bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nuer
/
Nuer Bible © Bible Society in South Sudan 1998,2012
/
Genesis 41
Genesis 41
Nuer Bible © Bible Society in South Sudan 1998,2012
← Chapter 40
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 42 →
1
Täämɛ kɛ kɔr kä mɔmɔ kɛ thuɔ̱k runi da̱ŋ rɛw, cu Pɛro la̱k läkikä, ce̱tdɛ kɛ mi tëë cuŋä gekä kiɛɛr.
2
Kä tëë kɛ ɣɔ̱k da̱ŋ bärɔw ti cuath cuaath ti cuɛ nɛn pälkɛ raar rɛy kiɛɛr kä läk kɛ po̱mä.
3
Cua kɛ lɛni guɔ̱ɔ̱r ɛ ɣɔ̱k da̱ŋ bärɔw kɔ̱kiɛn ti nua̱n nua̱a̱n kä cukɛ cuɔ̱ŋ gekädiɛn po̱mä kiɛɛr.
4
Kɛn ɣɔ̱k tin nua̱n nua̱a̱n cukɛ ɣɔ̱k tin cuath cuaath tin kɔn cam. Ɛn guäth ɔ cu Pɛro ke̱e̱r.
5
Kä cuɛ rɔ lɛni nyɔk kɛ ni̱en, kä cuɛ la̱k dɔ̱diɛn läkikä tëë kɛ rɔa̱th manytapni da̱ŋ bärɔw ti thiäŋ kɛ nyin ti gɔw ti ci ciɛk kä kɛl.
6
Kä cu rɔa̱th da̱ŋ bärɔw ti thil nyin kä ca rɔl ɛ jiɔam ciɛk kɔɔriɛn.
7
Cu rɔa̱th tin thil nyin rɔa̱th manytapni tin tekɛ nyin roc. Kä cu Pɛro cu ke̱e̱r. Cuɛ cua jɛn la̱kdɛ.
8
Mëë ruɔ̱n, cu ca̱rɛ nyuɔɔn ɛlɔ̱ŋ, kä cuɛ nɛy diaal tin ti̱t kɛnɛ wutni tin pɛl kä I-jëp cɔl, kä cuɛ kɛ la̱t min cɛ läkikä. Kä nɛ̈nɛ jɛ, cuɛ thil ram kɛl mi cu luɔtdiɛn luäŋ kɛ lät jɛ.
9
Ɛn guäth ɛmɔ cu gua̱n kɔŋä Pɛro cu wee i̱, “Ɛ jɛn, ɛn walɛ cä jɛ ku tim ɛn ɣöö cä duer la̱t.
10
Mëëdan ëë ci lɔcdu jiääk, kuäär, kɛ kɔn la̱a̱tku, curi ɣä la̱th due̱e̱l yi̱eenä, ɣän kɔnɛ kuäär tha̱a̱tni kɛɛl.
11
Kɛ cäŋ kɛl kɛ wäär kɔn da̱ŋ rɛw cuakɔ la̱a̱k läkikä, te ram ɔ la̱kdɛ kɛ luɔtdɛ mi göl.
12
Ɛn rɛy duëël yi̱eenä te ŋuɛ̈t Ɣi-bɛ-ru mi kuany kua̱r lathkëëri thi̱n kɛ kɔ kɛɛl. Kä mëë cakɔ jɛ la̱t la̱a̱kɔ, cuɛ kɔ la̱t min yiɛth rɔ kä la̱k raam ɔ.
13
Cikɛ wä ni gua̱thnikɛ ce̱tnikɛ mëë cɛ jɛ la̱t kɔ, ca ɣä luɔc guäth läätädä, kä cua rɛwdä ŋap.”
14
Ɛn guäth ɛmɔ mëë ci Pɛro jɛ liŋ, cuɛ Jo-thɛp cu cɔl, cua jɛ wä nööŋ due̱e̱l yi̱eenä ni kɛ pɛ̈th. Kä cu Jo-thɛp rɔɔdɛ mut kä cuɛ bieynikɛ gɛr, cuɛ ben kä Pɛro.
