,
16
Kä cu rɛm in ci pua̱t ɛ liŋ i̱ ci Dhim-ri mi jiäk ca̱p kuäär kä cɛ näk, cukɛ Ɔmri bo̱o̱th rɛ̈m jak kä kuäär kä I-thɛ-rɛl ɛn cäŋ ɛmɔ rɛy wec.
17
Inɔ cu Ɔmri kɛnɛ ji̱ I-thɛ-rɛl diaal jiɛn kä Gi-bɛ-thon wa Ti̱r-dha go̱l.
18
Kä mëë ci Dhim-ri jɛ nɛn i̱ ca wec ku thuŋ ka̱n, cuɛ wä rɛy duëël kuäärä kä cuɛ rɔ waŋ rɛc, kä cuɛ li̱w,
19
Kɛ kui̱ dueerikɛ tin cɛ la̱t, kɛ kui̱ lätni kä ti jiäk waaŋ Kuɔth Nhial, kä cɛ guɔ̱ɔ̱r ni dup Ya-rɔ-baam, kɛnɛ dueerkɛ tin ci I-thɛ-rɛl jak kä dui̱r.
20
Kä cua duɔth lätnikɛ gɔ̱a̱r rɛy buɔk kuɛ̈ɛ̈ni kua̱ri I-thɛ-rɛl.
21
Kä cu ji̱ I-thɛ-rɛl rɔ̱ da̱a̱k kä rɛɛw. Cu tha̱a̱ŋkiɛn wä kɔɔr Tib-ni gat Gi-nɛ̈th, cua jɛ jak kä kuäär kä cu tha̱a̱ŋkiɛn wä kɔɔr Ɔmri.
22
Kä cu nɛy tin te kɔɔr Ɔmri nɛy tin te kɔɔr Tib-ni gat Gi-nɛ̈th tiam. Kä cu Tib-ni li̱w, kä cu Ɔmri a kuäär.
23
Kɛ run ruëc Atha kuäär Juda ti jiɛn diɔ̱k wi̱cdɛ kɛl cu Ɔmri a kuäär I-thɛ-rɛl, cuɛ ruëc kɛ run wäl rɛw. Cuɛ ruëc kä Ti̱r-dha kɛ run bäkɛl.
24
Kä cuɛ päm Tha-mɛ-ria kɔk kä Cɛ-mɛr kɛ yio̱w ti bathdɔɔri bäkɛl. Kä cuɛ täth ɛn wec pa̱a̱m, kä cuɛ jɛ cɔli Tha-mɛ-ria, kɛ ciöt Cɛ-mɛr in la gua̱n pa̱a̱m.
25
Kä cu Ɔmri la̱t ni jiäk waaŋ Kuɔth Nhial, cɛ la̱t ni ti ce̱tkɛ tëë ca la̱t ɛ nɛy tëë te nhiamdɛ.
26
Kä cuɛ guɔ̱ɔ̱r ni duɔ̱p Ya-rɔ-baam gat Nɛ-bat, kɛnɛ dueer tin cɛ I-thɛ-rɛl jak kä dui̱r, kä cɛ Kuoth Nhial Kuoth I-thɛ-rɛl jak kä gak kɛ kui̱ kuthnikiɛn.
27
Kä cua duɔth lätnikɛ gɔ̱a̱r rɛy buɔk kuɛ̈ɛ̈ni kua̱ri I-thɛ-rɛl.
28
Kä cu Ɔmri li̱w, kä cua jɛ kony kä Tha-mɛ-ria. Kä cu gatdɛ ni Ɛ̈-ɣab kuäärɛ guäl.
29
Kä kɛ run rui̱cä Atha kuäär Juda ti jiɛn diɔ̱k wi̱cdɛ bädäk, cu Ɛ̈-ɣab gat Ɔmri a kuäär Kä I-thɛ-rɛl, kä cuɛ I-thɛ-rɛl ruac kä Tha-mɛ-ria kɛ run ti jiɛn da̱ŋ rɛw wi̱cdɛ rɛw.
30
Kä cu Ɛ̈-ɣab gat Ɔmri dueer ti ŋuan nikɛn la̱t waaŋ Kuɔth Nhial Kä nɛy diaal tëë te nhiamdɛ.
31
Kä cuɛ ce̱tkɛ mi puɔl puɔl kä jɛ ɛn guur duɔ̱p Ya-rɔ-baam gat Nɛ-bat, kä cuɛ I-dhɛ-bɛl nya Ɛth-baal kuäär ji̱ Dhi-don kuɛn, kä cuɛ wä pal ni kuoth Baal.
32
Kä cuɛ kuoth Baal lät kä yi̱k rɛy luak kuɔth Baal in cɛ ta̱th jɛ kä Tha-mɛ-ria.
33
Kä cuɛ kuoth Ä-ce-ra täth. Kä cuɛ mi cu Kuoth Nhial Kuoth I-thɛ-rɛl jak kä gak la̱t, cuɛ leny ni kua̱r I-thɛ-rɛl diaal tëë te nhiamdɛ.
34
Kɛ run ruëc Ɛ̈-ɣab, cu Ɣi-el raan Beth-ɛl rɛk Jɛ-ri-ko nyɔk kɛ ta̱th. Mëë tääthɛ pänydɛ cu gatdɛ min kɛ̱̈ɛ̱̈ ni Ä-bi-ram li̱w, kä mëë lätdɛ thi̱i̱kdɛ cu gatdɛ min tɔt ni Thɛ-gub li̱w, ce̱tnikɛ ruac Kuɔth Nhial ëë cɛ lat kɛ thok Jɔ-cua gat Nun.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22