Deuteronomy 25

Nuer Bible © Bible Society in South Sudan 1998,2012

← Chapter 24 Jump to: Chapter 26 →

1“Mi ci nɛy da̱ŋ rɛw gua̱c a cikɛ wä luɔ̱k, mi ci luk gua̱n cuŋä ka̱m cuɔ̱ɔ̱ŋdɛ, kä cɛ gua̱n dui̱rä ka̱m duerɛ,

2mi ro̱ŋ gua̱n dui̱rä kɛ duäc, bi kuäär luɔ̱k ɛ jak kä dua̱c kɛ jɛ kɛ yiɔ̱a̱t ti luɔtkɛ rɔ kɛ duerɛ.

3A jɛ dua̱ckɛ kɛ yiɔ̱a̱t ti jiɛɛn ŋuaan kä mi wa kɛ rëp kɛ yiɔ̱a̱t ti kɔ̱kiɛn, ba yaak waaŋ dämuɔɔr.

4“Cu thok tha̱a̱k yiɛn mi kɔ̱ɔ̱mɛ bɛl.”

5“Mi cieŋ gaat ciek da̱ŋ rɛw kɛɛl, kä ci kɛl li̱w a thilɛ jɛ gat. /Ci ciekdɛ bi wä raar dhɔɔriɛn. Bi däman ɛ ka̱n, bɛ däman di̱eth gaat kä jɛ.

6Kä gat in bɛ dap kɛ nhiam, bɛ ciöt däman cu jak kä ci bath rɛy ji̱ I-thɛ-rɛl.

7Kä mi /cɛ jɛ go̱o̱r i̱ bɛ ciek däman ka̱n, a ciek däman wä guäth luɔ̱k kä bööth bɛ kɛ wä jiök i̱, ‘Cɔw ca̱ŋdä lökɛ ɣöö bɛ däman di̱eth gaat kɛ ɣä. /Cɛ jɛ go̱o̱r i̱ bi ciöt däman jɔɔc rɛy ji̱ I-thɛ-rɛl.’

8Ɛ jɛn bi bööth wecdɛ jɛ cɔl, kä bikɛ ruac kɛ jɛ. Mi cɛ ŋuɔ̱t lökɛ jɛ, wee i̱, ‘/Cä bi ka̱n’.

9Bi ciek däman ben kä jɛ nhiam bööthni, kä bɛ war cio̱kädɛ ka̱m raar, kä bɛ waŋdɛ ŋuɔl ruɛy. Kä bɛ wee, ‘Inɔ ba jɛ lät kä wut mi lo̱k ɣöö bɛ gaat däman di̱eth.’

10Kä ba dhɔrɛ cɔl kä I-thɛ-rɛl, i̱ dhɔr warä mi ca ka̱m raar.”

11“Kä mi nyiëëny wutni da̱ŋ rɛw, kä ci ce̱tkɛ wutdä min ca tiam ben, bëë cɔwdɛ ben luäk, kä cɛ wut ɛmɔ käp nhiankɛ,

12cu jɛ pälikä. Ŋok tetdɛ.

13“Cu tekɛ theemni da̱ŋ rɛw ti gööl, mi di̱i̱t kɛnɛ mi tɔt rɛy kithädu.

15A te ni ji̱n kɛ theemni ti thuɔ̱ɔ̱k, ɛ jɛn bi tëkdu jäänyɔ muun in ci Kuoth Nhial Kuothdu jɛ ka̱m yɛ.

16Kä nɛy diaal tin bi lät inɔ, bi Kuoth Nhial Kuothdu kɛ lo̱k.”

17“Tiɛtdɛ mëë ci ji̱ Ä-ma-lek ɛ lät kä yɛ dup mëë bia raar kä I-jëp.

18mëë ŋaakɛ yɛ dup, guäth ëë cia cuuc ɛ cia thil ɛ gua̱a̱th, a bɛ tëë ci luay kɔɔrun näk. Kä /kenkɛ dual kɛ Kuoth.

19Kɛ kui̱ ɛmɔ mi wä Kuoth Nhial Kuothdun yɛ wä ka̱m lɔ̱a̱ŋ kä ji̱ tɛ̈run muun in cɛ ka̱m yɛ i̱ bia ciɛŋ, /cuarɛ ji̱ Ä-ma-lek jak kä tekɛ kɛ̈k wi̱i̱ muɔ̱ɔ̱n. /Cuarɛ jɛ päl rueec ɛn nɔmɔ.”

← Chapter 24 Jump to: Chapter 26 →