15
Kä mëë cɛ cop kä jɛ, cuɛ Jo-thɛp jiök i̱, “Ɣän cä la̱k läkikä, kuɛɛ la ɣöö thilɛ ram kɛl mi cu luɔtdɛ lɛ lat. Kä cä jɛ pay liŋ ɛn ɣöö mi ci raan i̱ la̱t la̱a̱kɛ, de̱ri jɛ luɔ̱c luɔtdiɛn ni kä kɛɛl.”
16
Cu Jo-thɛp ɛ loc i̱, “Thilɛ ɣä lua̱ŋ, kuäär, ɛ Kuoth ɛ ni̱n bi ji̱ loc kɛ mal.”
17
Ɛ jɛn, cu Pɛro la̱kdɛ ku la̱t Jo-thɛp wëë i̱, “Cä la̱k läkikä, kuɛɛ lɛ ce̱tkɛ mi ta̱a̱ cuŋä gekä kiɛɛr.
18
Kä nɛn ɛ, cu ɣɔ̱k da̱ŋ bärɔw ti cuath cuaath päl raar rɛy kiɛɛr kä cukɛ ben laak po̱mä kiɛɛr.
19
Cua kɛ lɛni guɔ̱ɔ̱r ɛ ɣɔ̱k da̱ŋ bärɔw kɔ̱kiɛn ti nua̱n nua̱a̱n ti /ka̱n me̱t nën rɛy rööl I-jëp kɛɛliw.
20
Ɛ jɛ nɔ, kɛn ɣɔ̱k tɔ̱ nua̱n nua̱a̱n tɔ̱tɔ̱, cukɛ ɣɔ̱k da̱ŋ bärɔw tin cuath cuaath tin kɔn cam.
21
Kä cäŋɛ mëë cikɛ kɛ ruɔ̱ɔ̱c, thilɛ ram mi dëë jɛ ŋa̱c, kɛ ɣöö cuɛ ŋot ɛ niɛ jɛn ta̱a̱diɛn. Thilɛ mi ci rɔ gɛr pua̱nynikiɛn. Cua cu ke̱e̱r.
22
Kɛ kɔrɛ cä la̱k dɔ̱diɛn lɛni läkikä, tëë kɛ rɔa̱th manytapni da̱ŋ bärɔw ti tekɛ nyin ti gɔw, kɛn cikɛ ciɛk kä kɛl.
23
Cua kɛ lɛni guɔ̱ɔ̱r ɛ rɔa̱th bärɔw ti thil nyin kä ca kɛ rɔl ɛ jiɔam.
24
Kä nɛn ɛ, cu rɔa̱th tɔ̱tɔ̱ rɔa̱th tin kɔn tin tekɛ nyin ti gɔw roc. Kä guic ɛ, mëë cä ti̱ti̱ la̱t nɛy diaal tin la̱tkɛ ciaŋ kuthni, thilɛ ram kɛl kä kɛ mi cu ɣä la̱t luɔtdiɛn.”
25
Cu Jo-thɛp jɛ ku jiök i̱, “La̱a̱ku, lö kuäär, luɔtdiɛn ɛ jɛn kɛl ɔ. Kuoth cɛ ji̱ la̱r lär kɛ min bi la̱t.
26
Nɛn ɛ, kɛn ɣɔ̱k da̱ŋ bärɔw tin cuath cuaath kɛnɛ kɛn rɔa̱th manytapni tin tekɛ nyin ti gɔw luɔtkɛ ni run bärɔw ti päär luɔtdiɛn.
27
Kä kɛn ɣɔ̱k da̱ŋ bärɔw tin nua̱n nua̱a̱n kɛnɛ kɛn rɔa̱th manytapni da̱ŋ bärɔw tin thil nyin ti gɔw kä ca rɔl ɛ jiɔam kɛ run buath da̱ŋ bärɔw.
28
Ɛ jɛn min larä ni ɣöö Kuoth nyuthɛ ni ji̱ min bi la̱t.
29
Run bärɔw a bëëni ɛn täämɛ guäth in bi ɣɔw tekɛ ria̱ŋ mi di̱i̱t ro̱o̱l I-jëp kɛɛliw.
30
Ba cu guɔ̱ɔ̱r ɛ run buath da̱ŋ bärɔw tin bi ria̱ŋ in te ro̱o̱l I-jëp cu thil kɛ ɣöö ci buɔth wec däk.
31
Kä thilɛ ria̱ŋ mi bi naath ɛ ŋa̱c rɛy ni̱ni buath tɔ̱tɔ̱, kä bɛ bɛ̈c ɛlɔ̱ŋ.
32
Kä jɛn luɔc läkä ni kä rɛɛw lotdɛ ni ɣöö ɛn riɛk ci Kuoth ɛ car ɛpuc, kä go̱o̱rɛ ɣöö bɛ jɛ mal nööŋ.”
33
Kä cuɛ jɛ nyɔk kɛ jiök i̱, “Täämɛ, kuäär, gɔaa ni ɣöö bi ram mi pɛl kä ŋäc ŋɔak kuany, kä bɛ a kuäär kuakni rööl I-jëp.
34
Kä gɔaa ni ɣöö bi kua̱r kɔ̱kiɛn kuany kä bi kɛ jak kä duɔlkɛ kɛl dhieecni kä bɛl diaal tin ca ŋɛr wi̱c kɛɛliw kɛ kɛn run riäŋä da̱ŋ bärɔw tɔ̱tɔ̱.
35
Akɛ dethkɛ bɛ̈l tɔ̱tɔ̱ diaal lue̱e̱kni rɛy rɛ̈kni diaal, kä akɛ yiënkɛ kɛ.
36
Kɛn bɛl tɔ̱tɔ̱ bikɛ nɛy diaal te̱k rɛy runi buath da̱ŋ bärɔw tin bi ben ro̱o̱l I-jëp. Kɛ kui̱ ɛmɔ, /ca naath bi lɛ näk ɛ buɔth.”
37
Kä mëë ci kuäär ni Pɛro kɛnɛ ji̱ läätädɛ diaal riet ɛmɛ liŋ, cuɛ cop lɔɔcdiɛn.
38
Ɛn guäth ɛmɔ cu Pɛro ji̱ läätädɛ ku jiök i̱, “Derɛ lɛ tekɛ wut dɔ̱diɛn mi päär kɛ wut ɛmɛ, mi te yiëë kuɔth kɛɛl kɛ jɛ?”
39
Ni ɛn wa̱nɔ cu Pɛro Jo-thɛp cu jiök i̱, “Thilɛ radɔ̱diɛn mi pɛl kä tekɛ ŋäc kä ŋɔaani mi dëë pa̱a̱r kɛ ji̱n puɔ̱nydu pa̱ny, kɛ ɣöö ci Kuoth mɛmɛ nyuɔ̱th ji̱.
40
Ɛ ji̱n puɔ̱nydu ɛ ni̱n bi a kuäär röölä, kä bi nɛɛkä diaal liŋ ni rietdu. Ɛ ɣän kärɔa ɛ ni̱n bi ji̱ le̱ny kɛ kuäär.
41
Kä täämɛ, ɣän jak kä ji̱ kä kuäär rɛy rööl I-jëp ni kɛɛliwdɛ.”
42
Kä cu Pɛro tiɛl yiɛtädɛ ka̱m raar kä cuɛ jɛ kuëŋ yiɛtdä Jo-thɛp. Cuɛ jɛ ruk kɛ bieyni ti puɔth kä cuɛ kuat dääpä la̱th ŋuääkdɛ.
43
Cuɛ jɛ cu jak kä ko̱tdɛ thurbilɛ min rɛwdɛ a wur naath nhiamdɛ kä köökɛ i̱, “Kuäär a bëëni.” Ɛ jɛ nɔ, cu Pɛro Jo-thɛp jak kä kuäär ro̱o̱l I-jëp ni kɛɛliwdɛ.
44
Kä cuɛ Jo-thɛp lɛni jiök i̱, “Min ɛ ɣän kuäär wec ɛmɛ, /ci ram kɛl rɔ bi wany rɛy rööl I-jëp kɛɛliw ɛ ni mi ci jɛ lony ɛ ji̱n.”
