Malachi 4

Nuer Bible © Bible Society in South Sudan 1998,2012

← Chapter 3 Jump to:

1Kä cu Kuoth Nhial in la Ruey Ɣɔaa wee i̱, “Nɛnɛ ci cäŋ ben, cäŋ in ba nɛy diaal tin ji̱ liakä kɛnɛ tin la̱tkɛ jiäk waŋ ce̱tnikɛ taŋ ben. Ɛn cäŋ ɛmɔ bikɛ pɛ̈t, a bɛ thil kɛl mi doth kä kɛ.

2Kä yɛn tin luɔ̱thkɛ ciötdä, bi buɔ̱m luäŋädä lɛ̈p ce̱tkɛ cäŋ mi buɔy lɛ̈pdɛ bia wä raar yuɔ̱ɔ̱rɛ rɔ̱ ce̱tkɛ kɔ̱a̱l mi tuk.

3Kä bia nɛy tin ji̱ dueeri dɔny kä piny, kɛ ɣöö bikɛ ce̱tkɛ ŋɛ̈th piny ciöknikun, kɛ cäŋ in bä lät ni ti̱ti̱. Ruac ni ɣän Kuoth Nhial in la Ruey Ɣɔaa.

4“Kä tiɛtdɛ ŋuɔ̱t jäŋädä ni Muthɛ, kɛ luëëk tëë cä la̱r jɛ wi̱i̱ Pa̱a̱m Thi-nay kɛ kui̱ ji̱ I-thɛ-rɛl diaal.

5“Kä nɛ̈nɛ jɛ, ɣän bä yɛ jäk kä gök ni E-li-yaa a /ken cäŋ Kuɔth Nhial in di̱t bɛ̈cdɛ ni ben.

6Kä bɛ gua̱ni gan luäk kɛ ɣöö ba gaatkiɛn nhɔk, kä bɛ gaat luäk kɛ ɣöö ba gua̱ni nhɔk, kɛ bä ben, bä wi̱c muɔ̱ɔ̱n ben däk.”

← Chapter 3 Jump to: