Jonah 2

Nuer Bible © Bible Society in South Sudan 1998,2012

← Chapter 1 Jump to: Chapter 3 →

1Jic rɛ̱̈c cu Jona Kuoth Nhial in la Kuothdɛ läŋ

2wëë i̱, “Cä ji̱ cɔl rɛy rikädä, ji̱n Kuoth Nhial, kä curi ɣä loc. Cua ciöt rɛy nɛɛni tin ci li̱w, kä curi jɔwdä liŋ.

3Ci ɣä yuɔr ni guäth mi lue̱ŋ ni lool kɛkä yiëër, guäth in ca ɣä göl piny ɛ pi̱ muɔŋädu in bum.

4Cua̱ ŋa̱c ni ɣöö ci ɣä bath nhiamdu, kä /cä due̱lu in ɣɛl rɔ bi lɛ nyɔk kɛ nën.

5Ci pi̱ ɣä kum ɛ dur, kä cua̱ pi̱ ŋuɔ̱ɔ̱p, kä cua wi̱cdä rith ɛ juaac yiëër.

6Cä wä ni guäth mi lue̱ŋ lue̱ŋ mi thil luny jɔk, kä nɛn ɛ, ji̱n Kuothdä ni Kuoth Nhial, ci tëkdä luɔ̱ɔ̱c jɔk ni ɛn guäth ɛ mi.

7Mëë ci lia̱a̱dä cop, cua̱ ji̱ läŋ, ji̱n Kuoth Nhial, kä curi ɣä liŋ ni cieŋdu in ɣɛl rɔ nhial.

8Nɛy diaal tin palkɛ ni kuth guääyni, cikɛ ciaŋ ŋäthädiɛn kɛ kui̱du ba̱ny piny.

9Kä bä ŋot kɛ mi liakä ji̱ kɛ diit tɛthä lɔaac, kɛnɛ luur mi la muc, kɛ lätni kä min cä gok i̱ bä la̱t. Kään ɛ jɛn Kuoth Nhial kärɔa!”

10Kä cu Kuoth Nhial re̱c jakä bɛ Jona ŋɔak raar guäth mi kööt.

← Chapter 1 Jump to: Chapter 3 →