45
Mëë ci Pɛro Jo-thɛp jak kä kuäär wec, cuɛ jɛ moc ciöt kɛ thok rööl I-jëp a cuɛ jɛ cɔl i̱ Dhap-nath-pa-na. Kä cuɛ jɛ ka̱m nyam mi cɔal ciötdɛ i̱ A-thɛ-nath ala ciekdɛ. Kä nyam ɛmɔ ɛ nya Pɔ-ti-pɛ-rä, bo̱o̱th palä wec in cɔal i̱ Ɔn. Kä cu Jo-thɛp rɛy ro̱o̱l I-jëp wä jäk.
46
Ɛn guäth ɛmɔ Jo-thɛp tëë kɛ run ti jiɛn diɔ̱k mëë kuanykɛ jɛ ɛ Pɛro. Mëë ca jɛ kuany, cuɛ rɔ jiɛc nhiam Pɛro kä cuɛ ro̱l I-jëp rɛydɛ wä jäl ni kɛɛliwdɛ.
47
Kɛ kɛn run riäŋä da̱ŋ bärɔw cu wec tekɛ bɛl ti ŋuan ɛlɔ̱ŋ.
48
Rɛy runi ti̱ti̱ cu Jo-thɛp bɛ̈l diaal tin ca ŋɛr ro̱o̱l I-jëp, ruɔ̱ɔ̱l, kä cuɛ kɛ piɛk lue̱e̱kni rɛy wi̱i̱ni diaal. Bɛl, pikɛ kɛ lue̱e̱knikɛ.
49
Cuɛ bɛl ti ŋuan piɛk lue̱e̱kni. Cukɛ wee kɛ mi thɛ̈mkɛ kɛ thi̱n amäni mëë cukɛ piɛk ni kɛ thi̱n lɔrä kɛ ɣöö /ca thɛmdiɛn thi̱n dëë luäŋ.
50
A ŋot /ke̱n run buath ni cop cu Jo-thɛp kɛnɛ A-thɛ-nath gaat da̱ŋ rɛw di̱eth.
51
Cu Jo-thɛp dho̱o̱l in kɛ̱̈ɛ̱̈ cɔl i̱ Ma-na-thɛ, wëë i̱, “Kuoth cɛ ɣä jak kä pa̱lä cuɔ̱cdä ruëëc kɛnɛ ji̱ dhɔaara diaal.”
52
Cuɛ rɛwdɛ min dɔ̱ŋ cɔl i̱ Ɛ-pa-rim, wëë i̱, “Ci Kuoth ɣä jak kä dapä ro̱o̱l mi cä rik ti bum jek thi̱n.”
53
Kä mëë ci run riäŋä da̱ŋ bärɔw thuuk,
54
cu run buath da̱ŋ bärɔw rɔ̱ tok ce̱tnikɛ mëë ci Jo-thɛp ɛ lar. Kä cäŋɛ mëë ci wi̱i̱ diaal tekɛ buaath ti di̱t, ɛn ro̱l I-jëp te bɛlkɛ thi̱n.
55
Guäth ëë ci naath buɔth kɛ ku tok kɛ näk rɛy rööl I-jëp, cukɛ mi camkɛ röl kä Pɛro. Mëë ci Pɛro ɛ guic, cuɛ kɛ jiök i̱, “Yɛn diaal wiaa kä Jo-thɛp kä liɛŋɛ min bɛ lar.”
56
Mëë ci buɔth ɣɔw cu thiäŋ, cu Jo-thɛp lue̱e̱k bɛɛl cu lëëp, kä cu ji̱ I-jëp cu kɔk kɛ bɛl.
57
Ni röli diaal cu naath ben ro̱o̱l I-jëp kɛ ɣöö bikɛ bɛl ben kɔk kä Jo-thɛp, kɛ ɣöö ci buɔth naath tiam wi̱i̱ni diaal, amäni ro̱l Kɛ-naan bä.
← Chapter 40
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 42 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50