Jonah 3

Nuer Bible © Bible Society in South Sudan 1998,2012

← Chapter 2 Jump to: Chapter 4 →

1Kä cu Kuoth Nhial Jona nyɔk kɛ jio̱k i̱,

2“Jiɛyni, wër kä Ni-nɛ-be, wec in di̱i̱t, kä wër ŋi̱i̱cni naath kɛ ruac ja̱k ëë cä la̱r ji̱.”

3Kä cu Jona rɔ jiɛc wëë kä Ni-nɛ-be ce̱tkɛ min ca la̱t jɛ ɛ Kuoth Nhial. Ni-nɛ-be ɛ wec mi di̱i̱t ɛlɔ̱ŋ, kɛ ɣöö ja̱lkɛ jɛ kɛ ni̱n da̱ŋ diɔ̱k.

4Mëë ci Jona ni̱en kɛl thuk jäl, cuɛ köök, kä ruacɛ i̱, “Ni-nɛ-be bɛ da̱k kɛ kɔr ni̱ni ti jiɛn ŋuaan.”

5Cu ji̱ Ni-nɛ-be riet Kuɔth ŋäth, kä cukɛ jɛ gok i̱ bi nɛy diaal mi̱th thɛk, kä bikɛ rɔ̱ moc kɛ bieyni cuali, nɛy tin di̱t a mäni nyintiɛtnikiɛn, mi nyooth ni ɣöö cikɛ rɔ̱ ri̱t kä jiäkiɛn.

6Amäni kuäär in di̱i̱t kä Ni-nɛ-be, cuɛ kɔm kuäärädɛ ba̱ny piny, kä cuɛ bi̱i̱ kuäärädɛ woc, cuɛ bieyni cuali la̱th, kä cuɛ nyuur rɛy tupä, mi nyooth ni ɣöö ci lɔcdɛ jiath.

7Cu kuäär kɛnɛ nɛɛkɛ guɔ̱k i̱ bikɛ riet jäkä ji̱ Ni-nɛ-be wäkɛ i̱, “Ca lar ɛ kuäär kɛ kui̱ ji̱ Ni-nɛ-be diaal ɛn ɣöö, thilɛ ram kɛl mi bi duɔ̱ɔ̱r cak cam, nɛy diaal kɛnɛ ɣɔk diaal kɛ dët diaal, /cukɛ jakä mi̱thkɛ kiɛ mäthkɛ.

8Bi nɛy diaal kɛnɛ le̱y ciëŋ diaal bieyni cuali dhil la̱th. Bi nɛy diaal Kuoth dhil pal kɛ pe̱k lo̱cnikiɛn, kä bi raan rɔ dhil ri̱t kä jiäkɛ kɛnɛ nyuɔɔnkɛ.

9Kä dɔ̱ŋ bi Kuoth wi̱cdɛ nyɔk kɛ ca̱r, kä bɛ ŋɛ̈ɛ̈nydɛ ka̱p cuɔ̱ŋ, ɛ /canɛ bi lɛ li̱w.”

10Mëë ci Kuoth lätkiɛn nɛn ɛn ɣöö cikɛ rɔ̱ ri̱t jiäknikiɛn, cuɛ mëë jiääk ëë cɛ ca̱p kɛ päl.

← Chapter 2 Jump to: Chapter 4 →